| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
ပဏာမနာခမနာကထာ
Paṇāmanākhamanākathā
၈၀. အန္တေဝာသိကာ အာစရိယေသု န သမ္မာ ဝတ္တန္တီတိ ဧတ္ထ ပန ယံ ပုဗ္ဗေ ‘‘နသမ္မာဝတ္တနာယ စ ယာဝ စီဝရရဇနံ, တာဝ ဝတ္တေ အကရိယမာနေ ဥပဇ္ဈာယသ္သ ပရိဟာနိ ဟောတိ, တသ္မာ တံ အကရောန္တသ္သ နိသ္သယမုတ္တကသ္သာပိ အမုတ္တကသ္သာပိ အာပတ္တိယေဝာ’’တိ စ, ‘‘ဧကစ္စသ္သ ပတ္တဒာနတော ပဋ္ဌာယ အမုတ္တကနိသ္သယသ္သေဝ အာပတ္တီ’’တိ စ လက္ခဏံ ဝုတ္တံ, န တေနေဝ လက္ခဏေန နိသ္သယန္တေဝာသိကသ္သ အာပတ္တိ ဝေဒိတဗ္ဗာ။ နိသ္သယန္တေဝာသိကေန ဟိ ယာဝ အာစရိယံ နိသ္သာယ ဝသတိ, တာဝ သဗ္ဗံ အာစရိယဝတ္တံ ကာတဗ္ဗံ။ ပဗ္ဗဇ္ဇာဥပသမ္ပဒာဓမ္မန္တေဝာသိကေဟိ ပန နိသ္သယမုတ္တကေဟိပိ အာဒိတော ပဋ္ဌာယ ယာဝ စီဝရရဇနံ, တာဝ ဝတ္တံ ကာတဗ္ဗံ; အနာပုစ္ဆိတ္ဝာ ပတ္တဒာနာဒိမ္ဟိ ပန ဧတေသံ အနာပတ္တိ။ ဧတေသု စ ပဗ္ဗဇ္ဇန္တေဝာသိကော စ ဥပသမ္ပဒန္တေဝာသိကော စ အာစရိယသ္သ ယာဝဇီဝံ ဘာရော။ နိသ္သယန္တေဝာသိကော စ ဓမ္မန္တေဝာသိကော စ ယာဝ သမီပေ ဝသန္တိ, တာဝဒေဝ။ တသ္မာ အာစရိယေနာပိ တေသု သမ္မာ ဝတ္တိတဗ္ဗံ။ အာစရိယန္တေဝာသိကေသု ဟိ ယော ယော န သမ္မာ ဝတ္တတိ, တသ္သ တသ္သ အာပတ္တိ။
80.Antevāsikā ācariyesu na sammā vattantīti ettha pana yaṃ pubbe ‘‘nasammāvattanāya ca yāva cīvararajanaṃ, tāva vatte akariyamāne upajjhāyassa parihāni hoti, tasmā taṃ akarontassa nissayamuttakassāpi amuttakassāpi āpattiyevā’’ti ca, ‘‘ekaccassa pattadānato paṭṭhāya amuttakanissayasseva āpattī’’ti ca lakkhaṇaṃ vuttaṃ, na teneva lakkhaṇena nissayantevāsikassa āpatti veditabbā. Nissayantevāsikena hi yāva ācariyaṃ nissāya vasati, tāva sabbaṃ ācariyavattaṃ kātabbaṃ. Pabbajjāupasampadādhammantevāsikehi pana nissayamuttakehipi ādito paṭṭhāya yāva cīvararajanaṃ, tāva vattaṃ kātabbaṃ; anāpucchitvā pattadānādimhi pana etesaṃ anāpatti. Etesu ca pabbajjantevāsiko ca upasampadantevāsiko ca ācariyassa yāvajīvaṃ bhāro. Nissayantevāsiko ca dhammantevāsiko ca yāva samīpe vasanti, tāvadeva. Tasmā ācariyenāpi tesu sammā vattitabbaṃ. Ācariyantevāsikesu hi yo yo na sammā vattati, tassa tassa āpatti.
ပဏာမနာခမနာကထာ နိဋ္ဌိတာ။
Paṇāmanākhamanākathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၀. ပဏာမနာ ခမာပနာ • 20. Paṇāmanā khamāpanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဏာမနာခမာပနာကထာဝဏ္ဏနာ • Paṇāmanākhamāpanākathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပဏာမနာခမာပနာကထာဝဏ္ဏနာ • Paṇāmanākhamāpanākathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၀. ပဏာမနာခမာပနာကထာ • 20. Paṇāmanākhamāpanākathā
