| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปญฺจงฺคุลิยเตฺถรอปทานํ
10. Pañcaṅguliyattheraapadānaṃ
๕๐.
50.
‘‘ติโสฺส นามาสิ ภควา, โลกเชโฎฺฐ นราสโภ;
‘‘Tisso nāmāsi bhagavā, lokajeṭṭho narāsabho;
ปวิสติ คนฺธกุฎิํ, วิหารกุสโล มุนิฯ
Pavisati gandhakuṭiṃ, vihārakusalo muni.
๕๑.
51.
‘‘สุคนฺธมาลมาทาย, อคมาสิํ ชินนฺติกํ;
‘‘Sugandhamālamādāya, agamāsiṃ jinantikaṃ;
อปสโทฺท จ สมฺพุเทฺธ, ปญฺจงฺคุลิมทาสหํฯ
Apasaddo ca sambuddhe, pañcaṅgulimadāsahaṃ.
๕๒.
52.
‘‘เทฺวนวุเต อิโต กเปฺป, ยํ คนฺธมภิโรปยิํ;
‘‘Dvenavute ito kappe, yaṃ gandhamabhiropayiṃ;
๕๓.
53.
‘‘เทฺวสตฺตติมฺหิโต กเปฺป, ราชา อาสิํ สยมฺปโภ;
‘‘Dvesattatimhito kappe, rājā āsiṃ sayampabho;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๕๔.
54.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปญฺจงฺคุลิโย เถโร อิมา คาถาโย อภาสิตฺถาติ;
Itthaṃ sudaṃ āyasmā pañcaṅguliyo thero imā gāthāyo abhāsitthāti;
ปญฺจงฺคุลิยเตฺถรสฺสาปทานํ ทสมํฯ
Pañcaṅguliyattherassāpadānaṃ dasamaṃ.
สุปาริจริยวโคฺค สตฺตรสโมฯ
Supāricariyavaggo sattarasamo.
ตสฺสุทฺทานํ –
Tassuddānaṃ –
สุปาริจริ กณเวรี, ขชฺชโก เทสปูชโก;
Supāricari kaṇaverī, khajjako desapūjako;
กณิกาโร สปฺปิทโท, ยูถิโก ทุสฺสทายโก;
Kaṇikāro sappidado, yūthiko dussadāyako;
มาโฬ จ ปญฺจงฺคุลิโก, จตุปญฺญาส คาถกาติฯ
Māḷo ca pañcaṅguliko, catupaññāsa gāthakāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑๐. ปญฺจงฺคุลิยเตฺถรอปทานวณฺณนา • 10. Pañcaṅguliyattheraapadānavaṇṇanā
