| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
41. багин̣н̣аганид̣̇д̣̇зсо
41. Pakiṇṇakaniddeso
багин̣н̣аганд̇и –
Pakiṇṇakanti –
335.
335.
сад̣̇ваараб̣анд̇ханз таанз, сод̣̇угкалагабаасагз;
Sadvārabandhane ṭhāne, sodukkhalakapāsake;
саяанд̇зна д̣̇иваа д̣̇ваарам̣, б̣анд̇хзяяа бариваддагам̣.
Sayantena divā dvāraṃ, bandheyya parivaṭṭakaṃ.
336.
336.
санд̇з вин̃н̃умхи бурисз, аабхог̇о жааби габбад̇и;
Sante viññumhi purise, ābhogo cāpi kappati;
савасз д̇ам̣ винаагаарам̣, саяанд̇о д̣̇уггадам̣ пусз.
Savase taṃ vinākāraṃ, sayanto dukkaṭaṃ phuse.
337.
337.
рад̇анаанид̇т̇ируубаани, д̇хан̃н̃амид̇т̇ибасаад̇ханам̣;
Ratanānitthirūpāni, dhaññamitthipasādhanaṃ;
д̇уурияаавуд̇хабхан̣д̣аани, аамасанд̇асса д̣̇уггадам̣.
Tūriyāvudhabhaṇḍāni, āmasantassa dukkaṭaṃ.
338.
338.
сид̇т̇ад̇злод̣̇ад̇злзхи, пан̣ахад̇т̇апан̣зхи ваа;
Sitthatelodatelehi, phaṇahatthaphaṇehi vā;
гожчзнавааби яо гзсз, осан̣тзяяасса д̣̇уггадам̣.
Kocchenavāpi yo kese, osaṇṭheyyassa dukkaṭaṃ.
339.
339.
нзгабаавуран̣аа згад̇т̇аран̣аа ваа д̇уваддаяум̣;
Nekapāvuraṇā ekattharaṇā vā tuvaṭṭayuṃ;
д̇ат̇згаман̃жз бхун̃ж̇зяяум̣, згасмим̣ вааби бхааж̇анз.
Tathekamañce bhuñjeyyuṃ, ekasmiṃ vāpi bhājane.
340.
340.
жад̇уран̇г̇улад̇о уунамад̇хигадтан̇г̇улам̣ д̇ат̇аа;
Caturaṅgulato ūnamadhikaṭṭhaṅgulaṃ tathā;
д̣̇анд̇агадтам̣ на каад̣̇зяяа, ласун̣ам̣ на агаллаго.
Dantakaṭṭhaṃ na khādeyya, lasuṇaṃ na akallako.
341.
341.
хийнуггадтзхи уггадтам̣, хийнам̣ ваа ж̇аад̇иаад̣̇ихи;
Hīnukkaṭṭhehi ukkaṭṭhaṃ, hīnaṃ vā jātiādihi;
уж̇ум̣ ваан̃н̃аабад̣̇зсзна, вад̣̇з д̣̇уб̣бхаасид̇ам̣ д̣̇аваа.
Ujuṃ vāññāpadesena, vade dubbhāsitaṃ davā.
342.
342.
д̣̇ийгхз накз жа гзсз жа, наасаломз на д̇хаараяз;
Dīghe nakhe ca kese ca, nāsalome na dhāraye;
на лаб̣бхам̣ вийсад̇имадтам̣, самб̣аад̇хз ломахааран̣ам̣.
Na labbhaṃ vīsatimaṭṭhaṃ, sambādhe lomahāraṇaṃ.
343.
343.
яат̇аавуд̣дхам̣ на б̣аад̇хзяяа, сан̇гхуд̣̇д̣̇идтам̣ва сан̇гхигам̣;
Yathāvuḍḍhaṃ na bādheyya, saṅghuddiṭṭhaṃva saṅghikaṃ;
ад̇ход̇ааллабаад̣̇зхи, наггамз саяанаасанам̣;
Adhotaallapādehi, nakkame sayanāsanaṃ;
суд̇ход̇абаад̣̇агам̣ вааби, д̇ат̇зва саубаахано.
Sudhotapādakaṃ vāpi, tatheva saupāhano.
344.
344.
сан̇гхаадияаа на баллад̇т̇з, бхид̇д̇аад̣̇им̣ на абассаяз;
Saṅghāṭiyā na pallatthe, bhittādiṃ na apassaye;
баригаммагад̇ам̣ санд̇з, уд̣̇агз но на аажамз.
Parikammakataṃ sante, udake no na ācame.
