| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. පඤ්චහත්ථියත්ථෙරඅපදානං
4. Pañcahatthiyattheraapadānaṃ
18.
18.
‘‘තිස්සො නාමාසි භගවා, ලොකජෙට්ඨො නරාසභො;
‘‘Tisso nāmāsi bhagavā, lokajeṭṭho narāsabho;
පුරක්ඛතො සාවකෙහි, රථියං පටිපජ්ජථ.
Purakkhato sāvakehi, rathiyaṃ paṭipajjatha.
19.
19.
‘‘පඤ්ච උප්පලහත්ථා ච, චාතුරා ඨපිතා මයා;
‘‘Pañca uppalahatthā ca, cāturā ṭhapitā mayā;
20.
20.
‘‘සුවණ්ණවණ්ණං සම්බුද්ධං, ගච්ඡන්තං අන්තරාපණෙ;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
බුද්ධරංසීහි ඵුට්ඨොස්මි 3, පූජෙසිං ද්විපදුත්තමං.
Buddharaṃsīhi phuṭṭhosmi 4, pūjesiṃ dvipaduttamaṃ.
21.
21.
‘‘ද්වෙනවුතෙ ඉතො කප්පෙ, යං පුප්ඵමභිපූජයිං;
‘‘Dvenavute ito kappe, yaṃ pupphamabhipūjayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
22.
22.
‘‘ඉතො තෙරසකප්පම්හි, පඤ්ච සුසභසම්මතා;
‘‘Ito terasakappamhi, pañca susabhasammatā;
සත්තරතනසම්පන්නා, චක්කවත්තී මහබ්බලා.
Sattaratanasampannā, cakkavattī mahabbalā.
23.
23.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා පඤ්චහත්ථියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā pañcahatthiyo thero imā gāthāyo abhāsitthāti.
පඤ්චහත්ථියත්ථෙරස්සාපදානං චතුත්ථං.
Pañcahatthiyattherassāpadānaṃ catutthaṃ.
Footnotes:
