баал̣имуд̇д̇агавинижчаяаван̣н̣анаа

чад̇д̇ад̣̇ан̣д̣аг̇г̇аахагам̣ салаагабан̃ж̇аранд̇и зд̇т̇а яо бан̃ж̇арасалаагаанам̣ маж̇жхадто б̣унд̣̇з бут̇уло ахижчад̇д̇агасад̣̇исо аг̇г̇з сачид̣̇д̣̇о яад̇т̇а д̣̇ан̣д̣анд̇арам̣ бавзсзд̇ваа чад̇д̇ам̣ г̇ан̣ханд̇и, яо ваа саяамзва д̣̇ийгхад̇ааяа г̇ахан̣ад̣̇ан̣д̣о ход̇и, аяам̣ чад̇д̇ад̣̇ан̣д̣о наама, д̇асса абариг̇ал̣анад̇т̇ааяа чад̇д̇асалаагаанам̣ муулаббад̣̇зсад̣̇ан̣д̣асса саманд̇ад̇о д̣̇ал̣хабан̃ж̇арам̣ гад̇ваа суд̇д̇зхи винанд̇ханд̇и, со бад̣̇зсо чад̇д̇ад̣̇ан̣д̣аг̇аахагасалаагабан̃ж̇арам̣ наама, д̇ам̣ винанд̇хид̇ум̣ ваддад̇и. на ван̣н̣амадтад̇т̇ааяаад̇и иминаа т̇ирагаран̣ад̇т̇амзва згаван̣н̣асуд̇д̇зна винанд̇хияамаанам̣ яад̣̇и ван̣н̣амадтам̣ ход̇и, на д̇ад̇т̇а д̣̇осод̇и д̣̇ассзд̇и. аараг̇г̇знаад̇и никаад̣̇анамукзна. д̣̇ан̣д̣аб̣унд̣̇зд̇и д̣̇ан̣д̣амуулз годияам̣. чад̇д̇аман̣д̣алиганд̇и чад̇д̇абан̃ж̇арз ман̣д̣алаагаарзна б̣ад̣̇д̇хад̣̇ан̣д̣авалаяам̣. уггирид̇ваад̇и ниннам̣, уннад̇ам̣ ваа гад̇ваа.

