| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. бан̃жаалажан̣д̣асуд̇д̇аван̣н̣анаа
7. Pañcālacaṇḍasuttavaṇṇanā
88. самб̣аад̇хзд̇и самбийл̣ид̇ад̇ан̣хаагилзсаад̣̇инаа сауббийл̣ад̇ааяа барамасамб̣аад̇хз. ад̇ивияа сан̇гаарадтаанабхууд̇о хи нийваран̣асамб̣аад̇хо ад̇хиббзд̇о. со хи д̣̇уг̇г̇ахано д̇асмим̣ асад̇и гаамаг̇ун̣асамб̣аад̇хо анавасаро зва сзяяат̇ааби махаагассабаад̣̇ийнам̣. огаасанд̇и жхаанассзд̇ам̣ наамам̣ нийваран̣асамб̣аад̇хаабхаавад̇о. асамб̣аад̇хабхаавзна хи жхаанам̣ ид̇ха ‘‘огаасо’’д̇и вуд̇д̇ам̣, д̇ан̃жа ко ажжанд̇аасамб̣аад̇хадтаанад̇ааяа вибассанаабаад̣̇агад̇ааяа . д̇ат̇аа хи баал̣ияам̣ ‘‘авинд̣̇ий’’д̇иаад̣̇и вуд̇д̇ам̣. д̇ад̇т̇а авинд̣̇ийд̇и винд̣̇и бадилабхи. бхууримзд̇хасод̇и махаабан̃н̃о, сабан̃н̃од̇и ад̇т̇о. аб̣уж̇жхийд̇и б̣уж̇жхи бадивиж̇жхи. бадилийно худ̇ваа сздто, бадилийнаанам̣ ваа сздтод̇и бадилийнасздто. маануссаяавасзна уннад̇абхаавад̇о бадилийно наама бахийнамаано. бадилабхим̣сууд̇и гаамаг̇ун̣асамб̣аад̇хзби ‘‘имз гаамаг̇ун̣аа маад̣̇исаанам̣ гим̣ гариссанд̇ий’’д̇и? д̇з абхибхуяяа ниб̣б̣аанаббад̇д̇ияаа саммаасад̇им̣ бадилабхим̣су. д̇зна самбаяуд̇д̇зна логуд̇д̇арасамаад̇хинааби судту самаахид̇аа.
88.Sambādheti sampīḷitataṇhākilesādinā sauppīḷatāya paramasambādhe. Ativiya saṅkāraṭṭhānabhūto hi nīvaraṇasambādho adhippeto. So hi duggahano tasmiṃ asati kāmaguṇasambādho anavasaro eva seyyathāpi mahākassapādīnaṃ. Okāsanti jhānassetaṃ nāmaṃ nīvaraṇasambādhābhāvato. Asambādhabhāvena hi jhānaṃ idha ‘‘okāso’’ti vuttaṃ, tañca kho accantāsambādhaṭṭhānatāya vipassanāpādakatāya . Tathā hi pāḷiyaṃ ‘‘avindī’’tiādi vuttaṃ. Tattha avindīti vindi paṭilabhi. Bhūrimedhasoti mahāpañño, sapaññoti attho. Abujjhīti bujjhi paṭivijjhi. Paṭilīno hutvā seṭṭho, paṭilīnānaṃ vā seṭṭhoti paṭilīnaseṭṭho. Mānussayavasena unnatabhāvato paṭilīno nāma pahīnamāno. Paṭilabhiṃsūti kāmaguṇasambādhepi ‘‘ime kāmaguṇā mādisānaṃ kiṃ karissantī’’ti? Te abhibhuyya nibbānappattiyā sammāsatiṃ paṭilabhiṃsu. Tena sampayuttena lokuttarasamādhināpi suṭṭhu samāhitā.
