| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
१४. पञ्चवेरसुत्तं
14. Pañcaverasuttaṃ
२९३. ‘‘पञ्चहि, अनुरुद्ध, धम्मेहि समन्नागतो मातुगामो…पे॰… निरयं उपपज्जति। कतमेहि पञ्चहि? पाणातिपाती च होति, अदिन्नादायी च होति, कामेसुमिच्छाचारी च होति, मुसावादी च होति, सुरामेरयमज्जप्पमादट्ठायी च होति – इमेहि खो, अनुरुद्ध, पञ्चहि धम्मेहि समन्नागतो मातुगामो कायस्स भेदा परं मरणा अपायं दुग्गतिं विनिपातं निरयं उपपज्जती’’ति। चुद्दसमं।
293. ‘‘Pañcahi, anuruddha, dhammehi samannāgato mātugāmo…pe… nirayaṃ upapajjati. Katamehi pañcahi? Pāṇātipātī ca hoti, adinnādāyī ca hoti, kāmesumicchācārī ca hoti, musāvādī ca hoti, surāmerayamajjappamādaṭṭhāyī ca hoti – imehi kho, anuruddha, pañcahi dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī’’ti. Cuddasamaṃ.
पठमपेय्यालवग्गो।
Paṭhamapeyyālavaggo.
तस्सुद्दानं –
Tassuddānaṃ –
कोधनो उपनाही च, इस्सुकी मच्छरेन च।
Kodhano upanāhī ca, issukī maccharena ca;
अतिचारी च दुस्सीलो, अप्पस्सुतो च कुसीतो।
Aticārī ca dussīlo, appassuto ca kusīto;
मुट्ठस्सति पञ्चवेरं, कण्हपक्खे पकासितो॥
Muṭṭhassati pañcaveraṃ, kaṇhapakkhe pakāsito.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४. तीहिधम्मेहिसुत्तादिवण्णना • 4. Tīhidhammehisuttādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ४. तीहिधम्मेहिसुत्तादिवण्णना • 4. Tīhidhammehisuttādivaṇṇanā
