| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౧౦. పఞ్చసీలసుత్తం
10. Pañcasīlasuttaṃ
౩౦౩. ‘‘పఞ్చహి, అనురుద్ధ, ధమ్మేహి సమన్నాగతో మాతుగామో కాయస్స భేదా పరం మరణా సుగతిం సగ్గం లోకం ఉపపజ్జతి. కతమేహి పఞ్చహి? పాణాతిపాతా పటివిరతో చ హోతి, అదిన్నాదానా పటివిరతో చ హోతి, కామేసుమిచ్ఛాచారా పటివిరతో చ హోతి, ముసావాదా పటివిరతో చ హోతి, సురామేరయమజ్జప్పమాదట్ఠానా పటివిరతో చ హోతి – ఇమేహి ఖో, అనురుద్ధ, పఞ్చహి ధమ్మేహి సమన్నాగతో మాతుగామో కాయస్స భేదా పరం మరణా సుగతిం సగ్గం లోకం ఉపపజ్జతీ’’తి. దసమం.
303. ‘‘Pañcahi, anuruddha, dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati. Katamehi pañcahi? Pāṇātipātā paṭivirato ca hoti, adinnādānā paṭivirato ca hoti, kāmesumicchācārā paṭivirato ca hoti, musāvādā paṭivirato ca hoti, surāmerayamajjappamādaṭṭhānā paṭivirato ca hoti – imehi kho, anuruddha, pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī’’ti. Dasamaṃ.
దుతియపేయ్యాలవగ్గో.
Dutiyapeyyālavaggo.
తస్సుద్దానం –
Tassuddānaṃ –
అమచ్ఛరీ అనతిచారీ, సీలవా చ బహుస్సుతో;
Amaccharī anaticārī, sīlavā ca bahussuto;
వీరియం సతి సీలఞ్చ, సుక్కపక్ఖే పకాసితో.
Vīriyaṃ sati sīlañca, sukkapakkhe pakāsito.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౪. తీహిధమ్మేహిసుత్తాదివణ్ణనా • 4. Tīhidhammehisuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. తీహిధమ్మేహిసుత్తాదివణ్ణనా • 4. Tīhidhammehisuttādivaṇṇanā