аяам̣ гира д̣̇звабуд̇д̇о ид̇о буримаваарз ад̇д̇абхаавз батамаж̇жхааналаабхий худ̇ваа д̇ад̇о жавид̇ваа б̣рахмагааяигаасу ниб̣б̣ад̇д̇ид̇ваа д̇ад̇т̇а жхаанасукам̣ анубхавид̇ваа д̇ад̇о жуд̇о ид̣̇аани гаамабхавз ниб̣б̣ад̇д̇о, д̇асмаа д̇ам̣ жхаанам̣ самбхаавзнд̇о ‘‘д̇аад̣̇исасса наама жхаанасукасса лаабхий бхаг̇аваа’’д̇и д̇зна г̇ун̣зна бхаг̇аванд̇ам̣ абхид̇т̇аванд̇о ‘‘самб̣аад̇хз вад̇аа’’д̇и г̇аат̇ам̣ абхааси. ат̇асса бхаг̇аваа яат̇аа наама адтасадтияож̇анасад̇асахассуб̣б̣зд̇хасинзрубаб̣б̣ад̇арааж̇ам̣ убаад̣̇ааяа саасабо на гин̃жи ход̇и, звам̣ ананд̇аабаримзяяаб̣уд̣̇д̇хаг̇ун̣з убаад̣̇ааяа руубааважарабатамаж̇жхаанам̣ на гин̃жи ход̇ийд̇и д̣̇ассзнд̇о ‘‘яз сад̇и’’нд̇иаад̣̇инаа ануд̇д̇араг̇ун̣аад̇хиг̇амам̣ бавзд̣̇зси. д̇ад̇т̇а сад̇инд̇и вибассанаасад̇ияаа сад̣̇д̇хим̣ арияамаг̇г̇асад̇им̣. сусамаахид̇аад̇и логияасамаад̇хинаа жзва логуд̇д̇арасамаад̇хинаа жа судту самаахид̇аа. д̇з хи ажжанд̇ам̣ сусамаахид̇аа, на жхаанамад̇д̇алаабхино агуббад̇хаммад̇д̇аа. гзжи ‘‘гамманд̇з сусамаахид̇аа’’д̇и баатам̣ вад̇ваа ‘‘маг̇г̇асамаахид̇аа’’д̇и ад̇т̇ам̣ вад̣̇анд̇и.
Ayaṃ kira devaputto ito purimavāre attabhāve paṭhamajjhānalābhī hutvā tato cavitvā brahmakāyikāsu nibbattitvā tattha jhānasukhaṃ anubhavitvā tato cuto idāni kāmabhave nibbatto, tasmā taṃ jhānaṃ sambhāvento ‘‘tādisassa nāma jhānasukhassa lābhī bhagavā’’ti tena guṇena bhagavantaṃ abhitthavanto ‘‘sambādhe vatā’’ti gāthaṃ abhāsi. Athassa bhagavā yathā nāma aṭṭhasaṭṭhiyojanasatasahassubbedhasinerupabbatarājaṃ upādāya sāsapo na kiñci hoti, evaṃ anantāparimeyyabuddhaguṇe upādāya rūpāvacarapaṭhamajjhānaṃ na kiñci hotīti dassento ‘‘ye sati’’ntiādinā anuttaraguṇādhigamaṃ pavedesi. Tattha satinti vipassanāsatiyā saddhiṃ ariyamaggasatiṃ. Susamāhitāti lokiyasamādhinā ceva lokuttarasamādhinā ca suṭṭhu samāhitā. Te hi accantaṃ susamāhitā, na jhānamattalābhino akuppadhammattā. Keci ‘‘kammante susamāhitā’’ti pāṭhaṃ vatvā ‘‘maggasamāhitā’’ti atthaṃ vadanti.
бан̃жаалажан̣д̣асуд̇д̇аван̣н̣анаа нидтид̇аа.
Pañcālacaṇḍasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. бан̃жаалажан̣д̣асуд̇д̇ам̣ • 7. Pañcālacaṇḍasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. бан̃жаалажан̣д̣асуд̇д̇аван̣н̣анаа • 7. Pañcālacaṇḍasuttavaṇṇanā
