| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
५. पण्डितसुत्तं
5. Paṇḍitasuttaṃ
४५. ‘‘तीणिमानि, भिक्खवे, पण्डितपञ्ञत्तानि सप्पुरिसपञ्ञत्तानि। कतमानि तीणि? दानं, भिक्खवे, पण्डितपञ्ञत्तं सप्पुरिसपञ्ञत्तं । पब्बज्जा, भिक्खवे , पण्डितपञ्ञत्ता सप्पुरिसपञ्ञत्ता। मातापितूनं, भिक्खवे, उपट्ठानं पण्डितपञ्ञत्तं सप्पुरिसपञ्ञत्तं। इमानि खो, भिक्खवे, तीणि पण्डितपञ्ञत्तानि सप्पुरिसपञ्ञत्तानी’’ति।
45. ‘‘Tīṇimāni, bhikkhave, paṇḍitapaññattāni sappurisapaññattāni. Katamāni tīṇi? Dānaṃ, bhikkhave, paṇḍitapaññattaṃ sappurisapaññattaṃ . Pabbajjā, bhikkhave , paṇḍitapaññattā sappurisapaññattā. Mātāpitūnaṃ, bhikkhave, upaṭṭhānaṃ paṇḍitapaññattaṃ sappurisapaññattaṃ. Imāni kho, bhikkhave, tīṇi paṇḍitapaññattāni sappurisapaññattānī’’ti.
‘‘सब्भि दानं उपञ्ञत्तं, अहिंसा संयमो दमो।
‘‘Sabbhi dānaṃ upaññattaṃ, ahiṃsā saṃyamo damo;
मातापितु उपट्ठानं, सन्तानं ब्रह्मचारिनं॥
Mātāpitu upaṭṭhānaṃ, santānaṃ brahmacārinaṃ.
‘‘सतं एतानि ठानानि, यानि सेवेथ पण्डितो।
‘‘Sataṃ etāni ṭhānāni, yāni sevetha paṇḍito;
अरियो दस्सनसम्पन्नो, स लोकं भजते सिव’’न्ति॥ पञ्चमं।
Ariyo dassanasampanno, sa lokaṃ bhajate siva’’nti. pañcamaṃ;
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ५. पण्डितसुत्तवण्णना • 5. Paṇḍitasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ५. पण्डितसुत्तवण्णना • 5. Paṇḍitasuttavaṇṇanā
