| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
পক্খিকভত্তকথাৰণ্ণনা
Pakkhikabhattakathāvaṇṇanā
উপোসথদিৰসে আপত্তিদেসনং সন্ধায ‘‘পরিসুদ্ধসীলান’’ন্তি আহ। লেখং কত্ৰা নিবদ্ধাপিতং। ‘‘আগন্তুকভত্তম্পি গমিকভত্তম্পী’’তি আগন্তুকোৰ হুত্ৰা গচ্ছন্তং সন্ধায ৰুত্তং। অনাথগিলানুপট্ঠাকোপি তেন দিন্নং ভুঞ্জতি চে, তস্সপি পাপেতব্বমেৰ। গুল়পিণ্ডং তালপক্কমত্তং।
Uposathadivase āpattidesanaṃ sandhāya ‘‘parisuddhasīlāna’’nti āha. Lekhaṃ katvā nibaddhāpitaṃ. ‘‘Āgantukabhattampi gamikabhattampī’’ti āgantukova hutvā gacchantaṃ sandhāya vuttaṃ. Anāthagilānupaṭṭhākopi tena dinnaṃ bhuñjati ce, tassapi pāpetabbameva. Guḷapiṇḍaṃ tālapakkamattaṃ.
সেনাসনক্খন্ধকৰণ্ণনা নিট্ঠিতা।
Senāsanakkhandhakavaṇṇanā niṭṭhitā.
