| Library / Tipiṭaka / တိပိဋက • Tipiṭaka / ဇာတကပာဠိ • Jātakapāḷi |
၃၃၃. ပက္ကဂောဓဇာတကံ (၄-၄-၃)
333. Pakkagodhajātakaṃ (4-4-3)
၁၂၉.
129.
တဒေဝ မေ တ္ဝံ ဝိဒိတော၊ ဝနမဇ္ဈေ ရထေသဘ။
Tadeva me tvaṃ vidito, vanamajjhe rathesabha;
ယသ္သ တေ ခဂ္ဂဗဒ္ဓသ္သ၊ သန္နဒ္ဓသ္သ တိရီဋိနော။
Yassa te khaggabaddhassa, sannaddhassa tirīṭino;
အသ္သတ္ထဒုမသာခာယ၊ ပက္ကာ ဂောဓာ ပလာယထ။
Assatthadumasākhāya, pakkā godhā palāyatha.
၁၃၀.
130.
နမေ နမန္တသ္သ ဘဇေ ဘဇန္တံ၊ ကိစ္စာနုကုဗ္ဗသ္သ ကရေယ္ယ ကိစ္စံ။
Name namantassa bhaje bhajantaṃ, kiccānukubbassa kareyya kiccaṃ;
နာနတ္ထကာမသ္သ ကရေယ္ယ အတ္ထံ၊ အသမ္ဘဇန္တမ္ပိ န သမ္ဘဇေယ္ယ။
Nānatthakāmassa kareyya atthaṃ, asambhajantampi na sambhajeyya.
၁၃၁.
131.
စဇေ စဇန္တံ ဝနထံ န ကယိရာ၊ အပေတစိတ္တေန န သမ္ဘဇေယ္ယ။
Caje cajantaṃ vanathaṃ na kayirā, apetacittena na sambhajeyya;
ဒိဇော ဒုမံ ခီဏဖလန္တိ 1 ဉတ္ဝာ၊ အညံ သမေက္ခေယ္ယ မဟာ ဟိ လောကော။
Dijo dumaṃ khīṇaphalanti 2 ñatvā, aññaṃ samekkheyya mahā hi loko.
၁၃၂.
132.
သော တေ ကရိသ္သာမိ ယထာနုဘာဝံ၊ ကတညုတံ ခတ္တိယေ 3 ပေက္ခမာနော။
So te karissāmi yathānubhāvaṃ, kataññutaṃ khattiye 4 pekkhamāno;
သဗ္ဗဉ္စ တေ ဣသ္သရိယံ ဒဒာမိ၊ ယသ္သိစ္ဆသီ တသ္သ တုဝံ ဒဒာမီတိ။
Sabbañca te issariyaṃ dadāmi, yassicchasī tassa tuvaṃ dadāmīti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဇာတက-အဋ္ဌကထာ • Jātaka-aṭṭhakathā / [၃၃၃] ၃. ပက္ကဂောဓဇာတကဝဏ္ဏနာ • [333] 3. Pakkagodhajātakavaṇṇanā