наанаасуд̇д̇агзхийд̇и наанааван̣н̣зхи суд̇д̇зхи. ид̣̇ан̃жа д̇ат̇аа гаронд̇аанам̣ васзна вуд̇д̇ам̣, згаван̣н̣асуд̇д̇агзнааби на ваддад̇иязва, ‘‘багад̇исуужигаммамзва ваддад̇ий’’д̇и хи вуд̇д̇ам̣. баддамукзд̇и д̣̇виннам̣ баддаанам̣ сан̇гхадид̇адтаанам̣ санд̇хааязд̇ам̣ вуд̇д̇ам̣. барияанд̇зд̇и жийварабарияанд̇з, ануваад̇ам̣ санд̇хааязд̇ам̣ вуд̇д̇ам̣. взн̣инд̇и варагасийсаагаарзна сиб̣б̣анам̣. сан̇калиганд̇и д̣̇иг̇ун̣асан̇калигаагаарзна сиб̣б̣анам̣, взн̣им̣ ваа сан̇калигам̣ ваа гаронд̇ийд̇и багад̇зна самб̣анд̇хо. аг̇гхияам̣ наама жзд̇ияасан̣таанам̣, яам̣ аг̇гхияад̇т̇амбход̇и вад̣̇анд̇и. уггиранд̇ийд̇и удтабзнд̇и. жад̇угон̣амзва ваддад̇ийд̇и г̇ан̣тигабаасагабаддаани санд̇хааяа вуд̇д̇ам̣. гон̣асуд̇д̇абил̣агаад̇и г̇ан̣тигабаасагабаддаанам̣ гон̣зхи б̣ахи ниг̇г̇ад̇асуд̇д̇аанам̣ бил̣агаагаарзна табид̇агодияод̇и гзжи вад̣̇анд̇и, д̇з бил̣агз чинд̣̇ид̇ваа д̣̇увин̃н̃зяяаа гаад̇аб̣б̣аад̇и д̇зсам̣ ад̇хиббааяо. гзжи бана ‘‘гон̣асуд̇д̇аа жа бил̣агаад̇и д̣̇взязваа’’д̇и вад̣̇анд̇и, д̇зсам̣ мад̇зна г̇ан̣тигабаасагабаддаанам̣ гон̣ад̇о гон̣зхи нийхад̇асуд̇д̇аа гон̣асуд̇д̇аа наама. саманд̇ад̇о бана барияанд̇зна гад̇аа жад̇урассасуд̇д̇аа бил̣агаа наама. д̇ам̣ д̣̇увид̇хамби гзжи жийварад̇о висум̣ бан̃н̃ааяанад̇т̇ааяа вигаараяуд̇д̇ам̣ гаронд̇и, д̇ам̣ нисзд̇хааяа ‘‘д̣̇увин̃н̃зяяаруубаа вадданд̇ий’’д̇и вуд̇д̇ам̣, на бана саб̣б̣ат̇аа ажагкуг̇ожарабхаавзна сиб̣б̣анад̇т̇ааяа д̇ат̇аасиб̣б̣анасса асаггун̣зяяад̇д̇аа. яат̇аа багад̇ижийварад̇о вигааро на бан̃н̃ааяад̇и, звам̣ сиб̣б̣ид̇аб̣б̣анд̇и ад̇хиббааяо. раж̇анагаммад̇о буб̣б̣з бан̃н̃ааяамааноби висзсо жийварз рад̇д̇з згаван̣н̣ад̇ааяа на бан̃н̃ааяад̇ийд̇и ааха ‘‘жийварз рад̇д̇з’’д̇и. ман̣инаад̇и нийламан̣иаад̣̇имадтабаасаан̣зна, ам̣савад̣̇д̇хагагааяаб̣анд̇ханаад̣̇игам̣ бана ажийварад̇д̇аа сан̇каад̣̇ийхи гхам̣сид̇ум̣ ваддад̇ийд̇и вад̣̇анд̇и. ган̣н̣асуд̇д̇аганд̇и жийварасса д̣̇ийгхад̇о д̇ирияан̃жа сиб̣б̣ид̇аанам̣ жад̇уусу ган̣н̣зсу гон̣зсу жа нигканд̇аанам̣ суд̇д̇асийсаанамзд̇ам̣ наамам̣, д̇ам̣ чинд̣̇ид̇ваава баарубид̇аб̣б̣ам̣, д̇знааха ‘‘раж̇ид̇агаалз чинд̣̇ид̇аб̣б̣а’’нд̇и. бхаг̇авад̇аа анун̃н̃аад̇ам̣ згам̣ ган̣н̣асуд̇д̇амби ад̇т̇и, д̇ам̣ бана наамзна сад̣̇исамби ид̇о ан̃н̃амзваад̇и д̣̇ассзд̇ум̣ яам̣ банаад̇иаад̣̇и вуд̇д̇ам̣. лаг̇г̇анад̇т̇ааяаад̇и жийварараж̇ж̇уяам̣ жийвараб̣анд̇ханад̇т̇ааяа. г̇ан̣тигзд̇и д̣̇анд̇аад̣̇имаяз. бийл̣агаад̇и б̣инд̣̇ум̣ б̣инд̣̇ум̣ гад̇ваа удтаабзд̇аб̣б̣абийл̣агаа.

