| Library / Tipiṭaka / তিপিটক • Tipiṭaka / নেত্তিপ্পকরণপাল়ি • Nettippakaraṇapāḷi |
১১. পঞ্ঞত্তিহারসম্পাতো
11. Paññattihārasampāto
৭৩. তত্থ কতমো পঞ্ঞত্তিহারসম্পাতো?
73. Tattha katamo paññattihārasampāto?
‘‘তস্মা রক্খিতচিত্তস্স, সম্মাসঙ্কপ্পগোচরো’’তি গাথা। ‘‘তস্মা রক্খিতচিত্তস্সা’’তি পদট্ঠানপঞ্ঞত্তি সতিযা। ‘‘সম্মাসঙ্কপ্পগোচরো’’তি ভাৰনাপঞ্ঞত্তি সমথস্স। ‘‘সম্মাদিট্ঠিপুরেক্খারো, ঞত্ৰান উদযব্বয’’ন্তি দস্সনভূমিযা নিক্খেপপঞ্ঞত্তি। ‘‘থিনমিদ্ধাভিভূ ভিক্খূ’’তি সমুদযস্স অনৰসেসপ্পহানপঞ্ঞত্তি, ‘‘সব্বা দুগ্গতিযো জহে’’তি ভাৰনাপঞ্ঞত্তি মগ্গস্স।
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti padaṭṭhānapaññatti satiyā. ‘‘Sammāsaṅkappagocaro’’ti bhāvanāpaññatti samathassa. ‘‘Sammādiṭṭhipurekkhāro, ñatvāna udayabbaya’’nti dassanabhūmiyā nikkhepapaññatti. ‘‘Thinamiddhābhibhū bhikkhū’’ti samudayassa anavasesappahānapaññatti, ‘‘sabbā duggatiyo jahe’’ti bhāvanāpaññatti maggassa.
নিযুত্তো পঞ্ঞত্তিহারসম্পাতো।
Niyutto paññattihārasampāto.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / নেত্তিপ্পকরণ-অট্ঠকথা • Nettippakaraṇa-aṭṭhakathā / ১১. পঞ্ঞত্তিহারসম্পাতৰণ্ণনা • 11. Paññattihārasampātavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / খুদ্দকনিকায (টীকা) • Khuddakanikāya (ṭīkā) / নেত্তিৰিভাৰিনী • Nettivibhāvinī / ১১. পঞ্ঞত্তিহারসম্পাতৰিভাৰনা • 11. Paññattihārasampātavibhāvanā
