| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
5. бан̃жамасигкаабад̣̇ам̣
5. Pañcamasikkhāpadaṃ
1140. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунияо барибун̣н̣ад̣̇ваад̣̇асавассаа сан̇гхзна асаммад̇аа вудтаабзнд̇и. д̇аа б̣аалаа хонд̇и аб̣яад̇д̇аа; на ж̇аананд̇и габбияам̣ ваа агаббияам̣ ваа. сад̣̇д̇хивихааринияоби б̣аалаа хонд̇и аб̣яад̇д̇аа; на ж̇аананд̇и габбияам̣ ваа агаббияам̣ ваа. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо барибун̣н̣ад̣̇ваад̣̇асавассаа сан̇гхзна асаммад̇аа вудтаабзссанд̇ий’’д̇и…бз… сажжам̣ гира, бхигкавз, бхигкунияо барибун̣н̣ад̣̇ваад̣̇асавассаа сан̇гхзна асаммад̇аа вудтаабзнд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо барибун̣н̣ад̣̇ваад̣̇асавассаа сан̇гхзна асаммад̇аа вудтаабзссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, барибун̣н̣ад̣̇ваад̣̇асавассааяа бхигкунияаа вудтаабанасаммуд̇им̣ д̣̇аад̇ум̣. зван̃жа бана, бхигкавз, д̣̇аад̇аб̣б̣аа. д̇ааяа барибун̣н̣ад̣̇ваад̣̇асавассааяа бхигкунияаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкунийнам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ахам̣, аяяз, ид̇т̇аннаамаа барибун̣н̣ад̣̇ваад̣̇асавассаа бхигкуний сан̇гхам̣ вудтаабанасаммуд̇им̣ яаажаамий’’д̇и. д̣̇уд̇ияамби яаажид̇аб̣б̣аа. д̇ад̇ияамби яаажид̇аб̣б̣аа. саа бхигкуний сан̇гхзна барижчинд̣̇ид̇аб̣б̣аа – ‘‘б̣яад̇д̇ааяам̣ бхигкуний лаж̇ж̇иний’’д̇и. сажз б̣аалаа жа ход̇и алаж̇ж̇иний жа, на д̣̇аад̇аб̣б̣аа. сажз б̣аалаа ход̇и лаж̇ж̇иний, на д̣̇аад̇аб̣б̣аа. сажз б̣яад̇д̇аа ход̇и алаж̇ж̇иний, на д̣̇аад̇аб̣б̣аа. сажз б̣яад̇д̇аа жа ход̇и лаж̇ж̇иний жа, д̣̇аад̇аб̣б̣аа. зван̃жа бана, бхигкавз, д̣̇аад̇аб̣б̣аа. б̣яад̇д̇ааяа бхигкунияаа бадиб̣алааяа сан̇гхо н̃аабзд̇аб̣б̣о –
1140. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo paripuṇṇadvādasavassā saṅghena asammatā vuṭṭhāpenti. Tā bālā honti abyattā; na jānanti kappiyaṃ vā akappiyaṃ vā. Saddhivihāriniyopi bālā honti abyattā; na jānanti kappiyaṃ vā akappiyaṃ vā. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo paripuṇṇadvādasavassā saṅghena asammatā vuṭṭhāpessantī’’ti…pe… saccaṃ kira, bhikkhave, bhikkhuniyo paripuṇṇadvādasavassā saṅghena asammatā vuṭṭhāpentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo paripuṇṇadvādasavassā saṅghena asammatā vuṭṭhāpessanti! Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘anujānāmi, bhikkhave, paripuṇṇadvādasavassāya bhikkhuniyā vuṭṭhāpanasammutiṃ dātuṃ. Evañca pana, bhikkhave, dātabbā. Tāya paripuṇṇadvādasavassāya bhikkhuniyā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhunīnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ahaṃ, ayye, itthannāmā paripuṇṇadvādasavassā bhikkhunī saṅghaṃ vuṭṭhāpanasammutiṃ yācāmī’’ti. Dutiyampi yācitabbā. Tatiyampi yācitabbā. Sā bhikkhunī saṅghena paricchinditabbā – ‘‘byattāyaṃ bhikkhunī lajjinī’’ti. Sace bālā ca hoti alajjinī ca, na dātabbā. Sace bālā hoti lajjinī, na dātabbā. Sace byattā hoti alajjinī, na dātabbā. Sace byattā ca hoti lajjinī ca, dātabbā. Evañca pana, bhikkhave, dātabbā. Byattāya bhikkhuniyā paṭibalāya saṅgho ñāpetabbo –
1141. ‘‘сун̣аад̇у мз, аяяз, сан̇гхо. аяам̣ ид̇т̇аннаамаа барибун̣н̣ад̣̇ваад̣̇асавассаа бхигкуний сан̇гхам̣ вудтаабанасаммуд̇им̣ яаажад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамааяа барибун̣н̣ад̣̇ваад̣̇асавассааяа бхигкунияаа вудтаабанасаммуд̇им̣ д̣̇ад̣̇зяяа. зсаа н̃ад̇д̇и.
1141. ‘‘Suṇātu me, ayye, saṅgho. Ayaṃ itthannāmā paripuṇṇadvādasavassā bhikkhunī saṅghaṃ vuṭṭhāpanasammutiṃ yācati. Yadi saṅghassa pattakallaṃ, saṅgho itthannāmāya paripuṇṇadvādasavassāya bhikkhuniyā vuṭṭhāpanasammutiṃ dadeyya. Esā ñatti.
‘‘сун̣аад̇у мз, аяяз, сан̇гхо. аяам̣ ид̇т̇аннаамаа барибун̣н̣ад̣̇ваад̣̇асавассаа бхигкуний сан̇гхам̣ вудтаабанасаммуд̇им̣ яаажад̇и. сан̇гхо ид̇т̇аннаамааяа барибун̣н̣ад̣̇ваад̣̇асавассааяа бхигкунияаа вудтаабанасаммуд̇им̣ д̣̇зд̇и. яассаа аяяааяа камад̇и ид̇т̇аннаамааяа барибун̣н̣ад̣̇ваад̣̇асавассааяа бхигкунияаа вудтаабанасаммуд̇ияаа д̣̇аанам̣, саа д̇ун̣хасса; яассаа нагкамад̇и, саа бхаасзяяа.
‘‘Suṇātu me, ayye, saṅgho. Ayaṃ itthannāmā paripuṇṇadvādasavassā bhikkhunī saṅghaṃ vuṭṭhāpanasammutiṃ yācati. Saṅgho itthannāmāya paripuṇṇadvādasavassāya bhikkhuniyā vuṭṭhāpanasammutiṃ deti. Yassā ayyāya khamati itthannāmāya paripuṇṇadvādasavassāya bhikkhuniyā vuṭṭhāpanasammutiyā dānaṃ, sā tuṇhassa; yassā nakkhamati, sā bhāseyya.
‘‘д̣̇иннаа сан̇гхзна ид̇т̇аннаамааяа барибун̣н̣ад̣̇ваад̣̇асавассааяа бхигкунияаа вудтаабанасаммуд̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinnā saṅghena itthannāmāya paripuṇṇadvādasavassāya bhikkhuniyā vuṭṭhāpanasammuti. Khamati saṅghassa, tasmā tuṇhī, evametaṃ dhārayāmī’’ti.
ат̇а ко бхаг̇аваа д̇аа бхигкунияо анзгабарияааязна виг̇арахид̇ваа д̣̇уб̣бхарад̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
Atha kho bhagavā tā bhikkhuniyo anekapariyāyena vigarahitvā dubbharatāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1142. ‘‘яаа бана бхигкуний барибун̣н̣ад̣̇ваад̣̇асавассаа сан̇гхзна асаммад̇аа вудтаабзяяа, баажид̇д̇ияа’’нд̇и .