т̇аалагз ваад̇и д̇амб̣аад̣̇имаяз буг̇г̇алигз д̇ивид̇хзби габбияат̇аалагз. на ваддад̇ийд̇и ман̣иван̣н̣агаран̣аббаяог̇о на ваддад̇и, д̇злаван̣н̣агаран̣ад̇т̇ам̣ бана ваддад̇и. бад̇д̇аман̣д̣алзд̇и д̇ибусийсаад̣̇имаяз. ‘‘на, бхигкавз, жид̇д̇аани бад̇д̇аман̣д̣алаани д̇хаарзд̇аб̣б̣аани руубагаагин̣н̣аани бхид̇д̇игаммагад̇ааний’’д̇и (жуул̣ава. 253) вуд̇д̇ад̇д̇аа ‘‘бхид̇д̇игаммам̣ на ваддад̇ий’’д̇и вуд̇д̇ам̣. ‘‘ануж̇аанаами, бхигкавз, магарад̣̇анд̇агам̣ чинд̣̇ид̇у’’нд̇и (жуул̣ава. 253) вуд̇д̇ад̇д̇аа ‘‘магарад̣̇анд̇агам̣ бана ваддад̇ий’’д̇и вуд̇д̇ам̣, ид̣̇ам̣ бана баал̣ияаа лад̣̇д̇хамби ид̇ха баал̣ияаа муд̇д̇ад̇д̇аа баал̣имуд̇д̇аганаяз вуд̇д̇ам̣. зваман̃н̃амби ийд̣̇исам̣.

лзкаа на ваддад̇ийд̇и аараг̇г̇зна д̣̇инналзкаава на ваддад̇и, ж̇аад̇ихин̇г̇улигаад̣̇иван̣н̣зхи гад̇алзкаа ваддад̇и. чад̇д̇амукаваддияанд̇и д̇хамагаран̣асса хад̇т̇зна г̇ахан̣ачад̇д̇аагаарасса мукаваддияам̣, ‘‘бариссааванажол̣аб̣анд̇ханадтаанз’’д̇и гзжи.

д̣̇зд̣д̣убхасийсанд̇и уд̣̇агасаббасийсам̣. ажчийнийд̇и гун̃ж̇аражчисан̣таанаани. згамзва ваддад̇ийд̇и зд̇т̇а згараж̇ж̇угам̣ д̣̇иг̇ун̣ам̣ д̇иг̇ун̣ам̣ гад̇вааби б̣анд̇хид̇ум̣ на ваддад̇и, згамзва бана сад̇аваарамби сарийрам̣ баригкибид̇ваа б̣анд̇хид̇ум̣ ваддад̇и, б̣ахураж̇ж̇угз згад̇о гад̇ваа згзна ниранд̇арам̣ взтзд̇ваа гад̇ам̣ ‘‘б̣ахураж̇ж̇уга’’нд̇и на вад̇д̇аб̣б̣ам̣ ‘‘ваддад̇ий’’д̇и вуд̇д̇ад̇д̇аа, д̇ам̣ мураж̇асан̇кам̣ на г̇ажчад̇ийд̇и взд̣̇ид̇аб̣б̣ам̣. мураж̇ан̃хи наанааван̣н̣зхи суд̇д̇зхи мураж̇аваддисан̣таанам̣ взтзд̇ваа гад̇ам̣, ид̣̇ам̣ бана мураж̇ам̣ мад̣̇д̣̇авийн̣асан̇каад̇ам̣ бааман̇г̇асан̣таанан̃жа д̣̇асаасу ваддад̇и ‘‘гааяаб̣анд̇ханасса д̣̇асаа ж̇ийранд̇и; ануж̇аанаами, бхигкавз, мураж̇ам̣ мад̣̇д̣̇авийн̣а’’нд̇и (жуул̣ава. 278) вуд̇д̇ад̇д̇аа.

вид̇хзд̇и д̣̇асаабарияосаанз т̇ирабхаавааяа д̣̇анд̇ависаан̣асуд̇д̇аад̣̇ийхи гад̇д̇аб̣б̣з вид̇хз. адта ман̇г̇алаани наама сан̇ко жаггам̣ бун̣н̣агумбхо г̇аяаа сирийважчо ан̇гусо д̇хаж̇ам̣ совад̇д̇иганд̇и вад̣̇анд̇и. мажчаяуг̇ал̣ачад̇д̇ананд̣̇ияааваддаад̣̇ивасзнаби вад̣̇анд̇и. барижчзд̣̇алзкаамад̇д̇анд̇и д̣̇анд̇аад̣̇ийхи гад̇авид̇хасса убхосу годийсу гад̇абарижчзд̣̇арааж̇имад̇д̇ам̣.

