| Library / Tipiṭaka / д̇ибидага • Tipiṭaka / вимаанавад̇т̇убаал̣и • Vimānavatthupāḷi |
3. баллан̇гавимаанавад̇т̇у
3. Pallaṅkavimānavatthu
307.
307.
‘‘баллан̇гасздтз ман̣исон̣н̣ажид̇д̇з, бубпаабхигин̣н̣з саяанз ул̣аарз;
‘‘Pallaṅkaseṭṭhe maṇisoṇṇacitte, pupphābhikiṇṇe sayane uḷāre;
д̇ад̇т̇ажчаси д̣̇зви махаанубхаавз, ужжааважаа ид̣̇д̇хи вигуб̣б̣амаанаа.
Tatthacchasi devi mahānubhāve, uccāvacā iddhi vikubbamānā.
308.
308.
‘‘имаа жа д̇з ажчарааяо саманд̇ад̇о, нажжанд̇и г̇ааяанд̇и бамод̣̇аяанд̇и;
‘‘Imā ca te accharāyo samantato, naccanti gāyanti pamodayanti;
д̣̇звид̣̇д̇хибад̇д̇ааси махаанубхаавз, мануссабхууд̇аа гимагааси бун̃н̃ам̣;
Deviddhipattāsi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
309.
309.
‘‘ахам̣ мануссзсу мануссабхууд̇аа, ад̣дхз гулз сун̣исаа ахосим̣;
‘‘Ahaṃ manussesu manussabhūtā, aḍḍhe kule suṇisā ahosiṃ;
аггод̇ханаа бхад̇д̇увасаанувад̇д̇иний, убосат̇з аббамад̇д̇аа ахосим̣ 1.
Akkodhanā bhattuvasānuvattinī, uposathe appamattā ahosiṃ 2.
310.
310.
‘‘мануссабхууд̇аа д̣̇ахараа абаабигаа 3, басаннажид̇д̇аа бад̇имаабхираад̇хаяим̣;
‘‘Manussabhūtā daharā apāpikā 4, pasannacittā patimābhirādhayiṃ;
д̣̇иваа жа рад̇д̇о жа манаабажаариний, ахам̣ бурз сийлавад̇ий ахосим̣.
Divā ca ratto ca manāpacārinī, ahaṃ pure sīlavatī ahosiṃ.
311.
311.
‘‘баан̣аад̇ибаад̇аа вирад̇аа ажоригаа, сам̣суд̣̇д̇хагааяаа сужиб̣рахмажаариний;
‘‘Pāṇātipātā viratā acorikā, saṃsuddhakāyā sucibrahmacārinī;
амаж̇ж̇абаа но жа мусаа абхаан̣им̣, сигкаабад̣̇зсу барибуурагаариний.
Amajjapā no ca musā abhāṇiṃ, sikkhāpadesu paripūrakārinī.
312.
312.
‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;
‘‘Cātuddasiṃ pañcadasiṃ, yā ca pakkhassa aṭṭhamī;
313.
313.
‘‘адтан̇г̇убзд̇ам̣ ануд̇хаммажаариний, убосат̇ам̣ бийд̇иманаа убаавасим̣;
‘‘Aṭṭhaṅgupetaṃ anudhammacārinī, uposathaṃ pītimanā upāvasiṃ;
иман̃жа арияам̣ адтан̇г̇аварзхубзд̇ам̣, самаад̣̇ияид̇ваа гусалам̣ сукуд̣̇раяам̣;
Imañca ariyaṃ aṭṭhaṅgavarehupetaṃ, samādiyitvā kusalaṃ sukhudrayaṃ;
бад̇имхи галяаан̣ий васаанувад̇д̇иний, ахосим̣ буб̣б̣з суг̇ад̇асса саавигаа.
Patimhi kalyāṇī vasānuvattinī, ahosiṃ pubbe sugatassa sāvikā.
314.
314.
‘‘зд̇аад̣̇исам̣ гусалам̣ ж̇ийвалогз, гаммам̣ гарид̇ваана висзсабхааг̇иний;
‘‘Etādisaṃ kusalaṃ jīvaloke, kammaṃ karitvāna visesabhāginī;
гааяасса бхзд̣̇аа абхисамбарааяам̣, д̣̇звид̣̇д̇хибад̇д̇аа суг̇ад̇имхи ааг̇ад̇аа.
Kāyassa bhedā abhisamparāyaṃ, deviddhipattā sugatimhi āgatā.
315.
315.
‘‘вимаанабаасаад̣̇аварз манорамз, бариваарид̇аа ажчараасан̇г̇ан̣зна;
‘‘Vimānapāsādavare manorame, parivāritā accharāsaṅgaṇena;
саяам̣бабхаа д̣̇зваг̇ан̣аа рамзнд̇и мам̣, д̣̇ийгхааяугим̣ д̣̇звавимаанамааг̇ад̇а’’нд̇и;
Sayaṃpabhā devagaṇā ramenti maṃ, dīghāyukiṃ devavimānamāgata’’nti;
баллан̇гавимаанам̣ д̇ад̇ияам̣.
Pallaṅkavimānaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / вимаанавад̇т̇у-адтагат̇аа • Vimānavatthu-aṭṭhakathā / 3. баллан̇гавимаанаван̣н̣анаа • 3. Pallaṅkavimānavaṇṇanā
