| Library / Tipiṭaka / तिपिटक • Tipiṭaka / धम्मसङ्गणि-अट्ठकथा • Dhammasaṅgaṇi-aṭṭhakathā |
पञ्चकनिद्देसवण्णना
Pañcakaniddesavaṇṇanā
९६७. पञ्चविधसङ्गहनिद्देसे कक्खळन्ति थद्धं। खरमेव खरगतं, फरुसन्ति अत्थो। इतरे द्वेपि सभावनिद्देसा एव। अज्झत्तन्ति नियकज्झत्तं। बहिद्धाति बाहिरं। उपादिण्णन्ति न कम्मसमुट्ठानमेव। अविसेसेन पन सरीरट्ठकस्सेतं गहणं। सरीरट्ठकञ्हि उपादिण्णं वा होतु अनुपादिण्णं वा, आदिन्नगहितपरामट्ठवसेन सब्बं उपादिण्णमेव नाम।
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
९६९. तेजोगतन्ति सब्बतेजेसु गतं उण्हत्तलक्खणं, तेजो एव वा तेजोभावं गतन्ति ‘तेजोगतं’। उस्माति उस्माकारो। उस्मागतन्ति उस्माभावं गतं। उस्माकारस्सेवेतं नामं। उसुमन्ति बलवउस्मा। उसुममेव उसुमभावं गतन्ति उसुमगतं।
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
९७०. वायनकवसेन वायो। वायोव वायोभावं गतत्ता वायोगतं। थम्भितत्तन्ति उप्पलनाळतचादीनं विय वातपुण्णानं थम्भितभावो रूपस्स।
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / धम्मसङ्गणीपाळि • Dhammasaṅgaṇīpāḷi / रूपविभत्ति • Rūpavibhatti
टीका • Tīkā / अभिधम्मपिटक (टीका) • Abhidhammapiṭaka (ṭīkā) / धम्मसङ्गणी-मूलटीका • Dhammasaṅgaṇī-mūlaṭīkā / पञ्चकनिद्देसवण्णना • Pañcakaniddesavaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / धम्मसङ्गणी-अनुटीका • Dhammasaṅgaṇī-anuṭīkā / पञ्चकनिद्देसवण्णना • Pañcakaniddesavaṇṇanā
