| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೩. ಪಞ್ಚವಿಞ್ಞಾಣಸಮಙ್ಗಿಸ್ಸಮಗ್ಗಕಥಾವಣ್ಣನಾ
3. Pañcaviññāṇasamaṅgissamaggakathāvaṇṇanā
೫೭೬. ಲಕ್ಖಣನ್ತಿ ಪಞ್ಚವಿಞ್ಞಾಣಾನಂ ಉಪ್ಪನ್ನಾರಮ್ಮಣತಾದಿಅವಿತಥೇಕಪ್ಪಕಾರತಾಲಕ್ಖಣಂ। ಕಾಮಂ ಮನೋವಿಞ್ಞಾಣಂ ಅವತ್ಥುಕಮ್ಪಿ ಹೋತಿ, ಸವತ್ಥುಕತ್ತೇ ಪನ ತಮ್ಪಿ ಉಪ್ಪನ್ನವತ್ಥುಕಮೇವ। ತಥಾ ಹಿ ಪಾಳಿಯಂ ಠಪನಾಯಂ ‘‘ಹಞ್ಚಿ ಪಞ್ಚವಿಞ್ಞಾಣಾ ಉಪ್ಪನ್ನಾರಮ್ಮಣಾ’’ತ್ವೇವ ವುತ್ತಂ। ಮನೋವಿಞ್ಞಾಣಸ್ಸಪಿ ಉಪ್ಪನ್ನವತ್ಥುಕತಾಪರಿಯಾಯೋ ಅತ್ಥೀತಿ ‘‘ಪಞ್ಚ ವಿಞ್ಞಾಣಾ’’ತಿ ಅವತ್ವಾ ‘‘ಛ ವಿಞ್ಞಾಣಾ ಉಪ್ಪನ್ನವತ್ಥುಕಾ’’ತಿ ವುತ್ತೇ ‘‘ನೋ ಚ ವತ ರೇ ವತ್ತಬ್ಬೇ ಪಞ್ಚವಿಞ್ಞಾಣಸಮಙ್ಗಿಸ್ಸ ಅತ್ಥಿ ಮಗ್ಗಭಾವನಾ’’ತಿ ವತ್ತುಂ ನ ಸಕ್ಕಾತಿ ದಸ್ಸೇನ್ತೋ ಆಹ ‘‘ಛ ವಿಞ್ಞಾಣಾ…ಪೇ॰… ಅಧಿಪ್ಪೇತ’’ನ್ತಿ।
576. Lakkhaṇanti pañcaviññāṇānaṃ uppannārammaṇatādiavitathekappakāratālakkhaṇaṃ. Kāmaṃ manoviññāṇaṃ avatthukampi hoti, savatthukatte pana tampi uppannavatthukameva. Tathā hi pāḷiyaṃ ṭhapanāyaṃ ‘‘hañci pañcaviññāṇā uppannārammaṇā’’tveva vuttaṃ. Manoviññāṇassapi uppannavatthukatāpariyāyo atthīti ‘‘pañca viññāṇā’’ti avatvā ‘‘cha viññāṇā uppannavatthukā’’ti vutte ‘‘no ca vata re vattabbe pañcaviññāṇasamaṅgissa atthi maggabhāvanā’’ti vattuṃ na sakkāti dassento āha ‘‘cha viññāṇā…pe… adhippeta’’nti.
೫೭೭. ‘‘ಅನಿಮಿತ್ತಂ ಸುಞ್ಞತಂ ಅಪ್ಪಣಿಹಿತ’’ನ್ತಿ ನಿಬ್ಬಾನಸ್ಸ ತೇ ಪರಿಯಾಯಾ। ಚಕ್ಖುವಿಞ್ಞಾಣಸ್ಸ ಅನಿಮಿತ್ತಗಾಹಿಭಾವೇ ಸುಞ್ಞತಾರಮ್ಮಣತಾಪಿ ಸಿಯಾತಿ ವುತ್ತಂ ‘‘ತದೇವ ಸುಞ್ಞತನ್ತಿ ಅಧಿಪ್ಪಾಯೋ’’ತಿ।
577. ‘‘Animittaṃ suññataṃ appaṇihita’’nti nibbānassa te pariyāyā. Cakkhuviññāṇassa animittagāhibhāve suññatārammaṇatāpi siyāti vuttaṃ ‘‘tadeva suññatanti adhippāyo’’ti.
ಪಞ್ಚವಿಞ್ಞಾಣಸಮಙ್ಗಿಸ್ಸಮಗ್ಗಕಥಾವಣ್ಣನಾ ನಿಟ್ಠಿತಾ।
Pañcaviññāṇasamaṅgissamaggakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೯೭) ೩. ಪಞ್ಚವಿಞ್ಞಾಣಸಮಙ್ಗಿಸ್ಸ ಮಗ್ಗಕಥಾ • (97) 3. Pañcaviññāṇasamaṅgissa maggakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೩. ಪಞ್ಚವಿಞ್ಞಾಣಸಮಙ್ಗಿಸ್ಸ ಮಗ್ಗಕಥಾವಣ್ಣನಾ • 3. Pañcaviññāṇasamaṅgissa maggakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೩. ಪಞ್ಚವಿಞ್ಞಾಣಸಮಙ್ಗಿಸ್ಸಮಗ್ಗಕಥಾವಣ್ಣನಾ • 3. Pañcaviññāṇasamaṅgissamaggakathāvaṇṇanā
