| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. པཉྩསིཀྑཱཔདསུཏྟཾ
3. Pañcasikkhāpadasuttaṃ
༡༠༩. སཱཝཏྠིཡཾ ཝིཧརཏི…པེ॰… ‘‘དྷཱཏུསོཝ, བྷིཀྑཝེ, སཏྟཱ སཾསནྡནྟི སམེནྟི། པཱཎཱཏིཔཱཏིནོ པཱཎཱཏིཔཱཏཱིཧི སདྡྷིཾ སཾསནྡནྟི སམེནྟི; ཨདིནྣཱདཱཡིནོ ཨདིནྣཱདཱཡཱིཧི སདྡྷིཾ སཾསནྡནྟི སམེནྟི; ཀཱམེསུམིཙྪཱཙཱརིནོ ཀཱམེསུམིཙྪཱཙཱརཱིཧི སདྡྷིཾ སཾསནྡནྟི སམེནྟི; མུསཱཝཱདིནོ མུསཱཝཱདཱིཧི སདྡྷིཾ སཾསནྡནྟི སམེནྟི; སུརཱམེརཡམཛྫཔྤམཱདཊྛཱཡིནོ སུརཱམེརཡམཛྫཔྤམཱདཊྛཱཡཱིཧི སདྡྷིཾ སཾསནྡནྟི སམེནྟི’’།
109. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Pāṇātipātino pāṇātipātīhi saddhiṃ saṃsandanti samenti; adinnādāyino adinnādāyīhi saddhiṃ saṃsandanti samenti; kāmesumicchācārino kāmesumicchācārīhi saddhiṃ saṃsandanti samenti; musāvādino musāvādīhi saddhiṃ saṃsandanti samenti; surāmerayamajjappamādaṭṭhāyino surāmerayamajjappamādaṭṭhāyīhi saddhiṃ saṃsandanti samenti’’.
‘‘པཱཎཱཏིཔཱཏཱ པཊིཝིརཏཱ པཱཎཱཏིཔཱཏཱ པཊིཝིརཏེཧི སདྡྷིཾ སཾསནྡནྟི སམེནྟི; ཨདིནྣཱདཱནཱ པཊིཝིརཏཱ ཨདིནྣཱདཱནཱ པཊིཝིརཏེཧི སདྡྷིཾ སཾསནྡནྟི སམེནྟི; ཀཱམེསུམིཙྪཱཙཱརཱ པཊིཝིརཏཱ ཀཱམེསུམིཙྪཱཙཱརཱ པཊིཝིརཏེཧི སདྡྷིཾ སཾསནྡནྟི སམེནྟི; མུསཱཝཱདཱ པཊིཝིརཏཱ མུསཱཝཱདཱ པཊིཝིརཏེཧི སདྡྷིཾ སཾསནྡནྟི སམེནྟི; སུརཱམེརཡམཛྫཔྤམཱདཊྛཱནཱ པཊིཝིརཏཱ སུརཱམེརཡམཛྫཔྤམཱདཊྛཱནཱ པཊིཝིརཏེཧི སདྡྷིཾ སཾསནྡནྟི སམེནྟཱི’’ཏི། ཏཏིཡཾ།
‘‘Pāṇātipātā paṭiviratā pāṇātipātā paṭiviratehi saddhiṃ saṃsandanti samenti; adinnādānā paṭiviratā adinnādānā paṭiviratehi saddhiṃ saṃsandanti samenti; kāmesumicchācārā paṭiviratā kāmesumicchācārā paṭiviratehi saddhiṃ saṃsandanti samenti; musāvādā paṭiviratā musāvādā paṭiviratehi saddhiṃ saṃsandanti samenti; surāmerayamajjappamādaṭṭhānā paṭiviratā surāmerayamajjappamādaṭṭhānā paṭiviratehi saddhiṃ saṃsandanti samentī’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣-༥. པཉྩསིཀྑཱཔདསུཏྟཱདིཝཎྞནཱ • 3-5. Pañcasikkhāpadasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣-༥. པཉྩསིཀྑཱཔདསུཏྟཱདིཝཎྞནཱ • 3-5. Pañcasikkhāpadasuttādivaṇṇanā
