| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৮৪. পক্খগণনাদিউগ্গহণানুজাননকথা
84. Pakkhagaṇanādiuggahaṇānujānanakathā
১৫৬. কতিনং পূরণীতি কতিনং তিথীনং পূরণী। কো দিৰসোতি কিত্তকো দিৰসো। অয্যাযত্তন্তি অয্যেহি ভিক্খূহি আযত্তং আবদ্ধং। সংহরিত্ৰাতি পুন সলাকং সংহরিত্ৰা। অযং পাঠো কেসুচি অট্ঠকথাপোত্থকেসু নত্থি। কালৰতোতি এত্থ ৰন্তুপচ্চযো স্ৰত্থোতি আহ ‘‘কালস্সেৰা’’তি। এৰসদ্দো পন সম্ভৰতো যুজ্জিযতি। পগেৰাতি পাতোৰ।
156.Katinaṃpūraṇīti katinaṃ tithīnaṃ pūraṇī. Ko divasoti kittako divaso. Ayyāyattanti ayyehi bhikkhūhi āyattaṃ ābaddhaṃ. Saṃharitvāti puna salākaṃ saṃharitvā. Ayaṃ pāṭho kesuci aṭṭhakathāpotthakesu natthi. Kālavatoti ettha vantupaccayo svatthoti āha ‘‘kālassevā’’ti. Evasaddo pana sambhavato yujjiyati. Pagevāti pātova.
১৫৮. সাযম্পীতি সাযন্হেপি। পিসদ্দেন অঞ্ঞম্পি সরণকালং সম্পিণ্ডেতি।
158.Sāyampīti sāyanhepi. Pisaddena aññampi saraṇakālaṃ sampiṇḍeti.
১৫৯. আণাপেতুন্তি এত্থ অনাণাপেতব্বভিক্খূ অপনেত্ৰা আণাপেতব্বভিক্খূ দস্সেতুং ৰুত্তং ‘‘কিঞ্চি কম্ম’’ন্তিআদি। সদাকালমেৰ কিঞ্চি কম্মং করোন্তোতি যোজনা। ধম্মকথিকাদীসূতিআদিসদ্দেন গণৰাচকাদযো সঙ্গণ্হাতি। ৰারেনাতি পরিযাযেন। সম্মুঞ্চনিন্তি যট্ঠিসম্মুঞ্চনিং ৰা মুট্ঠিসম্মুঞ্চনিং ৰা। সমং, সুট্ঠু ৰা মুঞ্চতি সোধেতি ইমাযাতি সম্মুঞ্চনী, তালুজো পঠমো। তম্পীতি সাখাভঙ্গম্পি।
159.Āṇāpetunti ettha anāṇāpetabbabhikkhū apanetvā āṇāpetabbabhikkhū dassetuṃ vuttaṃ ‘‘kiñci kamma’’ntiādi. Sadākālameva kiñci kammaṃ karontoti yojanā. Dhammakathikādīsūtiādisaddena gaṇavācakādayo saṅgaṇhāti. Vārenāti pariyāyena. Sammuñcaninti yaṭṭhisammuñcaniṃ vā muṭṭhisammuñcaniṃ vā. Samaṃ, suṭṭhu vā muñcati sodheti imāyāti sammuñcanī, tālujo paṭhamo. Tampīti sākhābhaṅgampi.
১৬০. ৰুত্তনযেনেৰাতি সম্মজ্জনে ৰুত্তনযেনেৰ। পুন আহরিতব্বানীতি সঙ্ঘিকাৰাসং আসনানি পুন আহরিতব্বানি। তট্টিকাযোপীতি ৰেণুআদিমযা তট্টিকাযোপি।
160.Vuttanayenevāti sammajjane vuttanayeneva. Puna āharitabbānīti saṅghikāvāsaṃ āsanāni puna āharitabbāni. Taṭṭikāyopīti veṇuādimayā taṭṭikāyopi.
১৬১. কপল্লিকা ৰাতি কপালেসু পরিযাপন্না পদীপকপালা ৰা। তন্তি তেলাদিং। পরিযেসিতব্বানীতি অনৰজ্জপরিযেসনেন পরিযেসিতব্বানি।
161.Kapallikā vāti kapālesu pariyāpannā padīpakapālā vā. Tanti telādiṃ. Pariyesitabbānīti anavajjapariyesanena pariyesitabbāni.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
৮৪. পক্খগণনাদিউগ্গহণানুজাননা • 84. Pakkhagaṇanādiuggahaṇānujānanā
৮৫. পুব্বকরণানুজাননা • 85. Pubbakaraṇānujānanā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / পক্খগণনাদিউগ্গহণানুজাননকথা • Pakkhagaṇanādiuggahaṇānujānanakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পক্খগণনাদিউগ্গহণানুজাননকথাৰণ্ণনা • Pakkhagaṇanādiuggahaṇānujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পক্খগণনাদিউগ্গহণানুজাননকথাদিৰণ্ণনা • Pakkhagaṇanādiuggahaṇānujānanakathādivaṇṇanā
