| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೫. ಪಞ್ಚಮಸಿಕ್ಖಾಪದಂ
5. Pañcamasikkhāpadaṃ
೮೧೦. ಪಞ್ಚಮೇ ‘‘ಅತಿಗಮ್ಭೀರ’’ನ್ತಿಪದಂ ಕಿರಿಯಾವಿಸೇಸನನ್ತಿ ಆಹ ‘‘ಅತಿಅನ್ತೋ ಪವೇಸೇತ್ವಾ’’ತಿ। ‘‘ಉದಕೇನ ಧೋವನಂ ಕುರುಮಾನಾ’’ತಿ ಇಮಿನಾ ‘‘ಉದಕಸುದ್ಧಿಕ’’ನ್ತಿಪದಸ್ಸ ಉದಕೇನ ಸುದ್ಧಿಯಾ ಕರಣನ್ತಿ ಅತ್ಥಂ ದಸ್ಸೇತಿ।
810. Pañcame ‘‘atigambhīra’’ntipadaṃ kiriyāvisesananti āha ‘‘atianto pavesetvā’’ti. ‘‘Udakena dhovanaṃ kurumānā’’ti iminā ‘‘udakasuddhika’’ntipadassa udakena suddhiyā karaṇanti atthaṃ dasseti.
೮೧೨. ದ್ವಙ್ಗುಲಪಬ್ಬಪರಮನ್ತಿ ಏತ್ಥ ದ್ವೇ ಅಙ್ಗುಲಾನಿ ಚ ದ್ವೇ ಪಬ್ಬಾನಿ ಚ ದ್ವಙ್ಗುಲಪಬ್ಬಂ, ಉತ್ತರಪದೇ ಪುಬ್ಬಪದಲೋಪೋ। ದ್ವಙ್ಗುಲಪಬ್ಬಂ ಪರಮಂ ಪಮಾಣಂ ಏತಸ್ಸ ಉದಕಸುದ್ಧಿಕಸ್ಸಾತಿ ದ್ವಙ್ಗುಲಪಬ್ಬಪರಮಂ। ವಿತ್ಥಾರತೋ ದ್ವಙ್ಗುಲಪರಮಂ, ಗಮ್ಭೀರತೋ ದ್ವಿಪಬ್ಬಪರಮನ್ತಿ ವುತ್ತಂ ಹೋತಿ। ತೇನಾಹ ‘‘ವಿತ್ಥಾರತೋ’’ತಿಆದಿ। ಅಙ್ಗುಲಂ ಪವೇಸೇನ್ತಿಯಾತಿ ಸಮ್ಬನ್ಧೋ। ಹೀತಿ ಸಚ್ಚಂ। ‘‘ಚತುನ್ನಂ ವಾ’’ತಿ ಇದಂ ಉಕ್ಕಟ್ಠವಸೇನ ವುತ್ತಂ, ತಿಣ್ಣಮ್ಪಿ ಪಬ್ಬಂ ನ ವಟ್ಟತಿ, ಚತುನ್ನಂ ಪನ ಪಗೇವಾತಿ ಅತ್ಥೋತಿ। ಪಞ್ಚಮಂ।
812.Dvaṅgulapabbaparamanti ettha dve aṅgulāni ca dve pabbāni ca dvaṅgulapabbaṃ, uttarapade pubbapadalopo. Dvaṅgulapabbaṃ paramaṃ pamāṇaṃ etassa udakasuddhikassāti dvaṅgulapabbaparamaṃ. Vitthārato dvaṅgulaparamaṃ, gambhīrato dvipabbaparamanti vuttaṃ hoti. Tenāha ‘‘vitthārato’’tiādi. Aṅgulaṃ pavesentiyāti sambandho. Hīti saccaṃ. ‘‘Catunnaṃ vā’’ti idaṃ ukkaṭṭhavasena vuttaṃ, tiṇṇampi pabbaṃ na vaṭṭati, catunnaṃ pana pagevāti atthoti. Pañcamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಭಿಕ್ಖುನೀವಿಭಙ್ಗ • Bhikkhunīvibhaṅga / ೫. ಪಞ್ಚಮಸಿಕ್ಖಾಪದಂ • 5. Pañcamasikkhāpadaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಭಿಕ್ಖುನೀವಿಭಙ್ಗ-ಅಟ್ಠಕಥಾ • Bhikkhunīvibhaṅga-aṭṭhakathā / ೫. ಪಞ್ಚಮಸಿಕ್ಖಾಪದವಣ್ಣನಾ • 5. Pañcamasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೧. ಲಸುಣವಗ್ಗವಣ್ಣನಾ • 1. Lasuṇavaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ೫. ಪಞ್ಚಮಸಿಕ್ಖಾಪದವಣ್ಣನಾ • 5. Pañcamasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೧. ಪಠಮಲಸುಣಾದಿಸಿಕ್ಖಾಪದವಣ್ಣನಾ • 1. Paṭhamalasuṇādisikkhāpadavaṇṇanā
