| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৩০৭. পলাসজাতকং (৪-১-৭)
307. Palāsajātakaṃ (4-1-7)
২৫.
25.
অচেতনং ব্রাহ্মণ অস্সুণন্তং, জানো অজানন্তমিমং পলাসং।
Acetanaṃ brāhmaṇa assuṇantaṃ, jāno ajānantamimaṃ palāsaṃ;
আরদ্ধৰিরিযো ধুৰং অপ্পমত্তো, সুখসেয্যং পুচ্ছসি কিস্স হেতু॥
Āraddhaviriyo dhuvaṃ appamatto, sukhaseyyaṃ pucchasi kissa hetu.
২৬.
26.
দূরে সুতো চেৰ ব্রহা চ রুক্খো, দেসে ঠিতো ভূতনিৰাসরূপো।
Dūre suto ceva brahā ca rukkho, dese ṭhito bhūtanivāsarūpo;
তস্মা নমস্সামি ইমং পলাসং, যে চেত্থ ভূতা তে 1 ধনস্স হেতু॥
Tasmā namassāmi imaṃ palāsaṃ, ye cettha bhūtā te 2 dhanassa hetu.
২৭.
27.
সো তে করিস্সামি যথানুভাৰং, কতঞ্ঞুতং ব্রাহ্মণ পেক্খমানো।
So te karissāmi yathānubhāvaṃ, kataññutaṃ brāhmaṇa pekkhamāno;
কথঞ্হি আগম্ম সতং সকাসে, মোঘানি তে অস্সু পরিফন্দিতানি॥
Kathañhi āgamma sataṃ sakāse, moghāni te assu pariphanditāni.
২৮.
28.
তস্সেস মূলস্মিং নিধি নিখাতো, অদাযাদো গচ্ছ তং উদ্ধরাহীতি॥
Tassesa mūlasmiṃ nidhi nikhāto, adāyādo gaccha taṃ uddharāhīti.
পলাসজাতকং সত্তমং।
Palāsajātakaṃ sattamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩০৭] ৭. পলাসজাতকৰণ্ণনা • [307] 7. Palāsajātakavaṇṇanā
