| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. પઞ્ચસીલસુત્તં
10. Pañcasīlasuttaṃ
૩૦૩. ‘‘પઞ્ચહિ, અનુરુદ્ધ, ધમ્મેહિ સમન્નાગતો માતુગામો કાયસ્સ ભેદા પરં મરણા સુગતિં સગ્ગં લોકં ઉપપજ્જતિ. કતમેહિ પઞ્ચહિ? પાણાતિપાતા પટિવિરતો ચ હોતિ, અદિન્નાદાના પટિવિરતો ચ હોતિ, કામેસુમિચ્છાચારા પટિવિરતો ચ હોતિ, મુસાવાદા પટિવિરતો ચ હોતિ, સુરામેરયમજ્જપ્પમાદટ્ઠાના પટિવિરતો ચ હોતિ – ઇમેહિ ખો, અનુરુદ્ધ, પઞ્ચહિ ધમ્મેહિ સમન્નાગતો માતુગામો કાયસ્સ ભેદા પરં મરણા સુગતિં સગ્ગં લોકં ઉપપજ્જતી’’તિ. દસમં.
303. ‘‘Pañcahi, anuruddha, dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati. Katamehi pañcahi? Pāṇātipātā paṭivirato ca hoti, adinnādānā paṭivirato ca hoti, kāmesumicchācārā paṭivirato ca hoti, musāvādā paṭivirato ca hoti, surāmerayamajjappamādaṭṭhānā paṭivirato ca hoti – imehi kho, anuruddha, pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī’’ti. Dasamaṃ.
દુતિયપેય્યાલવગ્ગો.
Dutiyapeyyālavaggo.
તસ્સુદ્દાનં –
Tassuddānaṃ –
અમચ્છરી અનતિચારી, સીલવા ચ બહુસ્સુતો;
Amaccharī anaticārī, sīlavā ca bahussuto;
વીરિયં સતિ સીલઞ્ચ, સુક્કપક્ખે પકાસિતો.
Vīriyaṃ sati sīlañca, sukkapakkhe pakāsito.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. તીહિધમ્મેહિસુત્તાદિવણ્ણના • 4. Tīhidhammehisuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. તીહિધમ્મેહિસુત્તાદિવણ્ણના • 4. Tīhidhammehisuttādivaṇṇanā
