| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
པཀིཎྞཀཝཎྞནཱ
Pakiṇṇakavaṇṇanā
ཀཱཡཝཱཙཱཙིཏྟཏོ སམུཊྛཧནྟཱིཏི ཀཏྭཱ ‘‘སམནུབྷཱསནསམུཊྛཱནཱནཱི’’ཏི ཝུཏྟཱནི། སམནུབྷཱསནཾ ཀིརིཡཾ། ཨིམཱནི ཀིརིཡཱནི། དྷམྨདེསནསམུཊྛཱནཱནི ཝཱཙཱཙིཏྟཏོཏི ཨེཏྠ ཀཱཡཝཙཱིཝིཉྙཏྟིབྷཱཝཏོ ཨུཛྫགྒྷིཀཨུཙྩཱསདྡཱདཱིསུ ཝིཡ ‘‘ཀཱཡཝཱཙཱཙིཏྟཏོ’’ཏི ཝཏྟབྦཱནཱིཏི ཙེ? ན ཝཏྟབྦཱནི། ནིསཱིདནགམནཱཧཱརཔཀྑིཔནཱདིཀཱཡཝིཉྙཏྟིཡཱ སབྦྷཱཝཱ ཏཏྠ ཡུཏྟཾ, ན དྷམྨདེསནེ ཏཱདིསསྶཱབྷཱཝཱ།
Kāyavācācittato samuṭṭhahantīti katvā ‘‘samanubhāsanasamuṭṭhānānī’’ti vuttāni. Samanubhāsanaṃ kiriyaṃ. Imāni kiriyāni. Dhammadesanasamuṭṭhānāni vācācittatoti ettha kāyavacīviññattibhāvato ujjagghikauccāsaddādīsu viya ‘‘kāyavācācittato’’ti vattabbānīti ce? Na vattabbāni. Nisīdanagamanāhārapakkhipanādikāyaviññattiyā sabbhāvā tattha yuttaṃ, na dhammadesane tādisassābhāvā.
པཀིཎྞཀཝཎྞནཱ ནིཊྛིཏཱ།
Pakiṇṇakavaṇṇanā niṭṭhitā.
སེཁིཡཀཎྜཝཎྞནཱ ནིཊྛིཏཱ།
Sekhiyakaṇḍavaṇṇanā niṭṭhitā.
