| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৪. পঞ্ঞাপরিহীনসুত্তং
4. Paññāparihīnasuttaṃ
৪১. ৰুত্তঞ্হেতং ভগৰতা, ৰুত্তমরহতাতি মে সুতং –
41. Vuttañhetaṃ bhagavatā, vuttamarahatāti me sutaṃ –
‘‘তে, ভিক্খৰে, সত্তা সুপরিহীনা যে অরিযায পঞ্ঞায পরিহীনা। তে দিট্ঠেৰ ধম্মে দুক্খং ৰিহরন্তি সৰিঘাতং সউপাযাসং সপরিল়াহং; কাযস্স ভেদা পরং মরণা দুগ্গতি পাটিকঙ্খা। তে 1, ভিক্খৰে, সত্তা অপরিহীনা যে অরিযায পঞ্ঞায অপরিহীনা। তে দিট্ঠেৰ ধম্মে সুখং ৰিহরন্তি অৰিঘাতং অনুপাযাসং অপরিল়াহং; কাযস্স ভেদা পরং মরণা সুগতি পাটিকঙ্খা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Te, bhikkhave, sattā suparihīnā ye ariyāya paññāya parihīnā. Te diṭṭheva dhamme dukkhaṃ viharanti savighātaṃ saupāyāsaṃ sapariḷāhaṃ; kāyassa bhedā paraṃ maraṇā duggati pāṭikaṅkhā. Te 2, bhikkhave, sattā aparihīnā ye ariyāya paññāya aparihīnā. Te diṭṭheva dhamme sukhaṃ viharanti avighātaṃ anupāyāsaṃ apariḷāhaṃ; kāyassa bhedā paraṃ maraṇā sugati pāṭikaṅkhā’’ti. Etamatthaṃ bhagavā avoca. Tatthetaṃ iti vuccati –
‘‘পঞ্ঞায পরিহানেন, পস্স লোকং সদেৰকং।
‘‘Paññāya parihānena, passa lokaṃ sadevakaṃ;
নিৰিট্ঠং নামরূপস্মিং, ইদং সচ্চন্তি মঞ্ঞতি॥
Niviṭṭhaṃ nāmarūpasmiṃ, idaṃ saccanti maññati.
‘‘পঞ্ঞা হি সেট্ঠা লোকস্মিং, যাযং নিব্বেধগামিনী।
‘‘Paññā hi seṭṭhā lokasmiṃ, yāyaṃ nibbedhagāminī;
যায সম্মা পজানাতি, জাতিভৰপরিক্খযং॥
Yāya sammā pajānāti, jātibhavaparikkhayaṃ.
‘‘তেসং দেৰা মনুস্সা চ, সম্বুদ্ধানং সতীমতং।
‘‘Tesaṃ devā manussā ca, sambuddhānaṃ satīmataṃ;
অযম্পি অত্থো ৰুত্তো ভগৰতা, ইতি মে সুতন্তি। চতুত্থং।
Ayampi attho vutto bhagavatā, iti me sutanti. Catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৪. পঞ্ঞাপরিহীনসুত্তৰণ্ণনা • 4. Paññāparihīnasuttavaṇṇanā
