| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
২. পঞ্হব্যাকরণসুত্তৰণ্ণনা
2. Pañhabyākaraṇasuttavaṇṇanā
৪২. দুতিযে যো চ তেসং তত্থ তত্থ, জানাতি অনুধম্মতন্তি যো এতেসং পঞ্হানং তস্মিং তস্মিং ঠানে ব্যাকরণং জানাতি। চতুপঞ্হস্স কুসলো, আহু ভিক্খুং তথাৰিধন্তি তথাৰিধং ভিক্খুং তেসু চতূসু পঞ্হেসু কুসলোতি এৰং ৰদন্তি। দুরাসদো দুপ্পসহোতি পরেহি ঘট্টেতুং ৰা অভিভৰিতুং ৰা ন সক্কা। গম্ভীরোতি সত্তসীদন্তরমহাসমুদ্দো ৰিয গম্ভীরো। দুপ্পধংসিযোতি দুম্মোচাপযো, গহিতগ্গহণং ৰিস্সজ্জাপেতুং ন সক্কাতি অত্থো। অত্থে অনত্থে চাতি ৰড্ঢিযঞ্চ অৰড্ঢিযঞ্চ। অত্থাভিসমযাতি অত্থসমাগমেন। ধীরো পণ্ডিতোতি পৰুচ্চতীতি ধিতিসম্পন্নো পুগ্গলো ‘‘পণ্ডিতো অয’’ন্তি এৰং পৰুচ্চতি।
42. Dutiye yo ca tesaṃ tattha tattha, jānāti anudhammatanti yo etesaṃ pañhānaṃ tasmiṃ tasmiṃ ṭhāne byākaraṇaṃ jānāti. Catupañhassa kusalo, āhu bhikkhuṃ tathāvidhanti tathāvidhaṃ bhikkhuṃ tesu catūsu pañhesu kusaloti evaṃ vadanti. Durāsado duppasahoti parehi ghaṭṭetuṃ vā abhibhavituṃ vā na sakkā. Gambhīroti sattasīdantaramahāsamuddo viya gambhīro. Duppadhaṃsiyoti dummocāpayo, gahitaggahaṇaṃ vissajjāpetuṃ na sakkāti attho. Atthe anatthe cāti vaḍḍhiyañca avaḍḍhiyañca. Atthābhisamayāti atthasamāgamena. Dhīro paṇḍitoti pavuccatīti dhitisampanno puggalo ‘‘paṇḍito aya’’nti evaṃ pavuccati.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ২. পঞ্হব্যাকরণসুত্তং • 2. Pañhabyākaraṇasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ২-৪. পঞ্হব্যাকরণসুত্তাদিৰণ্ণনা • 2-4. Pañhabyākaraṇasuttādivaṇṇanā
