| Library / Tipiṭaka / तिपिटक • Tipiṭaka / नेत्तिप्पकरणपाळि • Nettippakaraṇapāḷi |
११. पञ्ञत्तिहारसम्पातो
11. Paññattihārasampāto
७३. तत्थ कतमो पञ्ञत्तिहारसम्पातो?
73. Tattha katamo paññattihārasampāto?
‘‘तस्मा रक्खितचित्तस्स, सम्मासङ्कप्पगोचरो’’ति गाथा। ‘‘तस्मा रक्खितचित्तस्सा’’ति पदट्ठानपञ्ञत्ति सतिया। ‘‘सम्मासङ्कप्पगोचरो’’ति भावनापञ्ञत्ति समथस्स। ‘‘सम्मादिट्ठिपुरेक्खारो, ञत्वान उदयब्बय’’न्ति दस्सनभूमिया निक्खेपपञ्ञत्ति। ‘‘थिनमिद्धाभिभू भिक्खू’’ति समुदयस्स अनवसेसप्पहानपञ्ञत्ति, ‘‘सब्बा दुग्गतियो जहे’’ति भावनापञ्ञत्ति मग्गस्स।
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti padaṭṭhānapaññatti satiyā. ‘‘Sammāsaṅkappagocaro’’ti bhāvanāpaññatti samathassa. ‘‘Sammādiṭṭhipurekkhāro, ñatvāna udayabbaya’’nti dassanabhūmiyā nikkhepapaññatti. ‘‘Thinamiddhābhibhū bhikkhū’’ti samudayassa anavasesappahānapaññatti, ‘‘sabbā duggatiyo jahe’’ti bhāvanāpaññatti maggassa.
नियुत्तो पञ्ञत्तिहारसम्पातो।
Niyutto paññattihārasampāto.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / नेत्तिप्पकरण-अट्ठकथा • Nettippakaraṇa-aṭṭhakathā / ११. पञ्ञत्तिहारसम्पातवण्णना • 11. Paññattihārasampātavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / खुद्दकनिकाय (टीका) • Khuddakanikāya (ṭīkā) / नेत्तिविभाविनी • Nettivibhāvinī / ११. पञ्ञत्तिहारसम्पातविभावना • 11. Paññattihārasampātavibhāvanā
