| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਪਾਲਿਲੇਯ੍ਯਕਗਮਨਕਥਾ
Pālileyyakagamanakathā
੪੬੭. ਪਾਲਿਲੇਯ੍ਯਕੇ વਿਹਰਤਿ ਰਕ੍ਖਿਤવਨਸਣ੍ਡੇਤਿ ਪਾਲਿਲੇਯ੍ਯਕਂ ਉਪਨਿਸ੍ਸਾਯ ਰਕ੍ਖਿਤવਨਸਣ੍ਡੇ વਿਹਰਤਿ। ਹਤ੍ਥਿਨਾਗੋਤਿ ਮਹਾਹਤ੍ਥੀ। ਹਤ੍ਥਿਕਲਭੇਹੀਤਿ ਹਤ੍ਥਿਪੋਤਕੇਹਿ। ਹਤ੍ਥਿਚ੍ਛਾਪੇਹੀਤਿ ਖੀਰੂਪਕੇਹਿ ਦਹਰਪੋਤਕੇਹਿ। ਛਿਨ੍ਨਗ੍ਗਾਨੀਤਿ ਤੇਹਿ ਪੁਰਤੋ ਪੁਰਤੋ ਗਚ੍ਛਨ੍ਤੇਹਿ ਛਿਨ੍ਨਗ੍ਗਾਨਿ ਖਾਯਿਤਾવਸੇਸਾਨਿ ਖਾਣੁਸਦਿਸਾਨਿ ਤਿਣਾਨਿ ਖਾਦਤਿ। ਓਭਗ੍ਗੋਭਗ੍ਗਨ੍ਤਿ ਤੇਨ ਹਤ੍ਥਿਨਾਗੇਨ ਉਚ੍ਚਟ੍ਠਾਨਤੋ ਭਞ੍ਜਿਤ੍વਾ ਭਞ੍ਜਿਤ੍વਾ ਪਾਤਿਤਂ। ਅਸ੍ਸ ਸਾਖਾਭਙ੍ਗਨ੍ਤਿ ਏਤਸ੍ਸ ਸਨ੍ਤਕਂ ਸਾਖਾਭਙ੍ਗਂ ਤੇ ਖਾਦਨ੍ਤਿ। ਆવਿਲਾਨੀਤਿ ਤੇਹਿ ਪਠਮਤਰਂ ਓਤਰਿਤ੍વਾ ਪਿવਨ੍ਤੇਹਿ ਆਲੁਲਿਤਾਨਿ ਕਦ੍ਦਮੋਦਕਾਨਿ ਪਿવਤਿ। ਓਗਾਹਾਤਿ ਤਿਤ੍ਥਤੋ।
467.Pālileyyake viharati rakkhitavanasaṇḍeti pālileyyakaṃ upanissāya rakkhitavanasaṇḍe viharati. Hatthināgoti mahāhatthī. Hatthikalabhehīti hatthipotakehi. Hatthicchāpehīti khīrūpakehi daharapotakehi. Chinnaggānīti tehi purato purato gacchantehi chinnaggāni khāyitāvasesāni khāṇusadisāni tiṇāni khādati. Obhaggobhagganti tena hatthināgena uccaṭṭhānato bhañjitvā bhañjitvā pātitaṃ. Assa sākhābhaṅganti etassa santakaṃ sākhābhaṅgaṃ te khādanti. Āvilānīti tehi paṭhamataraṃ otaritvā pivantehi ālulitāni kaddamodakāni pivati. Ogāhāti titthato.
ਨਾਗਸ੍ਸ ਨਾਗੇਨਾਤਿ ਹਤ੍ਥਿਨਾਗਸ੍ਸ ਬੁਦ੍ਧਨਾਗੇਨ। ਈਸਾਦਨ੍ਤਸ੍ਸਾਤਿ ਰਥਈਸਾਸਦਿਸਦਨ੍ਤਸ੍ਸ। ਯਦੇਕੋ ਰਮਤੀ વਨੇਤਿ ਯਸ੍ਮਾ ਬੁਦ੍ਧਨਾਗੋ વਿਯ ਅਯਮ੍ਪਿ ਹਤ੍ਥਿਨਾਗੋ ਏਕੋ ਪવਿવਿਤ੍ਤੋ વਨੇ ਰਮਤਿ; ਤਸ੍ਮਾਸ੍ਸ ਨਾਗਸ੍ਸ ਨਾਗੇਨ ਚਿਤ੍ਤਂ ਸਮੇਤਿ, ਏਕੀਭਾવਰਤਿਯਾ ਏਕਸਦਿਸਂ ਹੋਤੀਤਿ ਅਤ੍ਥੋ।
Nāgassa nāgenāti hatthināgassa buddhanāgena. Īsādantassāti rathaīsāsadisadantassa. Yadeko ramatī vaneti yasmā buddhanāgo viya ayampi hatthināgo eko pavivitto vane ramati; tasmāssa nāgassa nāgena cittaṃ sameti, ekībhāvaratiyā ekasadisaṃ hotīti attho.
ਯਥਾਭਿਰਨ੍ਤਂ વਿਹਰਿਤ੍વਾਤਿ ਏਤ੍ਥ ਤੇਮਾਸਂ ਭਗવਾ ਤਤ੍ਥ વਿਹਾਸੀਤਿ વੇਦਿਤਬ੍ਬੋ। ਏਤ੍ਤਾવਤਾ ਕੋਸਮ੍ਬਕੇਹਿ ਕਿਰ ਉਬ੍ਬਾਲ਼੍ਹੋ ਭਗવਾ ਤੇਮਾਸਂ ਅਰਞ੍ਞਂ ਪવਿਸਿਤ੍વਾ વਸੀਤਿ ਸਬ੍ਬਤ੍ਥ ਕਥਾ ਪਤ੍ਥਟਾ ਅਹੋਸਿ।
Yathābhirantaṃ viharitvāti ettha temāsaṃ bhagavā tattha vihāsīti veditabbo. Ettāvatā kosambakehi kira ubbāḷho bhagavā temāsaṃ araññaṃ pavisitvā vasīti sabbattha kathā patthaṭā ahosi.
ਅਥ ਖੋ ਕੋਸਮ੍ਬਕਾ ਉਪਾਸਕਾਤਿ ਅਥ ਖੋ ਇਮਂ ਕਥਾਸਲ੍ਲਾਪਂ ਸੁਤ੍વਾ ਕੋਸਮ੍ਬਿવਾਸਿਨੋ ਉਪਾਸਕਾ।
Atha kho kosambakā upāsakāti atha kho imaṃ kathāsallāpaṃ sutvā kosambivāsino upāsakā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੭੫. ਪਾਲਿਲੇਯ੍ਯਕਗਮਨਕਥਾ • 275. Pālileyyakagamanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਲਿਲੇਯ੍ਯਕਗਮਨਕਥਾવਣ੍ਣਨਾ • Pālileyyakagamanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਲਿਲੇਯ੍ਯਕਗਮਨਕਥਾવਣ੍ਣਨਾ • Pālileyyakagamanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਾਲਿਲੇਯ੍ਯਕਗਮਨਕਥਾવਣ੍ਣਨਾ • Pālileyyakagamanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੭੫. ਪਾਲਿਲੇਯ੍ਯਕਗਮਨਕਥਾ • 275. Pālileyyakagamanakathā
