| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੪. ਪਞ੍ਚવੇਰਸੁਤ੍ਤਂ
14. Pañcaverasuttaṃ
੨੯੩. ‘‘ਪਞ੍ਚਹਿ, ਅਨੁਰੁਦ੍ਧ, ਧਮ੍ਮੇਹਿ ਸਮਨ੍ਨਾਗਤੋ ਮਾਤੁਗਾਮੋ…ਪੇ॰… ਨਿਰਯਂ ਉਪਪਜ੍ਜਤਿ। ਕਤਮੇਹਿ ਪਞ੍ਚਹਿ? ਪਾਣਾਤਿਪਾਤੀ ਚ ਹੋਤਿ, ਅਦਿਨ੍ਨਾਦਾਯੀ ਚ ਹੋਤਿ, ਕਾਮੇਸੁਮਿਚ੍ਛਾਚਾਰੀ ਚ ਹੋਤਿ, ਮੁਸਾવਾਦੀ ਚ ਹੋਤਿ, ਸੁਰਾਮੇਰਯਮਜ੍ਜਪ੍ਪਮਾਦਟ੍ਠਾਯੀ ਚ ਹੋਤਿ – ਇਮੇਹਿ ਖੋ, ਅਨੁਰੁਦ੍ਧ, ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਮਾਤੁਗਾਮੋ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ વਿਨਿਪਾਤਂ ਨਿਰਯਂ ਉਪਪਜ੍ਜਤੀ’’ਤਿ। ਚੁਦ੍ਦਸਮਂ।
293. ‘‘Pañcahi, anuruddha, dhammehi samannāgato mātugāmo…pe… nirayaṃ upapajjati. Katamehi pañcahi? Pāṇātipātī ca hoti, adinnādāyī ca hoti, kāmesumicchācārī ca hoti, musāvādī ca hoti, surāmerayamajjappamādaṭṭhāyī ca hoti – imehi kho, anuruddha, pañcahi dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī’’ti. Cuddasamaṃ.
ਪਠਮਪੇਯ੍ਯਾਲવਗ੍ਗੋ।
Paṭhamapeyyālavaggo.
ਤਸ੍ਸੁਦ੍ਦਾਨਂ –
Tassuddānaṃ –
ਕੋਧਨੋ ਉਪਨਾਹੀ ਚ, ਇਸ੍ਸੁਕੀ ਮਚ੍ਛਰੇਨ ਚ।
Kodhano upanāhī ca, issukī maccharena ca;
ਅਤਿਚਾਰੀ ਚ ਦੁਸ੍ਸੀਲੋ, ਅਪ੍ਪਸ੍ਸੁਤੋ ਚ ਕੁਸੀਤੋ।
Aticārī ca dussīlo, appassuto ca kusīto;
ਮੁਟ੍ਠਸ੍ਸਤਿ ਪਞ੍ਚવੇਰਂ, ਕਣ੍ਹਪਕ੍ਖੇ ਪਕਾਸਿਤੋ॥
Muṭṭhassati pañcaveraṃ, kaṇhapakkhe pakāsito.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਤੀਹਿਧਮ੍ਮੇਹਿਸੁਤ੍ਤਾਦਿવਣ੍ਣਨਾ • 4. Tīhidhammehisuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਤੀਹਿਧਮ੍ਮੇਹਿਸੁਤ੍ਤਾਦਿવਣ੍ਣਨਾ • 4. Tīhidhammehisuttādivaṇṇanā