‘‘уж̇угамзваа’’д̇и вуд̇д̇ад̇д̇аа жад̇урассаад̣̇исан̣таанааби ан̃ж̇аний ван̇гаг̇ад̇игаа на ваддад̇и. сибаадигааяаад̇и ваасиаад̣̇ибхан̣д̣анигкибанабасиб̣б̣агз. аараган̣дагам̣ наама бод̇т̇агаад̣̇иаасан̇кааран̣ад̇т̇ам̣ гад̇ад̣̇ийгхамукасад̇т̇аганд̇и вад̣̇анд̇и. ‘‘бхамагаараанам̣ д̣̇ааруаад̣̇иликанасад̇т̇ага’’нд̇и гзжи. ваддаман̣иганд̇и ваддам̣ гад̇ваа удтабзд̇аб̣б̣ам̣ бубпул̣агам̣. ан̃н̃анд̇и иминаа бил̣агаад̣̇им̣ сан̇г̇ан̣хаад̇и. бибпалигзд̇и яам̣ гин̃жи чзд̣̇анагз куд̣̇д̣̇агасад̇т̇з. валид̇аганд̇и накажчзд̣̇анагаалз д̣̇ал̣хаг̇г̇ахан̣ад̇т̇ам̣ валийхи яуд̇д̇амзва гаронд̇и. д̇асмаа д̇ам̣ ваддад̇ийд̇и иминаа яам̣ ан̃н̃амби вигаарам̣ д̣̇ал̣хийгаммаад̣̇иад̇т̇ааяа гаронд̇и, на ван̣н̣амадтад̇т̇ааяа, д̇ам̣ ваддад̇ийд̇и д̣̇ийбид̇ам̣, д̇зна жа гад̇д̇арад̣̇ан̣д̣агодияам̣ ан̃н̃аман̃н̃амби гхадданзна сад̣̇д̣̇анижчаран̣ад̇т̇ааяа гад̇ам̣ аяовалаяаад̣̇игам̣ сам̣яуд̇д̇амби габбияад̇о убабаннам̣ ход̇и. ман̣д̣аланд̇и уд̇д̇арааран̣ияаа бавзсанад̇т̇ам̣ ааваадаман̣д̣алам̣ ход̇и. уж̇угамзва б̣анд̇хид̇унд̇и самб̣анд̇хо, убхосу ваа бассзсу згабассз ваад̇и важанасзсо. ваасид̣̇ан̣д̣асса убхосу бассзсу д̣̇ан̣д̣агодийнам̣ ажаланад̇т̇ам̣ б̣анд̇хид̇унд̇и ад̇т̇о.

ааман̣д̣асаарагзд̇и аамалагапалаани бисид̇ваа д̇зна гаггзна гад̇ад̇злабхааж̇анз. д̇ад̇т̇а гира багкид̇д̇ам̣ д̇злам̣ сийд̇алам̣ ход̇и. бхуумад̇т̇аран̣зд̇и гадасаараад̣̇имаяз баригаммагад̇ааяа бхуумияаа ад̇т̇арид̇аб̣б̣аад̇т̇аран̣з. баанийяагхадзд̇и саб̣б̣ам̣ бхааж̇анавигад̇им̣ сан̇г̇ан̣хаад̇и. саб̣б̣ам̣…бз… ваддад̇ийд̇и яат̇аавуд̇д̇зсу ман̃жаад̣̇ийсу ид̇т̇ибурисаруубамби ваддад̇и д̇злабхааж̇анзсуязва ид̇т̇ибурисаруубаанам̣ бадигкид̇д̇ад̇д̇аа, д̇злабхааж̇анзна саха аг̇ан̣зд̇ваа висум̣ ман̃жаад̣̇ийнам̣ г̇ахид̇ад̇д̇аа жаад̇и вад̣̇анд̇и, гин̃жааби вад̣̇анд̇и, зд̇зсам̣ бана ман̃жаад̣̇ийнам̣ хад̇т̇зна аамасид̇аб̣б̣абхан̣д̣ад̇д̇аа ид̇т̇ируубамзвзд̇т̇а на ваддад̇ийд̇и г̇ахзд̇аб̣б̣ам̣. ан̃н̃зсанд̇и сиймасаамигаанам̣. рааж̇аваллабхзхийд̇и лаж̇ж̇ийбзсалаад̣̇ийнам̣ убосат̇аад̣̇ианд̇арааяагараа алаж̇ж̇ино бхинналад̣̇д̇хигаа жа бхигкуу ад̇хиббзд̇аа д̇зхи саха убосат̇аад̣̇игаран̣ааяог̇аа, д̇знзва ‘‘сиймааяаа’’д̇и вуд̇д̇ам̣. д̇зсам̣ лаж̇ж̇ийбарисаад̇и д̇зсам̣ сиймаасаамигаанам̣ ануб̣алам̣ д̣̇аад̇ум̣ самад̇т̇аа лаж̇ж̇ийбарисаа. бхигкуухи гад̇анд̇и яам̣ алаж̇ж̇ийнам̣ сзнаасанабхзд̣̇анаад̣̇игам̣ лаж̇ж̇ийбхигкуухи гад̇ам̣, саб̣б̣ан̃жзд̇ам̣ сугад̇амзва алаж̇ж̇ийниг̇г̇ахад̇т̇ааяа бавад̇д̇ид̇аб̣б̣ад̇о.

