| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๓. ปญฺจสิกฺขาปทสุตฺตํ
3. Pañcasikkhāpadasuttaṃ
๑๐๙. สาวตฺถิยํ วิหรติ…เป.… ‘‘ธาตุโสว, ภิกฺขเว, สตฺตา สํสนฺทนฺติ สเมนฺติฯ ปาณาติปาติโน ปาณาติปาตีหิ สทฺธิํ สํสนฺทนฺติ สเมนฺติ; อทินฺนาทายิโน อทินฺนาทายีหิ สทฺธิํ สํสนฺทนฺติ สเมนฺติ; กาเมสุมิจฺฉาจาริโน กาเมสุมิจฺฉาจารีหิ สทฺธิํ สํสนฺทนฺติ สเมนฺติ; มุสาวาทิโน มุสาวาทีหิ สทฺธิํ สํสนฺทนฺติ สเมนฺติ; สุราเมรยมชฺชปฺปมาทฎฺฐายิโน สุราเมรยมชฺชปฺปมาทฎฺฐายีหิ สทฺธิํ สํสนฺทนฺติ สเมนฺติ’’ฯ
109. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Pāṇātipātino pāṇātipātīhi saddhiṃ saṃsandanti samenti; adinnādāyino adinnādāyīhi saddhiṃ saṃsandanti samenti; kāmesumicchācārino kāmesumicchācārīhi saddhiṃ saṃsandanti samenti; musāvādino musāvādīhi saddhiṃ saṃsandanti samenti; surāmerayamajjappamādaṭṭhāyino surāmerayamajjappamādaṭṭhāyīhi saddhiṃ saṃsandanti samenti’’.
‘‘ปาณาติปาตา ปฎิวิรตา ปาณาติปาตา ปฎิวิรเตหิ สทฺธิํ สํสนฺทนฺติ สเมนฺติ; อทินฺนาทานา ปฎิวิรตา อทินฺนาทานา ปฎิวิรเตหิ สทฺธิํ สํสนฺทนฺติ สเมนฺติ; กาเมสุมิจฺฉาจารา ปฎิวิรตา กาเมสุมิจฺฉาจารา ปฎิวิรเตหิ สทฺธิํ สํสนฺทนฺติ สเมนฺติ; มุสาวาทา ปฎิวิรตา มุสาวาทา ปฎิวิรเตหิ สทฺธิํ สํสนฺทนฺติ สเมนฺติ; สุราเมรยมชฺชปฺปมาทฎฺฐานา ปฎิวิรตา สุราเมรยมชฺชปฺปมาทฎฺฐานา ปฎิวิรเตหิ สทฺธิํ สํสนฺทนฺติ สเมนฺตี’’ติฯ ตติยํฯ
‘‘Pāṇātipātā paṭiviratā pāṇātipātā paṭiviratehi saddhiṃ saṃsandanti samenti; adinnādānā paṭiviratā adinnādānā paṭiviratehi saddhiṃ saṃsandanti samenti; kāmesumicchācārā paṭiviratā kāmesumicchācārā paṭiviratehi saddhiṃ saṃsandanti samenti; musāvādā paṭiviratā musāvādā paṭiviratehi saddhiṃ saṃsandanti samenti; surāmerayamajjappamādaṭṭhānā paṭiviratā surāmerayamajjappamādaṭṭhānā paṭiviratehi saddhiṃ saṃsandanti samentī’’ti. Tatiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓-๕. ปญฺจสิกฺขาปทสุตฺตาทิวณฺณนา • 3-5. Pañcasikkhāpadasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๓-๕. ปญฺจสิกฺขาปทสุตฺตาทิวณฺณนา • 3-5. Pañcasikkhāpadasuttādivaṇṇanā
