| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૩. પઞ્ચવિઞ્ઞાણસમઙ્ગિસ્સમગ્ગકથાવણ્ણના
3. Pañcaviññāṇasamaṅgissamaggakathāvaṇṇanā
૫૭૬. લક્ખણન્તિ પઞ્ચવિઞ્ઞાણાનં ઉપ્પન્નારમ્મણતાદિઅવિતથેકપ્પકારતાલક્ખણં. કામં મનોવિઞ્ઞાણં અવત્થુકમ્પિ હોતિ, સવત્થુકત્તે પન તમ્પિ ઉપ્પન્નવત્થુકમેવ. તથા હિ પાળિયં ઠપનાયં ‘‘હઞ્ચિ પઞ્ચવિઞ્ઞાણા ઉપ્પન્નારમ્મણા’’ત્વેવ વુત્તં. મનોવિઞ્ઞાણસ્સપિ ઉપ્પન્નવત્થુકતાપરિયાયો અત્થીતિ ‘‘પઞ્ચ વિઞ્ઞાણા’’તિ અવત્વા ‘‘છ વિઞ્ઞાણા ઉપ્પન્નવત્થુકા’’તિ વુત્તે ‘‘નો ચ વત રે વત્તબ્બે પઞ્ચવિઞ્ઞાણસમઙ્ગિસ્સ અત્થિ મગ્ગભાવના’’તિ વત્તું ન સક્કાતિ દસ્સેન્તો આહ ‘‘છ વિઞ્ઞાણા…પે॰… અધિપ્પેત’’ન્તિ.
576. Lakkhaṇanti pañcaviññāṇānaṃ uppannārammaṇatādiavitathekappakāratālakkhaṇaṃ. Kāmaṃ manoviññāṇaṃ avatthukampi hoti, savatthukatte pana tampi uppannavatthukameva. Tathā hi pāḷiyaṃ ṭhapanāyaṃ ‘‘hañci pañcaviññāṇā uppannārammaṇā’’tveva vuttaṃ. Manoviññāṇassapi uppannavatthukatāpariyāyo atthīti ‘‘pañca viññāṇā’’ti avatvā ‘‘cha viññāṇā uppannavatthukā’’ti vutte ‘‘no ca vata re vattabbe pañcaviññāṇasamaṅgissa atthi maggabhāvanā’’ti vattuṃ na sakkāti dassento āha ‘‘cha viññāṇā…pe… adhippeta’’nti.
૫૭૭. ‘‘અનિમિત્તં સુઞ્ઞતં અપ્પણિહિત’’ન્તિ નિબ્બાનસ્સ તે પરિયાયા. ચક્ખુવિઞ્ઞાણસ્સ અનિમિત્તગાહિભાવે સુઞ્ઞતારમ્મણતાપિ સિયાતિ વુત્તં ‘‘તદેવ સુઞ્ઞતન્તિ અધિપ્પાયો’’તિ.
577. ‘‘Animittaṃ suññataṃ appaṇihita’’nti nibbānassa te pariyāyā. Cakkhuviññāṇassa animittagāhibhāve suññatārammaṇatāpi siyāti vuttaṃ ‘‘tadeva suññatanti adhippāyo’’ti.
પઞ્ચવિઞ્ઞાણસમઙ્ગિસ્સમગ્ગકથાવણ્ણના નિટ્ઠિતા.
Pañcaviññāṇasamaṅgissamaggakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૯૭) ૩. પઞ્ચવિઞ્ઞાણસમઙ્ગિસ્સ મગ્ગકથા • (97) 3. Pañcaviññāṇasamaṅgissa maggakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૩. પઞ્ચવિઞ્ઞાણસમઙ્ગિસ્સ મગ્ગકથાવણ્ણના • 3. Pañcaviññāṇasamaṅgissa maggakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૩. પઞ્ચવિઞ્ઞાણસમઙ્ગિસ્સમગ્ગકથાવણ્ણના • 3. Pañcaviññāṇasamaṅgissamaggakathāvaṇṇanā
