| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೮೪. ಪಕ್ಖಗಣನಾದಿಉಗ್ಗಹಣಾನುಜಾನನಕಥಾ
84. Pakkhagaṇanādiuggahaṇānujānanakathā
೧೫೬. ಕತಿನಂ ಪೂರಣೀತಿ ಕತಿನಂ ತಿಥೀನಂ ಪೂರಣೀ। ಕೋ ದಿವಸೋತಿ ಕಿತ್ತಕೋ ದಿವಸೋ। ಅಯ್ಯಾಯತ್ತನ್ತಿ ಅಯ್ಯೇಹಿ ಭಿಕ್ಖೂಹಿ ಆಯತ್ತಂ ಆಬದ್ಧಂ। ಸಂಹರಿತ್ವಾತಿ ಪುನ ಸಲಾಕಂ ಸಂಹರಿತ್ವಾ। ಅಯಂ ಪಾಠೋ ಕೇಸುಚಿ ಅಟ್ಠಕಥಾಪೋತ್ಥಕೇಸು ನತ್ಥಿ। ಕಾಲವತೋತಿ ಏತ್ಥ ವನ್ತುಪಚ್ಚಯೋ ಸ್ವತ್ಥೋತಿ ಆಹ ‘‘ಕಾಲಸ್ಸೇವಾ’’ತಿ। ಏವಸದ್ದೋ ಪನ ಸಮ್ಭವತೋ ಯುಜ್ಜಿಯತಿ। ಪಗೇವಾತಿ ಪಾತೋವ।
156.Katinaṃpūraṇīti katinaṃ tithīnaṃ pūraṇī. Ko divasoti kittako divaso. Ayyāyattanti ayyehi bhikkhūhi āyattaṃ ābaddhaṃ. Saṃharitvāti puna salākaṃ saṃharitvā. Ayaṃ pāṭho kesuci aṭṭhakathāpotthakesu natthi. Kālavatoti ettha vantupaccayo svatthoti āha ‘‘kālassevā’’ti. Evasaddo pana sambhavato yujjiyati. Pagevāti pātova.
೧೫೮. ಸಾಯಮ್ಪೀತಿ ಸಾಯನ್ಹೇಪಿ। ಪಿಸದ್ದೇನ ಅಞ್ಞಮ್ಪಿ ಸರಣಕಾಲಂ ಸಮ್ಪಿಣ್ಡೇತಿ।
158.Sāyampīti sāyanhepi. Pisaddena aññampi saraṇakālaṃ sampiṇḍeti.
೧೫೯. ಆಣಾಪೇತುನ್ತಿ ಏತ್ಥ ಅನಾಣಾಪೇತಬ್ಬಭಿಕ್ಖೂ ಅಪನೇತ್ವಾ ಆಣಾಪೇತಬ್ಬಭಿಕ್ಖೂ ದಸ್ಸೇತುಂ ವುತ್ತಂ ‘‘ಕಿಞ್ಚಿ ಕಮ್ಮ’’ನ್ತಿಆದಿ। ಸದಾಕಾಲಮೇವ ಕಿಞ್ಚಿ ಕಮ್ಮಂ ಕರೋನ್ತೋತಿ ಯೋಜನಾ। ಧಮ್ಮಕಥಿಕಾದೀಸೂತಿಆದಿಸದ್ದೇನ ಗಣವಾಚಕಾದಯೋ ಸಙ್ಗಣ್ಹಾತಿ। ವಾರೇನಾತಿ ಪರಿಯಾಯೇನ। ಸಮ್ಮುಞ್ಚನಿನ್ತಿ ಯಟ್ಠಿಸಮ್ಮುಞ್ಚನಿಂ ವಾ ಮುಟ್ಠಿಸಮ್ಮುಞ್ಚನಿಂ ವಾ। ಸಮಂ, ಸುಟ್ಠು ವಾ ಮುಞ್ಚತಿ ಸೋಧೇತಿ ಇಮಾಯಾತಿ ಸಮ್ಮುಞ್ಚನೀ, ತಾಲುಜೋ ಪಠಮೋ। ತಮ್ಪೀತಿ ಸಾಖಾಭಙ್ಗಮ್ಪಿ।
159.Āṇāpetunti ettha anāṇāpetabbabhikkhū apanetvā āṇāpetabbabhikkhū dassetuṃ vuttaṃ ‘‘kiñci kamma’’ntiādi. Sadākālameva kiñci kammaṃ karontoti yojanā. Dhammakathikādīsūtiādisaddena gaṇavācakādayo saṅgaṇhāti. Vārenāti pariyāyena. Sammuñcaninti yaṭṭhisammuñcaniṃ vā muṭṭhisammuñcaniṃ vā. Samaṃ, suṭṭhu vā muñcati sodheti imāyāti sammuñcanī, tālujo paṭhamo. Tampīti sākhābhaṅgampi.
೧೬೦. ವುತ್ತನಯೇನೇವಾತಿ ಸಮ್ಮಜ್ಜನೇ ವುತ್ತನಯೇನೇವ। ಪುನ ಆಹರಿತಬ್ಬಾನೀತಿ ಸಙ್ಘಿಕಾವಾಸಂ ಆಸನಾನಿ ಪುನ ಆಹರಿತಬ್ಬಾನಿ। ತಟ್ಟಿಕಾಯೋಪೀತಿ ವೇಣುಆದಿಮಯಾ ತಟ್ಟಿಕಾಯೋಪಿ।
160.Vuttanayenevāti sammajjane vuttanayeneva. Puna āharitabbānīti saṅghikāvāsaṃ āsanāni puna āharitabbāni. Taṭṭikāyopīti veṇuādimayā taṭṭikāyopi.
೧೬೧. ಕಪಲ್ಲಿಕಾ ವಾತಿ ಕಪಾಲೇಸು ಪರಿಯಾಪನ್ನಾ ಪದೀಪಕಪಾಲಾ ವಾ। ತನ್ತಿ ತೇಲಾದಿಂ। ಪರಿಯೇಸಿತಬ್ಬಾನೀತಿ ಅನವಜ್ಜಪರಿಯೇಸನೇನ ಪರಿಯೇಸಿತಬ್ಬಾನಿ।
161.Kapallikā vāti kapālesu pariyāpannā padīpakapālā vā. Tanti telādiṃ. Pariyesitabbānīti anavajjapariyesanena pariyesitabbāni.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೮೪. ಪಕ್ಖಗಣನಾದಿಉಗ್ಗಹಣಾನುಜಾನನಾ • 84. Pakkhagaṇanādiuggahaṇānujānanā
೮೫. ಪುಬ್ಬಕರಣಾನುಜಾನನಾ • 85. Pubbakaraṇānujānanā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಪಕ್ಖಗಣನಾದಿಉಗ್ಗಹಣಾನುಜಾನನಕಥಾ • Pakkhagaṇanādiuggahaṇānujānanakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಪಕ್ಖಗಣನಾದಿಉಗ್ಗಹಣಾನುಜಾನನಕಥಾವಣ್ಣನಾ • Pakkhagaṇanādiuggahaṇānujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಪಕ್ಖಗಣನಾದಿಉಗ್ಗಹಣಾನುಜಾನನಕಥಾದಿವಣ್ಣನಾ • Pakkhagaṇanādiuggahaṇānujānanakathādivaṇṇanā
