| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៨៤. បក្ខគណនាទិឧគ្គហណានុជាននកថា
84. Pakkhagaṇanādiuggahaṇānujānanakathā
១៥៦. កតិនំ បូរណីតិ កតិនំ តិថីនំ បូរណី។ កោ ទិវសោតិ កិត្តកោ ទិវសោ។ អយ្យាយត្តន្តិ អយ្យេហិ ភិក្ខូហិ អាយត្តំ អាពទ្ធំ។ សំហរិត្វាតិ បុន សលាកំ សំហរិត្វា។ អយំ បាឋោ កេសុចិ អដ្ឋកថាបោត្ថកេសុ នត្ថិ។ កាលវតោតិ ឯត្ថ វន្តុបច្ចយោ ស្វត្ថោតិ អាហ ‘‘កាលស្សេវា’’តិ។ ឯវសទ្ទោ បន សម្ភវតោ យុជ្ជិយតិ។ បគេវាតិ បាតោវ។
156.Katinaṃpūraṇīti katinaṃ tithīnaṃ pūraṇī. Ko divasoti kittako divaso. Ayyāyattanti ayyehi bhikkhūhi āyattaṃ ābaddhaṃ. Saṃharitvāti puna salākaṃ saṃharitvā. Ayaṃ pāṭho kesuci aṭṭhakathāpotthakesu natthi. Kālavatoti ettha vantupaccayo svatthoti āha ‘‘kālassevā’’ti. Evasaddo pana sambhavato yujjiyati. Pagevāti pātova.
១៥៨. សាយម្បីតិ សាយន្ហេបិ។ បិសទ្ទេន អញ្ញម្បិ សរណកាលំ សម្បិណ្ឌេតិ។
158.Sāyampīti sāyanhepi. Pisaddena aññampi saraṇakālaṃ sampiṇḍeti.
១៥៩. អាណាបេតុន្តិ ឯត្ថ អនាណាបេតព្ពភិក្ខូ អបនេត្វា អាណាបេតព្ពភិក្ខូ ទស្សេតុំ វុត្តំ ‘‘កិញ្ចិ កម្ម’’ន្តិអាទិ។ សទាកាលមេវ កិញ្ចិ កម្មំ ករោន្តោតិ យោជនា។ ធម្មកថិកាទីសូតិអាទិសទ្ទេន គណវាចកាទយោ សង្គណ្ហាតិ។ វារេនាតិ បរិយាយេន។ សម្មុញ្ចនិន្តិ យដ្ឋិសម្មុញ្ចនិំ វា មុដ្ឋិសម្មុញ្ចនិំ វា។ សមំ, សុដ្ឋុ វា មុញ្ចតិ សោធេតិ ឥមាយាតិ សម្មុញ្ចនី, តាលុជោ បឋមោ។ តម្បីតិ សាខាភង្គម្បិ។
159.Āṇāpetunti ettha anāṇāpetabbabhikkhū apanetvā āṇāpetabbabhikkhū dassetuṃ vuttaṃ ‘‘kiñci kamma’’ntiādi. Sadākālameva kiñci kammaṃ karontoti yojanā. Dhammakathikādīsūtiādisaddena gaṇavācakādayo saṅgaṇhāti. Vārenāti pariyāyena. Sammuñcaninti yaṭṭhisammuñcaniṃ vā muṭṭhisammuñcaniṃ vā. Samaṃ, suṭṭhu vā muñcati sodheti imāyāti sammuñcanī, tālujo paṭhamo. Tampīti sākhābhaṅgampi.
១៦០. វុត្តនយេនេវាតិ សម្មជ្ជនេ វុត្តនយេនេវ។ បុន អាហរិតព្ពានីតិ សង្ឃិកាវាសំ អាសនានិ បុន អាហរិតព្ពានិ។ តដ្ដិកាយោបីតិ វេណុអាទិមយា តដ្ដិកាយោបិ។
160.Vuttanayenevāti sammajjane vuttanayeneva. Puna āharitabbānīti saṅghikāvāsaṃ āsanāni puna āharitabbāni. Taṭṭikāyopīti veṇuādimayā taṭṭikāyopi.
១៦១. កបល្លិកា វាតិ កបាលេសុ បរិយាបន្នា បទីបកបាលា វា។ តន្តិ តេលាទិំ។ បរិយេសិតព្ពានីតិ អនវជ្ជបរិយេសនេន បរិយេសិតព្ពានិ។
161.Kapallikā vāti kapālesu pariyāpannā padīpakapālā vā. Tanti telādiṃ. Pariyesitabbānīti anavajjapariyesanena pariyesitabbāni.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
៨៤. បក្ខគណនាទិឧគ្គហណានុជាននា • 84. Pakkhagaṇanādiuggahaṇānujānanā
៨៥. បុព្ពករណានុជាននា • 85. Pubbakaraṇānujānanā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / បក្ខគណនាទិឧគ្គហណានុជាននកថា • Pakkhagaṇanādiuggahaṇānujānanakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / បក្ខគណនាទិឧគ្គហណានុជាននកថាវណ្ណនា • Pakkhagaṇanādiuggahaṇānujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / បក្ខគណនាទិឧគ្គហណានុជាននកថាទិវណ្ណនា • Pakkhagaṇanādiuggahaṇānujānanakathādivaṇṇanā
