| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ಪಞ್ಚಹತ್ಥಿಯತ್ಥೇರಅಪದಾನಂ
5. Pañcahatthiyattheraapadānaṃ
೭೭.
77.
‘‘ಸುಮೇಧೋ ನಾಮ ಸಮ್ಬುದ್ಧೋ, ಗಚ್ಛತೇ ಅನ್ತರಾಪಣೇ।
‘‘Sumedho nāma sambuddho, gacchate antarāpaṇe;
೭೮.
78.
‘‘ಪಞ್ಚ ಉಪ್ಪಲಹತ್ಥಾನಿ, ಆವೇಳತ್ಥಂ ಅಹಂಸು ಮೇ।
‘‘Pañca uppalahatthāni, āveḷatthaṃ ahaṃsu me;
ತೇನ ಬುದ್ಧಂ ಅಪೂಜೇಸಿಂ, ಪಸನ್ನೋ ಸೇಹಿ ಪಾಣಿಭಿ॥
Tena buddhaṃ apūjesiṃ, pasanno sehi pāṇibhi.
೭೯.
79.
‘‘ಆರೋಪಿತಾ ಚ ತೇ ಪುಪ್ಫಾ, ಛದನಂ ಅಸ್ಸು ಸತ್ಥುನೋ।
‘‘Āropitā ca te pupphā, chadanaṃ assu satthuno;
೮೦.
80.
‘‘ತಿಂಸಕಪ್ಪಸಹಸ್ಸಮ್ಹಿ , ಯಂ ಪುಪ್ಫಮಭಿರೋಪಯಿಂ।
‘‘Tiṃsakappasahassamhi , yaṃ pupphamabhiropayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೮೧.
81.
‘‘ಇತೋ ವೀಸಕಪ್ಪಸತೇ, ಅಹೇಸುಂ ಪಞ್ಚ ಖತ್ತಿಯಾ।
‘‘Ito vīsakappasate, ahesuṃ pañca khattiyā;
ಹತ್ಥಿಯಾ ನಾಮ ನಾಮೇನ, ಚಕ್ಕವತ್ತೀ ಮಹಬ್ಬಲಾ॥
Hatthiyā nāma nāmena, cakkavattī mahabbalā.
೮೨.
82.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಞ್ಚಹತ್ಥಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā pañcahatthiyo thero imā gāthāyo abhāsitthāti.
ಪಞ್ಚಹತ್ಥಿಯತ್ಥೇರಸ್ಸಾಪದಾನಂ ಪಞ್ಚಮಂ।
Pañcahatthiyattherassāpadānaṃ pañcamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೫. ಪಞ್ಚಹತ್ಥಿಯತ್ಥೇರಅಪದಾನವಣ್ಣನಾ • 5. Pañcahatthiyattheraapadānavaṇṇanā
