| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. ပမာဒဝိဟာရီသုတ္တဝဏ္ဏနာ
4. Pamādavihārīsuttavaṇṇanā
၉၇. န ပိဒဟိတ္ဝာ စက္ခုန္ဒ္ရိယံ န ပိဒဟိတ္ဝာ သဉ္ဆာဒိတ္ဝာ ဌိတသ္သ။ ဗ္ယာသိဉ္စတီတိ ကိလေသေဟိ ဝိသေသေန အာသိဉ္စတိ။ ကိလေသတိန္တန္တိ ကိလေသေဟိ အဝသ္သုတံ။ ဒုဗ္ဗလပီတိ တရုဏာ န ဗလပ္ပတ္တာ။ ဗလဝပီတိ ဥဗ္ဗေဂာ ဖရဏပ္ပတ္တာ စ ပီတိ။ ဒရထပ္ပသ္သဒ္ဓီတိ ကာယစိတ္တဒရထဝူပသမလက္ခဏာ ပသ္သဒ္ဓိ။ န ဥပ္ပဇ္ဇန္တိ ပစ္စယပရမ္ပရာယ အသိဒ္ဓတ္တာ။ ‘‘ကထဉ္စ, ဘိက္ခဝေ, ပမာဒဝိဟာရီ ဟောတီ’’တိအာဒိနာ ပုဂ္ဂလံ ပုစ္ဆိတ္ဝာ ‘‘ပာမောဇ္ဇံ န ဟောတိ, ပာမောဇ္ဇံ ဇာယတီ’’တိအာဒိနာ စ, ဓမ္မေန ‘‘ပမာဒဝိဟာရီ အပ္ပမာဒဝိဟာရီ’’တိ စ ပုဂ္ဂလော ဒသ္သိတော။
97.Napidahitvā cakkhundriyaṃ na pidahitvā sañchāditvā ṭhitassa. Byāsiñcatīti kilesehi visesena āsiñcati. Kilesatintanti kilesehi avassutaṃ. Dubbalapīti taruṇā na balappattā. Balavapīti ubbegā pharaṇappattā ca pīti. Darathappassaddhīti kāyacittadarathavūpasamalakkhaṇā passaddhi. Na uppajjanti paccayaparamparāya asiddhattā. ‘‘Kathañca, bhikkhave, pamādavihārī hotī’’tiādinā puggalaṃ pucchitvā ‘‘pāmojjaṃ na hoti, pāmojjaṃ jāyatī’’tiādinā ca, dhammena ‘‘pamādavihārī appamādavihārī’’ti ca puggalo dassito.
ပမာဒဝိဟာရီသုတ္တဝဏ္ဏနာ နိဋ္ဌိတာ။
Pamādavihārīsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. ပမာဒဝိဟာရီသုတ္တံ • 4. Pamādavihārīsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ပမာဒဝိဟာရီသုတ္တဝဏ္ဏနာ • 4. Pamādavihārīsuttavaṇṇanā
