| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੫. ਪਞ੍ਹਪੁਚ੍ਛਾਸੁਤ੍ਤਂ
5. Pañhapucchāsuttaṃ
੧੬੫. ਤਤ੍ਰ ਖੋ ਆਯਸ੍ਮਾ ਸਾਰਿਪੁਤ੍ਤੋ ਭਿਕ੍ਖੂ ਆਮਨ੍ਤੇਸਿ…ਪੇ॰… ‘‘ਯੋ ਹਿ ਕੋਚਿ, ਆવੁਸੋ, ਪਰਂ ਪਞ੍ਹਂ ਪੁਚ੍ਛਤਿ, ਸਬ੍ਬੋ ਸੋ ਪਞ੍ਚਹਿ ਠਾਨੇਹਿ, ਏਤੇਸਂ વਾ ਅਞ੍ਞਤਰੇਨ। ਕਤਮੇਹਿ ਪਞ੍ਚਹਿ? ਮਨ੍ਦਤ੍ਤਾ ਮੋਮੂਹਤ੍ਤਾ 1 ਪਰਂ ਪਞ੍ਹਂ ਪੁਚ੍ਛਤਿ, ਪਾਪਿਚ੍ਛੋ ਇਚ੍ਛਾਪਕਤੋ ਪਰਂ ਪਞ੍ਹਂ ਪੁਚ੍ਛਤਿ, ਪਰਿਭવਂ ਪਰਂ ਪਞ੍ਹਂ ਪੁਚ੍ਛਤਿ, ਅਞ੍ਞਾਤੁਕਾਮੋ ਪਰਂ ਪਞ੍ਹਂ ਪੁਚ੍ਛਤਿ, ਅਥ વਾ ਪਨੇવਂਚਿਤ੍ਤੋ 2 ਪਰਂ ਪਞ੍ਹਂ ਪੁਚ੍ਛਤਿ – ‘ਸਚੇ ਮੇ ਪਞ੍ਹਂ ਪੁਟ੍ਠੋ ਸਮ੍ਮਦੇવ ਬ੍ਯਾਕਰਿਸ੍ਸਤਿ ਇਚ੍ਚੇਤਂ ਕੁਸਲਂ, ਨੋ ਚੇ 3 ਮੇ ਪਞ੍ਹਂ ਪੁਟ੍ਠੋ ਸਮ੍ਮਦੇવ ਬ੍ਯਾਕਰਿਸ੍ਸਤਿ ਅਹਮਸ੍ਸ ਸਮ੍ਮਦੇવ ਬ੍ਯਾਕਰਿਸ੍ਸਾਮੀ’ਤਿ। ਯੋ ਹਿ ਕੋਚਿ, ਆવੁਸੋ, ਪਰਂ ਪਞ੍ਹਂ ਪੁਚ੍ਛਤਿ, ਸਬ੍ਬੋ ਸੋ ਇਮੇਹਿ ਪਞ੍ਚਹਿ ਠਾਨੇਹਿ, ਏਤੇਸਂ વਾ ਅਞ੍ਞਤਰੇਨ। ਅਹਂ ਖੋ ਪਨਾવੁਸੋ, ਏવਂਚਿਤ੍ਤੋ ਪਰਂ ਪਞ੍ਹਂ ਪੁਚ੍ਛਾਮਿ – ‘ਸਚੇ ਮੇ ਪਞ੍ਹਂ ਪੁਟ੍ਠੋ ਸਮ੍ਮਦੇવ ਬ੍ਯਾਕਰਿਸ੍ਸਤਿ ਇਚ੍ਚੇਤਂ ਕੁਸਲਂ, ਨੋ ਚੇ ਮੇ ਪਞ੍ਹਂ ਪੁਟ੍ਠੋ ਸਮ੍ਮਦੇવ ਬ੍ਯਾਕਰਿਸ੍ਸਤਿ, ਅਹਮਸ੍ਸ ਸਮ੍ਮਦੇવ ਬ੍ਯਾਕਰਿਸ੍ਸਾਮੀ’’ਤਿ। ਪਞ੍ਚਮਂ।
165. Tatra kho āyasmā sāriputto bhikkhū āmantesi…pe… ‘‘yo hi koci, āvuso, paraṃ pañhaṃ pucchati, sabbo so pañcahi ṭhānehi, etesaṃ vā aññatarena. Katamehi pañcahi? Mandattā momūhattā 4 paraṃ pañhaṃ pucchati, pāpiccho icchāpakato paraṃ pañhaṃ pucchati, paribhavaṃ paraṃ pañhaṃ pucchati, aññātukāmo paraṃ pañhaṃ pucchati, atha vā panevaṃcitto 5 paraṃ pañhaṃ pucchati – ‘sace me pañhaṃ puṭṭho sammadeva byākarissati iccetaṃ kusalaṃ, no ce 6 me pañhaṃ puṭṭho sammadeva byākarissati ahamassa sammadeva byākarissāmī’ti. Yo hi koci, āvuso, paraṃ pañhaṃ pucchati, sabbo so imehi pañcahi ṭhānehi, etesaṃ vā aññatarena. Ahaṃ kho panāvuso, evaṃcitto paraṃ pañhaṃ pucchāmi – ‘sace me pañhaṃ puṭṭho sammadeva byākarissati iccetaṃ kusalaṃ, no ce me pañhaṃ puṭṭho sammadeva byākarissati, ahamassa sammadeva byākarissāmī’’ti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਪਞ੍ਹਪੁਚ੍ਛਾਸੁਤ੍ਤવਣ੍ਣਨਾ • 5. Pañhapucchāsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫. ਪਠਮਆਘਾਤਪਟਿવਿਨਯਸੁਤ੍ਤਾਦਿવਣ੍ਣਨਾ • 1-5. Paṭhamaāghātapaṭivinayasuttādivaṇṇanā
