| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. பஞ்சஸிக்கா²பத³ஸுத்தங்
3. Pañcasikkhāpadasuttaṃ
109. ஸாவத்தி²யங் விஹரதி…பே॰… ‘‘தா⁴துஸோவ, பி⁴க்க²வே, ஸத்தா ஸங்ஸந்த³ந்தி ஸமெந்தி. பாணாதிபாதினோ பாணாதிபாதீஹி ஸத்³தி⁴ங் ஸங்ஸந்த³ந்தி ஸமெந்தி; அதி³ன்னாதா³யினோ அதி³ன்னாதா³யீஹி ஸத்³தி⁴ங் ஸங்ஸந்த³ந்தி ஸமெந்தி; காமேஸுமிச்சா²சாரினோ காமேஸுமிச்சா²சாரீஹி ஸத்³தி⁴ங் ஸங்ஸந்த³ந்தி ஸமெந்தி; முஸாவாதி³னோ முஸாவாதீ³ஹி ஸத்³தி⁴ங் ஸங்ஸந்த³ந்தி ஸமெந்தி; ஸுராமேரயமஜ்ஜப்பமாத³ட்டா²யினோ ஸுராமேரயமஜ்ஜப்பமாத³ட்டா²யீஹி ஸத்³தி⁴ங் ஸங்ஸந்த³ந்தி ஸமெந்தி’’.
109. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Pāṇātipātino pāṇātipātīhi saddhiṃ saṃsandanti samenti; adinnādāyino adinnādāyīhi saddhiṃ saṃsandanti samenti; kāmesumicchācārino kāmesumicchācārīhi saddhiṃ saṃsandanti samenti; musāvādino musāvādīhi saddhiṃ saṃsandanti samenti; surāmerayamajjappamādaṭṭhāyino surāmerayamajjappamādaṭṭhāyīhi saddhiṃ saṃsandanti samenti’’.
‘‘பாணாதிபாதா படிவிரதா பாணாதிபாதா படிவிரதேஹி ஸத்³தி⁴ங் ஸங்ஸந்த³ந்தி ஸமெந்தி; அதி³ன்னாதா³னா படிவிரதா அதி³ன்னாதா³னா படிவிரதேஹி ஸத்³தி⁴ங் ஸங்ஸந்த³ந்தி ஸமெந்தி; காமேஸுமிச்சா²சாரா படிவிரதா காமேஸுமிச்சா²சாரா படிவிரதேஹி ஸத்³தி⁴ங் ஸங்ஸந்த³ந்தி ஸமெந்தி; முஸாவாதா³ படிவிரதா முஸாவாதா³ படிவிரதேஹி ஸத்³தி⁴ங் ஸங்ஸந்த³ந்தி ஸமெந்தி; ஸுராமேரயமஜ்ஜப்பமாத³ட்டா²னா படிவிரதா ஸுராமேரயமஜ்ஜப்பமாத³ட்டா²னா படிவிரதேஹி ஸத்³தி⁴ங் ஸங்ஸந்த³ந்தி ஸமெந்தீ’’தி. ததியங்.
‘‘Pāṇātipātā paṭiviratā pāṇātipātā paṭiviratehi saddhiṃ saṃsandanti samenti; adinnādānā paṭiviratā adinnādānā paṭiviratehi saddhiṃ saṃsandanti samenti; kāmesumicchācārā paṭiviratā kāmesumicchācārā paṭiviratehi saddhiṃ saṃsandanti samenti; musāvādā paṭiviratā musāvādā paṭiviratehi saddhiṃ saṃsandanti samenti; surāmerayamajjappamādaṭṭhānā paṭiviratā surāmerayamajjappamādaṭṭhānā paṭiviratehi saddhiṃ saṃsandanti samentī’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3-5. பஞ்சஸிக்கா²பத³ஸுத்தாதி³வண்ணனா • 3-5. Pañcasikkhāpadasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-5. பஞ்சஸிக்கா²பத³ஸுத்தாதி³வண்ணனா • 3-5. Pañcasikkhāpadasuttādivaṇṇanā