345.
345.
агаббияасамаад̣̇аанз, д̣̇аваа силаабавиж̇жханз;
Akappiyasamādāne, davā silāpavijjhane;
д̣̇зсанааяа сабхааг̇ааяа, аавигаммз жа д̣̇уггадам̣.
Desanāya sabhāgāya, āvikamme ca dukkaṭaṃ.
346.
346.
бадиссавависам̣ваад̣̇з, суд̣̇д̇хажид̇д̇асса д̣̇уггадам̣;
Paṭissavavisaṃvāde, suddhacittassa dukkaṭaṃ;
бадиссавагкан̣з зва, баажид̇д̇и ид̇арасса д̇у.
Paṭissavakkhaṇe eva, pācitti itarassa tu.
347.
347.
на ругкамабхируухзяяа, сад̇и гижжзва борисам̣;
Na rukkhamabhirūheyya, sati kicceva porisaṃ;
аабад̣̇аасу яат̇аагаамам̣, габбад̇ий абхируухид̇ум̣.
Āpadāsu yathākāmaṃ, kappatī abhirūhituṃ.
348.
348.
винаад̣̇д̇хаанам̣ важ̇анд̇асса, д̣̇уггадам̣ барисааванам̣;
Vināddhānaṃ vajantassa, dukkaṭaṃ parisāvanaṃ;
яаажамаанасса ад̣̇д̇хаанз, ад̣̇ад̣̇анд̇асса д̣̇уггадам̣.
Yācamānassa addhāne, adadantassa dukkaṭaṃ.
349.
349.
т̇уллажжаяам̣ пусз ан̇г̇аж̇аад̇ажчзд̣̇зна д̣̇уггадам̣;
Thullaccayaṃ phuse aṅgajātacchedena dukkaṭaṃ;
ааб̣аад̇хаббажжаяаан̃н̃ад̇ра, сзсан̇г̇з ад̇д̇агхаад̇анз.
Ābādhappaccayāññatra, sesaṅge attaghātane.
350.
350.
жид̇д̇абод̇т̇агаруубаани, на гарз на жа гаараяз;
Cittapotthakarūpāni, na kare na ca kāraye;
на вудтаабзяяа бхун̃ж̇анд̇ам̣, аараамааран̃н̃аг̇зхасу.
Na vuṭṭhāpeyya bhuñjantaṃ, ārāmāraññagehasu.
351.
351.
яаанаани бумаяуд̇д̇аани, сивигам̣ хад̇т̇аваддагам̣;
Yānāni pumayuttāni, sivikaṃ hatthavaṭṭakaṃ;
баадан̇гин̃жа г̇илаанасса, габбад̇ий абхируухид̇ум̣.
Pāṭaṅkiñca gilānassa, kappatī abhirūhituṃ.
352.
352.
б̣уд̣̇д̇хам̣ д̇хамман̃жа сан̇гхан̃жа, аараб̣бха гаран̣з д̣̇авам̣;
Buddhaṃ dhammañca saṅghañca, ārabbha karaṇe davaṃ;
д̣̇уггадам̣ барисам̣ вааби, ан̃н̃асса убалаал̣анз.
Dukkaṭaṃ parisaṃ vāpi, aññassa upalāḷane.
353.
353.
гааяам̣ уурум̣ нимид̇д̇ам̣ ваа, бхигкунийнам̣ на д̣̇ассаяз;
Kāyaṃ ūruṃ nimittaṃ vā, bhikkhunīnaṃ na dassaye;
виварид̇ваа на син̃жзяяа, д̇аа гад̣̇д̣̇амуд̣̇агаад̣̇инаа.
Vivaritvā na siñceyya, tā kaddamudakādinā.
354.
354.
на г̇ан̣хад̇о жа оваад̣̇ам̣, на бажжаахарад̇оби жа;
Na gaṇhato ca ovādaṃ, na paccāharatopi ca;
б̣аалам̣ г̇илаанам̣ г̇амияам̣, важ̇ж̇аяид̇ваана д̣̇уггадам̣.
Bālaṃ gilānaṃ gamiyaṃ, vajjayitvāna dukkaṭaṃ.
355.
355.
логааяад̇ам̣ на ваажзяяа, балид̇ам̣ на жа г̇аахаяз;
Lokāyataṃ na vāceyya, palitaṃ na ca gāhaye;
бзл̣ааяаби на бхун̃ж̇зяяа, на гийл̣з гин̃жи гийл̣ид̇ам̣.