88. аваж̇жхааяанд̇ийд̇и нийжад̇о жинд̇знд̇и. уж̇жхааяанад̇т̇од̇и бхигкуно т̇зяяагамманинд̣̇анад̇т̇о ‘‘гат̇ан̃хи наама ад̣̇иннам̣ аад̣̇ияиссад̇ий’’д̇и, на бана д̣̇аару-сад̣̇д̣̇ависзсанад̇т̇о д̇асса б̣ахуважанад̇д̇аа. важанабхзд̣̇зд̇и згаважанаб̣ахуважанаанам̣ бхзд̣̇з. саб̣б̣ааванд̇анд̇и бхигкубхигкунийаад̣̇исаб̣б̣ааваяававанд̇ам̣. б̣имб̣исаарод̇и д̇асса нааманд̇и зд̇т̇а б̣имб̣ийд̇и суван̣н̣ам̣. д̇асмаа саарасуван̣н̣асад̣̇исаван̣н̣ад̇ааяа ‘‘б̣имб̣исааро’’д̇и вужжад̇ийд̇и взд̣̇ид̇аб̣б̣ам̣. бораан̣асад̇т̇аануруубам̣ уббаад̣̇ид̇о вийсад̇имаасаббамаан̣ауд̇д̇амасуван̣н̣аг̇гханаго лагкан̣асамбанно нийлагахаабан̣од̇и взд̣̇ид̇аб̣б̣о. руд̣̇рад̣̇аамзна наама гзнажи уббаад̣̇ид̇о руд̣̇рад̣̇аамаго. со гира нийлагахаабан̣асса д̇ибхааг̇ам̣ аг̇гхад̇и. яасмим̣ бана д̣̇зсз нийлагахаабан̣аа на санд̇и, д̇ад̇т̇ааби гаал̣агавирахид̇асса нид̣̇д̇ханд̇асуван̣н̣асса бан̃жамаасаг̇гханагзна бхан̣д̣зна баад̣̇абарижчзд̣̇о гаад̇аб̣б̣о. д̇знаад̇и нийлагахаабан̣асса жад̇уд̇т̇абхааг̇абхууд̇зна. баарааж̇игавад̇т̇умхи ваад̇иаад̣̇и баарааж̇игаанам̣ саб̣б̣аб̣уд̣̇д̇хзхи бан̃н̃ад̇д̇абхаавзна вуд̇д̇ам̣, сан̇гхаад̣̇исзсаад̣̇ийсу бана ид̇араабад̇д̇ийсуби д̇аб̣б̣ад̇т̇уусу жа наанад̇д̇ам̣ над̇т̇зва, гзвалам̣ гзжи саб̣б̣аагаарзна бан̃н̃абзнд̇и, гзжи згад̣̇зсзнаад̇и зд̇д̇агамзва висзсо. на хи гад̣̇аажиби саммаасамб̣уд̣̇д̇хаа яат̇аабараад̇хам̣ ад̇иггамма уунамад̇хигам̣ ваа сигкаабад̣̇ам̣ бан̃н̃абзнд̇и.