| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
4. бан̃н̃аабарихийнасуд̇д̇ам̣
4. Paññāparihīnasuttaṃ
41. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
41. Vuttañhetaṃ bhagavatā, vuttamarahatāti me sutaṃ –
‘‘д̇з, бхигкавз, сад̇д̇аа субарихийнаа яз арияааяа бан̃н̃ааяа барихийнаа. д̇з д̣̇идтзва д̇хаммз д̣̇угкам̣ вихаранд̇и савигхаад̇ам̣ саубааяаасам̣ сабарил̣аахам̣; гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа. д̇з 1, бхигкавз, сад̇д̇аа абарихийнаа яз арияааяа бан̃н̃ааяа абарихийнаа. д̇з д̣̇идтзва д̇хаммз сукам̣ вихаранд̇и авигхаад̇ам̣ анубааяаасам̣ абарил̣аахам̣; гааяасса бхзд̣̇аа барам̣ маран̣аа суг̇ад̇и баадиган̇каа’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Te, bhikkhave, sattā suparihīnā ye ariyāya paññāya parihīnā. Te diṭṭheva dhamme dukkhaṃ viharanti savighātaṃ saupāyāsaṃ sapariḷāhaṃ; kāyassa bhedā paraṃ maraṇā duggati pāṭikaṅkhā. Te 2, bhikkhave, sattā aparihīnā ye ariyāya paññāya aparihīnā. Te diṭṭheva dhamme sukhaṃ viharanti avighātaṃ anupāyāsaṃ apariḷāhaṃ; kāyassa bhedā paraṃ maraṇā sugati pāṭikaṅkhā’’ti. Etamatthaṃ bhagavā avoca. Tatthetaṃ iti vuccati –
‘‘бан̃н̃ааяа барихаанзна, басса логам̣ сад̣̇звагам̣;
‘‘Paññāya parihānena, passa lokaṃ sadevakaṃ;
нивидтам̣ наамаруубасмим̣, ид̣̇ам̣ сажжанд̇и ман̃н̃ад̇и.
Niviṭṭhaṃ nāmarūpasmiṃ, idaṃ saccanti maññati.
‘‘бан̃н̃аа хи сздтаа логасмим̣, яааяам̣ ниб̣б̣зд̇хаг̇ааминий;
‘‘Paññā hi seṭṭhā lokasmiṃ, yāyaṃ nibbedhagāminī;
яааяа саммаа баж̇аанаад̇и, ж̇аад̇ибхавабаригкаяам̣.
Yāya sammā pajānāti, jātibhavaparikkhayaṃ.
‘‘д̇зсам̣ д̣̇зваа мануссаа жа, самб̣уд̣̇д̇хаанам̣ сад̇иймад̇ам̣;
‘‘Tesaṃ devā manussā ca, sambuddhānaṃ satīmataṃ;
бихаяанд̇и хаасабан̃н̃аанам̣ 3, сарийранд̇имад̇хаарина’’нд̇и.
Pihayanti hāsapaññānaṃ 4, sarīrantimadhārina’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. жад̇уд̇т̇ам̣.
Ayampi attho vutto bhagavatā, iti me sutanti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 4. бан̃н̃аабарихийнасуд̇д̇аван̣н̣анаа • 4. Paññāparihīnasuttavaṇṇanā