Peḷāyapi na bhuñjeyya, na kīḷe kiñci kīḷitaṃ.
356.
356.
баарубз на ниваасзяяа, г̇ихибааруд̇аниваасанам̣;
Pārupe na nivāseyya, gihipārutanivāsanaṃ;
сам̣взллияам̣ ниваасзяяа, д̣̇ааяам̣ наалимбаязяяа ваа.
Saṃvelliyaṃ nivāseyya, dāyaṃ nālimpayeyya vā.
357.
357.
вад̣дхим̣ баяож̇аяз яаажз, нон̃н̃аад̇агаббаваарид̇з;
Vaḍḍhiṃ payojaye yāce, noññātakappavārite;
ад̇д̇ано барибхог̇ад̇т̇ам̣, д̣̇иннаман̃н̃асса но д̣̇ад̣̇з;
Attano paribhogatthaṃ, dinnamaññassa no dade;
аг̇г̇ам̣ г̇ахзд̇ваа бхуд̇ваа ваа, гад̇ибаахам̣ буно д̣̇ад̣̇з.
Aggaṃ gahetvā bhutvā vā, katipāhaṃ puno dade.
358.
358.
уд̣̇д̣̇исса яаажанз рагкам̣, н̃ад̇ваан̃ад̇ваа ва д̣̇ан̣д̣инам̣;
Uddissa yācane rakkhaṃ, ñatvāñatvā va daṇḍinaṃ;
г̇ийваасса д̣̇ан̣д̣ид̇з д̣̇ан̣д̣о, саяам̣ д̣̇ан̣д̣аабанз бана;
Gīvāssa daṇḍite daṇḍo, sayaṃ daṇḍāpane pana;
д̣̇ан̣д̣асса аг̇гхабхзд̣̇зна, н̃зяяаа баарааж̇игаад̣̇игаа.
Daṇḍassa agghabhedena, ñeyyā pārājikādikā.
359.
359.
харанд̇зсу баригкаарам̣, ‘‘жоро жоро’’д̇и бхаасид̇з;
Harantesu parikkhāraṃ, ‘‘coro coro’’ti bhāsite;
анад̇т̇ааязсам̣ г̇ан̣ханд̇з, д̣̇ан̣д̣ам̣ г̇ийваасса д̇ад̇д̇агам̣.
Anatthāyesaṃ gaṇhante, daṇḍaṃ gīvāssa tattakaṃ.
360.
360.
вигхаасужжаарасан̇гаара-муд̇д̇ам̣ чад̣д̣зяяа д̣̇уггадам̣;
Vighāsuccārasaṅkāra-muttaṃ chaḍḍeyya dukkaṭaṃ;
б̣ахи баагаарагуддаанам̣, вал̣ан̃ж̇з наавалогияа;
Bahi pākārakuṭṭānaṃ, vaḷañje nāvalokiya;
харид̇з вааби вийхаад̣̇и-наал̣игзраад̣̇иробимз.
Harite vāpi vīhādi-nāḷikerādiropime.
361.
361.
яож̇аабзд̇ум̣ баяож̇зд̇ум̣, баяуд̇д̇аани жа бассид̇ум̣;
Yojāpetuṃ payojetuṃ, payuttāni ca passituṃ;
на лаб̣бхам̣ д̇хаммаяуд̇д̇амби, нажжам̣ г̇ийд̇ан̃жа ваад̣̇ид̇ам̣;
Na labbhaṃ dhammayuttampi, naccaṃ gītañca vāditaṃ;
‘‘убахаарам̣ гаромаа’’д̇и, вуд̇д̇з ваа самбадижчид̇ум̣.
‘‘Upahāraṃ karomā’’ti, vutte vā sampaṭicchituṃ.
362.
362.
рааж̇ааг̇аарам̣ богкаран̣им̣, уяяаанам̣ жид̇д̇аг̇аарагам̣;
Rājāgāraṃ pokkharaṇiṃ, uyyānaṃ cittagārakaṃ;
гийл̣ад̇т̇ам̣ г̇ажчад̇о д̣̇адтум̣, аараамам̣ д̣̇уггадам̣ гад̇ам̣.
Kīḷatthaṃ gacchato daṭṭhuṃ, ārāmaṃ dukkaṭaṃ kataṃ.
363.
363.
навз на бадиб̣аахзяяаа-санзнун̣хз на жийварам̣;
Nave na paṭibāheyyā-sanenuṇhe na cīvaraṃ;
нид̣̇ахзяяа камаабзяяа, г̇арунаа жа бан̣аамид̇о.
