| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
४. पमादविहारीसुत्तवण्णना
4. Pamādavihārīsuttavaṇṇanā
९७. न पिदहित्वा चक्खुन्द्रियं न पिदहित्वा सञ्छादित्वा ठितस्स। ब्यासिञ्चतीति किलेसेहि विसेसेन आसिञ्चति। किलेसतिन्तन्ति किलेसेहि अवस्सुतं। दुब्बलपीति तरुणा न बलप्पत्ता। बलवपीति उब्बेगा फरणप्पत्ता च पीति। दरथप्पस्सद्धीति कायचित्तदरथवूपसमलक्खणा पस्सद्धि। न उप्पज्जन्ति पच्चयपरम्पराय असिद्धत्ता। ‘‘कथञ्च, भिक्खवे, पमादविहारी होती’’तिआदिना पुग्गलं पुच्छित्वा ‘‘पामोज्जं न होति, पामोज्जं जायती’’तिआदिना च, धम्मेन ‘‘पमादविहारी अप्पमादविहारी’’ति च पुग्गलो दस्सितो।
97.Napidahitvā cakkhundriyaṃ na pidahitvā sañchāditvā ṭhitassa. Byāsiñcatīti kilesehi visesena āsiñcati. Kilesatintanti kilesehi avassutaṃ. Dubbalapīti taruṇā na balappattā. Balavapīti ubbegā pharaṇappattā ca pīti. Darathappassaddhīti kāyacittadarathavūpasamalakkhaṇā passaddhi. Na uppajjanti paccayaparamparāya asiddhattā. ‘‘Kathañca, bhikkhave, pamādavihārī hotī’’tiādinā puggalaṃ pucchitvā ‘‘pāmojjaṃ na hoti, pāmojjaṃ jāyatī’’tiādinā ca, dhammena ‘‘pamādavihārī appamādavihārī’’ti ca puggalo dassito.
पमादविहारीसुत्तवण्णना निट्ठिता।
Pamādavihārīsuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ४. पमादविहारीसुत्तं • 4. Pamādavihārīsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४. पमादविहारीसुत्तवण्णना • 4. Pamādavihārīsuttavaṇṇanā