1142.‘‘Yā pana bhikkhunī paripuṇṇadvādasavassā saṅghena asammatā vuṭṭhāpeyya, pācittiya’’nti .
1143. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1143.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
барибун̣н̣ад̣̇ваад̣̇асавассаа наама бад̇д̇ад̣̇ваад̣̇асавассаа.
Paripuṇṇadvādasavassā nāma pattadvādasavassā.
асаммад̇аа наама н̃ад̇д̇ид̣̇уд̇иязна гаммзна вудтаабанасаммуд̇и на д̣̇иннаа ход̇и. вудтаабзяяаад̇и убасамбаад̣̇зяяа.
Asammatā nāma ñattidutiyena kammena vuṭṭhāpanasammuti na dinnā hoti. Vuṭṭhāpeyyāti upasampādeyya.
‘‘вудтаабзссаамий’’д̇и г̇ан̣ам̣ ваа аажариним̣ ваа бад̇д̇ам̣ ваа жийварам̣ ваа бариязсад̇и, сиймам̣ ваа самманнад̇и, аабад̇д̇и д̣̇уггадасса. н̃ад̇д̇ияаа д̣̇уггадам̣. д̣̇вийхи гаммаваажаахи д̣̇уггадаа. гаммаваажаабарияосаанз убаж̇жхааяааяа аабад̇д̇и баажид̇д̇ияасса. г̇ан̣асса жа аажаринияаа жа аабад̇д̇и д̣̇уггадасса.
‘‘Vuṭṭhāpessāmī’’ti gaṇaṃ vā ācariniṃ vā pattaṃ vā cīvaraṃ vā pariyesati, sīmaṃ vā sammannati, āpatti dukkaṭassa. Ñattiyā dukkaṭaṃ. Dvīhi kammavācāhi dukkaṭā. Kammavācāpariyosāne upajjhāyāya āpatti pācittiyassa. Gaṇassa ca ācariniyā ca āpatti dukkaṭassa.
1144. д̇хаммагаммз д̇хаммагаммасан̃н̃аа вудтаабзд̇и, аабад̇д̇и баажид̇д̇ияасса. д̇хаммагаммз взмад̇игаа вудтаабзд̇и, аабад̇д̇и баажид̇д̇ияасса. д̇хаммагаммз ад̇хаммагаммасан̃н̃аа вудтаабзд̇и, аабад̇д̇и баажид̇д̇ияасса.
1144. Dhammakamme dhammakammasaññā vuṭṭhāpeti, āpatti pācittiyassa. Dhammakamme vematikā vuṭṭhāpeti, āpatti pācittiyassa. Dhammakamme adhammakammasaññā vuṭṭhāpeti, āpatti pācittiyassa.
ад̇хаммагаммз д̇хаммагаммасан̃н̃аа, аабад̇д̇и д̣̇уггадасса. ад̇хаммагаммз взмад̇игаа, аабад̇д̇и д̣̇уггадасса. ад̇хаммагаммз ад̇хаммагаммасан̃н̃аа, аабад̇д̇и д̣̇уггадасса.
Adhammakamme dhammakammasaññā, āpatti dukkaṭassa. Adhammakamme vematikā, āpatti dukkaṭassa. Adhammakamme adhammakammasaññā, āpatti dukkaṭassa.
1145. анаабад̇д̇и барибун̣н̣ад̣̇ваад̣̇асавассаа сан̇гхзна саммад̇аа вудтаабзд̇и, уммад̇д̇игааяа, аад̣̇игаммигааяаад̇и.
1145. Anāpatti paripuṇṇadvādasavassā saṅghena sammatā vuṭṭhāpeti, ummattikāya, ādikammikāyāti.
бан̃жамасигкаабад̣̇ам̣ нидтид̇ам̣.
Pañcamasikkhāpadaṃ niṭṭhitaṃ.
