| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣៣៣. បក្កគោធជាតកំ (៤-៤-៣)
333. Pakkagodhajātakaṃ (4-4-3)
១២៩.
129.
តទេវ មេ ត្វំ វិទិតោ, វនមជ្ឈេ រថេសភ;
Tadeva me tvaṃ vidito, vanamajjhe rathesabha;
យស្ស តេ ខគ្គពទ្ធស្ស, សន្នទ្ធស្ស តិរីដិនោ;
Yassa te khaggabaddhassa, sannaddhassa tirīṭino;
អស្សត្ថទុមសាខាយ, បក្កា គោធា បលាយថ។
Assatthadumasākhāya, pakkā godhā palāyatha.
១៣០.
130.
នមេ នមន្តស្ស ភជេ ភជន្តំ, កិច្ចានុកុព្ពស្ស ករេយ្យ កិច្ចំ;
Name namantassa bhaje bhajantaṃ, kiccānukubbassa kareyya kiccaṃ;
នានត្ថកាមស្ស ករេយ្យ អត្ថំ, អសម្ភជន្តម្បិ ន សម្ភជេយ្យ។
Nānatthakāmassa kareyya atthaṃ, asambhajantampi na sambhajeyya.
១៣១.
131.
ចជេ ចជន្តំ វនថំ ន កយិរា, អបេតចិត្តេន ន សម្ភជេយ្យ;
Caje cajantaṃ vanathaṃ na kayirā, apetacittena na sambhajeyya;
ទិជោ ទុមំ ខីណផលន្តិ 1 ញត្វា, អញ្ញំ សមេក្ខេយ្យ មហា ហិ លោកោ។
Dijo dumaṃ khīṇaphalanti 2 ñatvā, aññaṃ samekkheyya mahā hi loko.
១៣២.
132.
សោ តេ ករិស្សាមិ យថានុភាវំ, កតញ្ញុតំ ខត្តិយេ 3 បេក្ខមានោ;
So te karissāmi yathānubhāvaṃ, kataññutaṃ khattiye 4 pekkhamāno;
សព្ពញ្ច តេ ឥស្សរិយំ ទទាមិ, យស្សិច្ឆសី តស្ស តុវំ ទទាមីតិ។
Sabbañca te issariyaṃ dadāmi, yassicchasī tassa tuvaṃ dadāmīti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣៣៣] ៣. បក្កគោធជាតកវណ្ណនា • [333] 3. Pakkagodhajātakavaṇṇanā