Nidaheyya khamāpeyya, garunā ca paṇāmito.
364.
364.
аггосанз бараммукаа, аабад̇д̇ийхи жа сад̇д̇ахи;
Akkosane parammukhā, āpattīhi ca sattahi;
бхигкум̣ убаасагам̣ вааби, ан̃н̃знзва жа д̣̇уггадам̣.
Bhikkhuṃ upāsakaṃ vāpi, aññeneva ca dukkaṭaṃ.
365.
365.
на лаб̣бхам̣ винибаад̇зд̇ум̣, сад̣̇д̇хаад̣̇зяяан̃жа жийварам̣;
Na labbhaṃ vinipātetuṃ, saddhādeyyañca cīvaraṃ;
лаб̣бхам̣ бид̇уунам̣ сзсаанам̣, н̃аад̇ийнамби на лаб̣бхад̇и.
Labbhaṃ pitūnaṃ sesānaṃ, ñātīnampi na labbhati.
366.
366.
вассам̣вуд̇т̇он̃н̃ад̇он̃н̃ад̇ра , бхааг̇ам̣ г̇ан̣хзяяа д̣̇уггадам̣;
Vassaṃvutthoññatoññatra , bhāgaṃ gaṇheyya dukkaṭaṃ;
бадид̣̇зяяа надтз ж̇ин̣н̣з, г̇ийваа но д̣̇зяяа жод̣̇ид̇о;
Paṭideyya naṭṭhe jiṇṇe, gīvā no deyya codito;
д̇хуранигкзбад̇о д̇зсам̣, ход̇и бхан̣д̣аг̇гхагаарияо.
Dhuranikkhepato tesaṃ, hoti bhaṇḍagghakāriyo.
367.
367.
на санд̇аруд̇д̇аро г̇аамам̣, галло ваа саубаахано;
Na santaruttaro gāmaṃ, kallo vā saupāhano;
бависзяяа на д̇хаарзяяа, жаамариймагасаб̣ийж̇аним̣.
Paviseyya na dhāreyya, cāmarīmakasabījaniṃ.
368.
368.
аг̇илаано на чинд̣̇зяяа, гзсз гад̇д̇арияаа б̣ахи;
Agilāno na chindeyya, kese kattariyā bahi;
аараамад̇о на д̇хаарзяяа, чад̇д̇ам̣ лаб̣бхад̇и г̇уд̇д̇ияаа.
Ārāmato na dhāreyya, chattaṃ labbhati guttiyā.
369.
369.
г̇аахзяяа нубхад̇огааж̇ам̣, зганд̇аригагааж̇агам̣;
Gāheyya nubhatokājaṃ, ekantarikakājakaṃ;
сийсагканд̇хагадибхаараа, хад̇т̇оламб̣о жа лаб̣бхад̇и.
Sīsakkhandhakaṭibhārā, hattholambo ca labbhati.
370.
370.
аабад̇д̇ияаа аногааса-гад̇ам̣ жод̣̇зяяа д̣̇уггадам̣;
Āpattiyā anokāsa-kataṃ codeyya dukkaṭaṃ;
суд̣̇д̇хасса жа авад̇т̇усмим̣, д̇ат̇аа огаасагааран̣з.
Suddhassa ca avatthusmiṃ, tathā okāsakāraṇe.
371.
371.
адтан̇г̇улаад̇хигам̣ ман̃жабадибаад̣̇ам̣ на д̇хаараяз;
Aṭṭhaṅgulādhikaṃ mañcapaṭipādaṃ na dhāraye;
багад̇ан̇г̇улзна сад̇д̇аанам̣, ман̃жам̣ ваа ужжабаад̣̇агам̣.
Pakataṅgulena sattānaṃ, mañcaṃ vā uccapādakaṃ.
372.
372.
мууг̇аб̣б̣ад̇аад̣̇им̣ г̇ан̣хзяяа, д̣̇уггадам̣ д̇ид̇т̇ияаб̣б̣ад̇ам̣;
Mūgabbatādiṃ gaṇheyya, dukkaṭaṃ titthiyabbataṃ;
курабхан̣д̣ам̣ барихарз, д̇ат̇аа нхаабид̇абуб̣б̣аго.
Khurabhaṇḍaṃ parihare, tathā nhāpitapubbako.
373.
373.
яам̣ гин̃жи яаажид̇ум̣ хад̇т̇агаммам̣ д̇ад̣̇анусаарад̇о;
Yaṃ kiñci yācituṃ hatthakammaṃ tadanusārato;
лад̣̇д̇хам̣ г̇ахзд̇ум̣ ниггаммамаяаажид̇вааби габбад̇и;
Laddhaṃ gahetuṃ nikkammamayācitvāpi kappati;
гаарзд̇умаахараабзд̇ум̣, яам̣ гин̃жибарасанд̇агам̣.
