| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. පල්ලඞ්කදායකත්ථෙරඅපදානං
10. Pallaṅkadāyakattheraapadānaṃ
48.
48.
‘‘සුමෙධස්ස භගවතො, ලොකජෙට්ඨස්ස තාදිනො;
‘‘Sumedhassa bhagavato, lokajeṭṭhassa tādino;
පල්ලඞ්කො හි මයා දින්නො, සඋත්තරසපච්ඡදො.
Pallaṅko hi mayā dinno, sauttarasapacchado.
49.
49.
‘‘සත්තරතනසම්පන්නො , පල්ලඞ්කො ආසි සො තදා;
‘‘Sattaratanasampanno , pallaṅko āsi so tadā;
මම සඞ්කප්පමඤ්ඤාය, නිබ්බත්තති සදා මම.
Mama saṅkappamaññāya, nibbattati sadā mama.
50.
50.
‘‘තිංසකප්පසහස්සම්හි, පල්ලඞ්කමදදිං තදා;
‘‘Tiṃsakappasahassamhi, pallaṅkamadadiṃ tadā;
දුග්ගතිං නාභිජානාමි, පල්ලඞ්කස්ස ඉදං ඵලං.
Duggatiṃ nābhijānāmi, pallaṅkassa idaṃ phalaṃ.
51.
51.
‘‘වීසකප්පසහස්සම්හි, සුවණ්ණාභා තයො ජනා;
‘‘Vīsakappasahassamhi, suvaṇṇābhā tayo janā;
සත්තරතනසම්පන්නා, චක්කවත්තී මහබ්බලා.
Sattaratanasampannā, cakkavattī mahabbalā.
52.
52.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා පල්ලඞ්කදායකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā pallaṅkadāyako thero imā gāthāyo abhāsitthāti.
පල්ලඞ්කදායකත්ථෙරස්සාපදානං දසමං.
Pallaṅkadāyakattherassāpadānaṃ dasamaṃ.
ඡත්තවග්ගො පන්නරසමො.
Chattavaggo pannarasamo.
තස්සුද්දානං –
Tassuddānaṃ –
ඡත්තං ථම්භො ච වෙදි ච, පරිවාරුමපුප්ඵියො;
Chattaṃ thambho ca vedi ca, parivārumapupphiyo;
අනුලෙපො ච මග්ගො ච, ඵලකො ච වටංසකො;
Anulepo ca maggo ca, phalako ca vaṭaṃsako;
පල්ලඞ්කදායී ච ගාථායො, ඡප්පඤ්ඤාස පකිත්තිතාති.
Pallaṅkadāyī ca gāthāyo, chappaññāsa pakittitāti.
