| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៥. បញ្ញាសុត្តវណ្ណនា
5. Paññāsuttavaṇṇanā
២៥. បញ្ចមេ យតោតិ យស្មិំ កាលេ។ សុបរិចិតំ ហោតីតិ សុដ្ឋុ ឧបចិតំ សុវឌ្ឍិតំ ហោតិ។ កល្លំ វចនាយាតិ យុត្តំ វត្តុំ។ វីតរាគន្តិ វិគតរាគំ។ អសរាគធម្មន្តិ ន សរជ្ជនសភាវំ។ អនាវត្តិធម្មន្តិ អនាវត្តនសភាវំ អនិព្ពត្តារហំ, អប្បដិសន្ធិកភាវេនេវ និរុជ្ឈនសភាវន្តិ អត្ថោ។ ឥមស្មិំ សុត្តេ ខីណាសវោវ កថិតោ។
25. Pañcame yatoti yasmiṃ kāle. Suparicitaṃ hotīti suṭṭhu upacitaṃ suvaḍḍhitaṃ hoti. Kallaṃ vacanāyāti yuttaṃ vattuṃ. Vītarāganti vigatarāgaṃ. Asarāgadhammanti na sarajjanasabhāvaṃ. Anāvattidhammanti anāvattanasabhāvaṃ anibbattārahaṃ, appaṭisandhikabhāveneva nirujjhanasabhāvanti attho. Imasmiṃ sutte khīṇāsavova kathito.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៥. បញ្ញាសុត្តំ • 5. Paññāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៤-៥. សត្តាវាសសុត្តាទិវណ្ណនា • 4-5. Sattāvāsasuttādivaṇṇanā
