| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
ပက္ခိကဘတ္တကထာဝဏ္ဏနာ
Pakkhikabhattakathāvaṇṇanā
ဥပောသထဒိဝသေ အာပတ္တိဒေသနံ သန္ဓာယ ‘‘ပရိသုဒ္ဓသီလာန’’န္တိ အာဟ။ လေခံ ကတ္ဝာ နိဗဒ္ဓာပိတံ။ ‘‘အာဂန္တုကဘတ္တမ္ပိ ဂမိကဘတ္တမ္ပီ’’တိ အာဂန္တုကောဝ ဟုတ္ဝာ ဂစ္ဆန္တံ သန္ဓာယ ဝုတ္တံ။ အနာထဂိလာနုပဋ္ဌာကောပိ တေန ဒိန္နံ ဘုဉ္ဇတိ စေ, တသ္သပိ ပာပေတဗ္ဗမေဝ။ ဂုဠပိဏ္ဍံ တာလပက္ကမတ္တံ။
Uposathadivase āpattidesanaṃ sandhāya ‘‘parisuddhasīlāna’’nti āha. Lekhaṃ katvā nibaddhāpitaṃ. ‘‘Āgantukabhattampi gamikabhattampī’’ti āgantukova hutvā gacchantaṃ sandhāya vuttaṃ. Anāthagilānupaṭṭhākopi tena dinnaṃ bhuñjati ce, tassapi pāpetabbameva. Guḷapiṇḍaṃ tālapakkamattaṃ.
သေနာသနက္ခန္ဓကဝဏ္ဏနာ နိဋ္ဌိတာ။
Senāsanakkhandhakavaṇṇanā niṭṭhitā.