Kāretumāharāpetuṃ, yaṃ kiñciparasantakaṃ.
374.
374.
г̇ихийнам̣ г̇обагз д̣̇знд̇з, г̇ахзд̇ум̣ д̣̇зд̇и яад̇д̇агам̣;
Gihīnaṃ gopake dente, gahetuṃ deti yattakaṃ;
лаб̣бхам̣ яат̇аабарижчзд̣̇ам̣, сан̇гхажзд̇ияасанд̇агз.
Labbhaṃ yathāparicchedaṃ, saṅghacetiyasantake.
375.
375.
д̣̇вийхаабаж̇ж̇зяяа аабад̇д̇им̣, гааяаваажаахи ваа чахи;
Dvīhāpajjeyya āpattiṃ, kāyavācāhi vā chahi;
алаж̇ж̇ин̃н̃аан̣агуггужжабагад̇ад̇д̇аа сад̇иблаваа;
Alajjiññāṇakukkuccapakatattā satiplavā;
агаббияз ваа габбияз, габбаагаббияасан̃н̃ид̇аа.
Akappiye vā kappiye, kappākappiyasaññitā.
376.
376.
алаж̇ж̇ин̃н̃аан̣ад̇аабад̇д̇им̣ , гааяаваажаахи чаад̣̇аяз;
Alajjiññāṇatāpattiṃ , kāyavācāhi chādaye;
лин̇г̇з сан̇гхз г̇ан̣згасмим̣, жад̇уд̇хаабад̇д̇ивудтид̇и.
Liṅge saṅghe gaṇekasmiṃ, catudhāpattivuṭṭhiti.
377.
377.
баригат̇обхаасавин̃н̃ад̇д̇и, на лаб̣бхаа бажжаяад̣̇ваяз;
Parikathobhāsaviññatti, na labbhā paccayadvaye;
вин̃н̃ад̇д̇иязва д̇ад̇ияз, сзсз саб̣б̣амби лаб̣бхад̇и.
Viññattiyeva tatiye, sese sabbampi labbhati.
378.
378.
на руухад̇ажжаяз д̣̇аанам̣, бан̃жаннам̣ сахад̇хамминам̣;
Na rūhataccaye dānaṃ, pañcannaṃ sahadhamminaṃ;
сан̇гхассзва жа д̇ам̣ ход̇и, г̇ихийнам̣ бана руухад̇и.
Saṅghasseva ca taṃ hoti, gihīnaṃ pana rūhati.
379.
379.
бхигку ваа сааман̣зро ваа, гаалам̣ гаяираат̇уубассаяз;
Bhikkhu vā sāmaṇero vā, kālaṃ kayirāthūpassaye;
бхигкусан̇гхова д̣̇ааяаж̇ж̇о, д̇ад̇т̇а сзсзбяаяам̣наяо.
Bhikkhusaṅghova dāyajjo, tattha sesepyayaṃnayo.
380.
380.
буримассзвимам̣ д̣̇иннам̣, д̣̇зхи нзд̇ваасугассад̇и;
Purimassevimaṃ dinnaṃ, dehi netvāsukassati;
бажчимассзва д̣̇аммийд̇и, д̣̇иннам̣ н̃ад̇ваа имам̣ вид̇хим̣;
Pacchimasseva dammīti, dinnaṃ ñatvā imaṃ vidhiṃ;
г̇ан̣хз виссаасаг̇аахам̣ ваад̇хидтз мад̇агажийварам̣.
Gaṇhe vissāsagāhaṃ vādhiṭṭhe matakacīvaraṃ.
381.
381.
лохабхан̣д̣з бахаран̣им̣, д̣̇аарубхан̣д̣з жа д̣̇ааруж̇ам̣;
Lohabhaṇḍe paharaṇiṃ, dārubhaṇḍe ca dārujaṃ;
бад̇д̇ам̣ баад̣̇угабаллан̇гам̣, аасанд̣̇им̣ мад̇д̇игаамаяз;
Pattaṃ pādukapallaṅkaṃ, āsandiṃ mattikāmaye;
табзд̇ваа габбад̇и саб̣б̣ам̣, гад̇агам̣ гумбхагаариганд̇и.
Ṭhapetvā kappati sabbaṃ, katakaṃ kumbhakārikanti.
