| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
२. पञ्हब्याकरणसुत्तं
2. Pañhabyākaraṇasuttaṃ
४२. ‘‘चत्तारिमानि , भिक्खवे, पञ्हब्याकरणानि 1। कतमानि चत्तारि? अत्थि, भिक्खवे, पञ्हो एकंसब्याकरणीयो; अत्थि, भिक्खवे, पञ्हो विभज्जब्याकरणीयो; अत्थि, भिक्खवे, पञ्हो पटिपुच्छाब्याकरणीयो; अत्थि, भिक्खवे, पञ्हो ठपनीयो। इमानि खो, भिक्खवे, चत्तारि पञ्हब्याकरणानी’’ति।
42. ‘‘Cattārimāni , bhikkhave, pañhabyākaraṇāni 2. Katamāni cattāri? Atthi, bhikkhave, pañho ekaṃsabyākaraṇīyo; atthi, bhikkhave, pañho vibhajjabyākaraṇīyo; atthi, bhikkhave, pañho paṭipucchābyākaraṇīyo; atthi, bhikkhave, pañho ṭhapanīyo. Imāni kho, bhikkhave, cattāri pañhabyākaraṇānī’’ti.
‘‘एकंसवचनं एकं, विभज्जवचनापरं।
‘‘Ekaṃsavacanaṃ ekaṃ, vibhajjavacanāparaṃ;
ततियं पटिपुच्छेय्य, चतुत्थं पन ठापये॥
Tatiyaṃ paṭipuccheyya, catutthaṃ pana ṭhāpaye.
चतुपञ्हस्स कुसलो, आहु भिक्खुं तथाविधं॥
Catupañhassa kusalo, āhu bhikkhuṃ tathāvidhaṃ.
‘‘दुरासदो दुप्पसहो, गम्भीरो दुप्पधंसियो।
‘‘Durāsado duppasaho, gambhīro duppadhaṃsiyo;
‘‘अनत्थं परिवज्जेति, अत्थं गण्हाति पण्डितो।
‘‘Anatthaṃ parivajjeti, atthaṃ gaṇhāti paṇḍito;
अत्थाभिसमया धीरो, पण्डितोति पवुच्चती’’ति॥ दुतियं।
Atthābhisamayā dhīro, paṇḍitoti pavuccatī’’ti. dutiyaṃ;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / २. पञ्हब्याकरणसुत्तवण्णना • 2. Pañhabyākaraṇasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / २-४. पञ्हब्याकरणसुत्तादिवण्णना • 2-4. Pañhabyākaraṇasuttādivaṇṇanā
