| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
൧൧൦. പഞ്ചന്നം അപ്പഹിതേപി അനുജാനനകഥാ
110. Pañcannaṃ appahitepi anujānanakathā
൧൯൩. പഗേവ പഹിതേതി ഇമിനാ ‘‘അപഹിതേപി ഗന്തബ്ബ’’ന്തി ഏത്ഥ പിസദ്ദസ്സ സമ്ഭാവനത്ഥം ദസ്സേതി. പഞ്ചന്നം സഹധമ്മികാനം സന്തികം ഗന്തബ്ബഭാവസ്സ കാരണം വിഭജിത്വാ ദസ്സേന്തോ ആഹ ‘‘ഭിക്ഖു ഗിലാനോ ഹോതീ’’തിആദി. ദസഹീതി ‘‘സങ്ഘോ കമ്മം കത്തുകാമോ ഹോതി, കതം വാ സങ്ഘേന കമ്മം ഹോതീ’’തി ഇദം അങ്ഗം ഏകം കത്വാ ദസഹി. നവഹീതി പരിവാസാരഹം അപനേത്വാ നവഹി. ചതൂഹീതി ഗിലാനഅനഭിരതികുക്കുച്ചദിട്ഠിഗതഉപ്പന്നസങ്ഖാതേഹി ചതൂഹി. ഇതി ഇമേഹി ഛഹീതി യോജനാ. സാമണേരസ്സപി ഛഹീതി ഏത്ഥ ഛന്നം സരൂപം വിത്ഥാരേത്വാ ദസ്സേന്തോ ആഹ ‘‘ആദിതോ’’തിആദി. തം സുവിഞ്ഞേയ്യമേവ. സാമണേരിയാ സന്തികം പഞ്ചഹി ഗന്തബ്ബന്തി യോജനാ. പരതോതി പരസ്മാ, പരസ്മിം വാ. അന്ധകട്ഠകഥായം വുത്തന്തി സമ്ബന്ധോ. യേ ഞാതകാ വാ യേ അഞ്ഞാതകാ വാ അത്ഥി, തേസമ്പീതി യോജനാ. തന്തി വചനം.
193.Pageva pahiteti iminā ‘‘apahitepi gantabba’’nti ettha pisaddassa sambhāvanatthaṃ dasseti. Pañcannaṃ sahadhammikānaṃ santikaṃ gantabbabhāvassa kāraṇaṃ vibhajitvā dassento āha ‘‘bhikkhu gilāno hotī’’tiādi. Dasahīti ‘‘saṅgho kammaṃ kattukāmo hoti, kataṃ vā saṅghena kammaṃ hotī’’ti idaṃ aṅgaṃ ekaṃ katvā dasahi. Navahīti parivāsārahaṃ apanetvā navahi. Catūhīti gilānaanabhiratikukkuccadiṭṭhigatauppannasaṅkhātehi catūhi. Iti imehi chahīti yojanā. Sāmaṇerassapi chahīti ettha channaṃ sarūpaṃ vitthāretvā dassento āha ‘‘ādito’’tiādi. Taṃ suviññeyyameva. Sāmaṇeriyā santikaṃ pañcahi gantabbanti yojanā. Paratoti parasmā, parasmiṃ vā. Andhakaṭṭhakathāyaṃ vuttanti sambandho. Ye ñātakā vā ye aññātakā vā atthi, tesampīti yojanā. Tanti vacanaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൧൦. പഞ്ചന്നം അപ്പഹിതേപി അനുജാനനാ • 110. Pañcannaṃ appahitepi anujānanā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / പഞ്ചന്നംഅപ്പഹിതേപിഅനുജാനനകഥാ • Pañcannaṃappahitepianujānanakathā
