| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
৬. ভেসজ্জক্খন্ধকো
6. Bhesajjakkhandhako
পঞ্চভেসজ্জাদিকথাৰণ্ণনা
Pañcabhesajjādikathāvaṇṇanā
২৬০. ভেসজ্জক্খন্ধকে পিত্তং কোট্ঠব্ভন্তরগতং হোতীতি বহিসরীরে ব্যাপেত্ৰা ঠিতং অবদ্ধপিত্তং কোট্ঠব্ভন্তরগতং হোতি, তেন পিত্তং কুপিতং হোতীতি অধিপ্পাযো।
260. Bhesajjakkhandhake pittaṃ koṭṭhabbhantaragataṃ hotīti bahisarīre byāpetvā ṭhitaṃ abaddhapittaṃ koṭṭhabbhantaragataṃ hoti, tena pittaṃ kupitaṃ hotīti adhippāyo.
২৬১-২. পাল়িযং নচ্ছাদেন্তীতি রুচিং ন উপ্পাদেন্তি। সুসুকাতি সমুদ্দে একা মচ্ছজাতি, কুম্ভিলাতিপি ৰদন্তি। সংসট্ঠন্তি পরিস্সাৰিতং।
261-2. Pāḷiyaṃ nacchādentīti ruciṃ na uppādenti. Susukāti samudde ekā macchajāti, kumbhilātipi vadanti. Saṃsaṭṭhanti parissāvitaṃ.
২৬৩. পিট্ঠেহীতি পিসিতেহি। কসাৰেহীতি তচাদীনি উদকে তাপেত্ৰা গহিতঊসরেহি। উব্ভিদন্তি ঊসরপংসুমযং। লোণবিলন্তি লোণৰিসেসো।
263.Piṭṭhehīti pisitehi. Kasāvehīti tacādīni udake tāpetvā gahitaūsarehi. Ubbhidanti ūsarapaṃsumayaṃ. Loṇabilanti loṇaviseso.
২৬৪-৫. ছকণন্তি গোমযং। পাকতিকচুণ্ণন্তি অপক্ককসাৰচুণ্ণং, গন্ধচুণ্ণং পন ন ৰট্টতি। পাল়িযং চুণ্ণচালিনিন্তি উদুক্খলে কোট্টিতচুণ্ণপরিস্সাৰনিং। সুৰণ্ণগেরুকোতি সুৰণ্ণতুত্থাদি। পাল়িযং অঞ্জনূপপিসনন্তি অঞ্জনে উপনেতুং পিসিতব্বভেসজ্জং।
264-5.Chakaṇanti gomayaṃ. Pākatikacuṇṇanti apakkakasāvacuṇṇaṃ, gandhacuṇṇaṃ pana na vaṭṭati. Pāḷiyaṃ cuṇṇacālininti udukkhale koṭṭitacuṇṇaparissāvaniṃ. Suvaṇṇagerukoti suvaṇṇatutthādi. Pāḷiyaṃ añjanūpapisananti añjane upanetuṃ pisitabbabhesajjaṃ.
২৬৭-৯. কবল়িকাতি উপনাহভেসজ্জং। ঘরদিন্নকাবাধো নাম ঘরণিযা দিন্নৰসীকরণভেসজ্জসমুট্ঠিতআবাধো। তায ছারিকায পগ্ঘরিতং খারোদকন্তি পরিস্সাৰনে তচ্ছারিকং পক্খিপিত্ৰা উদকে অভিসিঞ্চিতে ততো ছারিকতো হেট্ঠা পগ্ঘরিতং খারোদকং। পাল়িযং অকটযূসেনাতি অনভিসঙ্খতেন মুগ্গযূসেন। কটাকটেনাতি মুগ্গে পচিত্ৰা অচালেত্ৰা পরিস্সাৰিতেন মুগ্গযূসেনাতি ৰদন্তি।
267-9.Kabaḷikāti upanāhabhesajjaṃ. Gharadinnakābādho nāma gharaṇiyā dinnavasīkaraṇabhesajjasamuṭṭhitaābādho. Tāya chārikāya paggharitaṃ khārodakanti parissāvane tacchārikaṃ pakkhipitvā udake abhisiñcite tato chārikato heṭṭhā paggharitaṃ khārodakaṃ. Pāḷiyaṃ akaṭayūsenāti anabhisaṅkhatena muggayūsena. Kaṭākaṭenāti mugge pacitvā acāletvā parissāvitena muggayūsenāti vadanti.
পঞ্চভেসজ্জাদিকথাৰণ্ণনা নিট্ঠিতা।
Pañcabhesajjādikathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৬০. পঞ্চভেসজ্জকথা • 160. Pañcabhesajjakathā
১৬১. মূলাদিভেসজ্জকথা • 161. Mūlādibhesajjakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / পঞ্চভেসজ্জাদিকথা • Pañcabhesajjādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পঞ্চভেসজ্জাদিকথাৰণ্ণনা • Pañcabhesajjādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / পঞ্চভেসজ্জাদিকথাৰণ্ণনা • Pañcabhesajjādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
১৬০. পঞ্চভেসজ্জাদিকথা • 160. Pañcabhesajjādikathā
১৬১. মূলাদিভেসজ্জকথা • 161. Mūlādibhesajjakathā
