| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. པཉྩསཱིལསུཏྟཾ
10. Pañcasīlasuttaṃ
༣༠༣. ‘‘པཉྩཧི, ཨནུརུདྡྷ, དྷམྨེཧི སམནྣཱགཏོ མཱཏུགཱམོ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫཏི། ཀཏམེཧི པཉྩཧི? པཱཎཱཏིཔཱཏཱ པཊིཝིརཏོ ཙ ཧོཏི, ཨདིནྣཱདཱནཱ པཊིཝིརཏོ ཙ ཧོཏི, ཀཱམེསུམིཙྪཱཙཱརཱ པཊིཝིརཏོ ཙ ཧོཏི, མུསཱཝཱདཱ པཊིཝིརཏོ ཙ ཧོཏི, སུརཱམེརཡམཛྫཔྤམཱདཊྛཱནཱ པཊིཝིརཏོ ཙ ཧོཏི – ཨིམེཧི ཁོ, ཨནུརུདྡྷ, པཉྩཧི དྷམྨེཧི སམནྣཱགཏོ མཱཏུགཱམོ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫཏཱི’’ཏི། དསམཾ།
303. ‘‘Pañcahi, anuruddha, dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati. Katamehi pañcahi? Pāṇātipātā paṭivirato ca hoti, adinnādānā paṭivirato ca hoti, kāmesumicchācārā paṭivirato ca hoti, musāvādā paṭivirato ca hoti, surāmerayamajjappamādaṭṭhānā paṭivirato ca hoti – imehi kho, anuruddha, pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī’’ti. Dasamaṃ.
དུཏིཡཔེཡྻཱལཝགྒོ།
Dutiyapeyyālavaggo.
ཏསྶུདྡཱནཾ –
Tassuddānaṃ –
ཨམཙྪརཱི ཨནཏིཙཱརཱི, སཱིལཝཱ ཙ བཧུསྶུཏོ།
Amaccharī anaticārī, sīlavā ca bahussuto;
ཝཱིརིཡཾ སཏི སཱིལཉྩ, སུཀྐཔཀྑེ པཀཱསིཏོ༎
Vīriyaṃ sati sīlañca, sukkapakkhe pakāsito.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤. ཏཱིཧིདྷམྨེཧིསུཏྟཱདིཝཎྞནཱ • 4. Tīhidhammehisuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. ཏཱིཧིདྷམྨེཧིསུཏྟཱདིཝཎྞནཱ • 4. Tīhidhammehisuttādivaṇṇanā
