| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๕. ปณฺฑิตสุตฺตํ
5. Paṇḍitasuttaṃ
๔๕. ‘‘ตีณิมานิ, ภิกฺขเว, ปณฺฑิตปญฺญตฺตานิ สปฺปุริสปญฺญตฺตานิฯ กตมานิ ตีณิ? ทานํ, ภิกฺขเว, ปณฺฑิตปญฺญตฺตํ สปฺปุริสปญฺญตฺตํ ฯ ปพฺพชฺชา, ภิกฺขเว , ปณฺฑิตปญฺญตฺตา สปฺปุริสปญฺญตฺตาฯ มาตาปิตูนํ, ภิกฺขเว, อุปฎฺฐานํ ปณฺฑิตปญฺญตฺตํ สปฺปุริสปญฺญตฺตํฯ อิมานิ โข, ภิกฺขเว, ตีณิ ปณฺฑิตปญฺญตฺตานิ สปฺปุริสปญฺญตฺตานี’’ติฯ
45. ‘‘Tīṇimāni, bhikkhave, paṇḍitapaññattāni sappurisapaññattāni. Katamāni tīṇi? Dānaṃ, bhikkhave, paṇḍitapaññattaṃ sappurisapaññattaṃ . Pabbajjā, bhikkhave , paṇḍitapaññattā sappurisapaññattā. Mātāpitūnaṃ, bhikkhave, upaṭṭhānaṃ paṇḍitapaññattaṃ sappurisapaññattaṃ. Imāni kho, bhikkhave, tīṇi paṇḍitapaññattāni sappurisapaññattānī’’ti.
‘‘สพฺภิ ทานํ อุปญฺญตฺตํ, อหิํสา สํยโม ทโม;
‘‘Sabbhi dānaṃ upaññattaṃ, ahiṃsā saṃyamo damo;
มาตาปิตุ อุปฎฺฐานํ, สนฺตานํ พฺรหฺมจารินํฯ
Mātāpitu upaṭṭhānaṃ, santānaṃ brahmacārinaṃ.
‘‘สตํ เอตานิ ฐานานิ, ยานิ เสเวถ ปณฺฑิโต;
‘‘Sataṃ etāni ṭhānāni, yāni sevetha paṇḍito;
อริโย ทสฺสนสมฺปโนฺน, ส โลกํ ภชเต สิว’’นฺติฯ ปญฺจมํ;
Ariyo dassanasampanno, sa lokaṃ bhajate siva’’nti. pañcamaṃ;
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๕. ปณฺฑิตสุตฺตวณฺณนา • 5. Paṇḍitasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕. ปณฺฑิตสุตฺตวณฺณนา • 5. Paṇḍitasuttavaṇṇanā
