| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౨. పణీతతరసుత్తం
2. Paṇītatarasuttaṃ
౩౪౩. సావత్థినిదానం. ‘‘చతస్సో ఇమా, భిక్ఖవే, నాగయోనియో. కతమా చతస్సో? అణ్డజా నాగా, జలాబుజా నాగా, సంసేదజా నాగా, ఓపపాతికా నాగా. తత్ర , భిక్ఖవే, అణ్డజేహి నాగేహి జలాబుజా చ సంసేదజా చ ఓపపాతికా చ నాగా పణీతతరా. తత్ర, భిక్ఖవే, అణ్డజేహి చ జలాబుజేహి చ నాగేహి సంసేదజా చ ఓపపాతికా చ నాగా పణీతతరా. తత్ర, భిక్ఖవే, అణ్డజేహి చ జలాబుజేహి చ సంసేదజేహి చ నాగేహి ఓపపాతికా నాగా పణీతతరా. ఇమా ఖో, భిక్ఖవే, చతస్సో నాగయోనియో’’తి. దుతియం.
343. Sāvatthinidānaṃ. ‘‘Catasso imā, bhikkhave, nāgayoniyo. Katamā catasso? Aṇḍajā nāgā, jalābujā nāgā, saṃsedajā nāgā, opapātikā nāgā. Tatra , bhikkhave, aṇḍajehi nāgehi jalābujā ca saṃsedajā ca opapātikā ca nāgā paṇītatarā. Tatra, bhikkhave, aṇḍajehi ca jalābujehi ca nāgehi saṃsedajā ca opapātikā ca nāgā paṇītatarā. Tatra, bhikkhave, aṇḍajehi ca jalābujehi ca saṃsedajehi ca nāgehi opapātikā nāgā paṇītatarā. Imā kho, bhikkhave, catasso nāgayoniyo’’ti. Dutiyaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౨-౫౦. పణీతతరసుత్తాదివణ్ణనా • 2-50. Paṇītatarasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౨-౫౦. పణీతతరసుత్తాదివణ్ణనా • 2-50. Paṇītatarasuttādivaṇṇanā
