| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
પકિણ્ણકકથા
Pakiṇṇakakathā
એત્થાતિ ઇમસ્મિં સિક્ખાપદે. ઇદં પકિણ્ણકં વુત્તન્તિ સમ્બન્ધો. તીણિ પાચિત્તિયાનીતિ ભિક્ખુનો અસમ્મતત્તા એકં પાચિત્તિયં, સૂરિયસ્સ અત્થઙ્ગતત્તા એકં, ભિક્ખુનુપસ્સયં ઉપસઙ્કમિતત્તા એકન્તિ તીણિ પાચિત્તિયાનિ. કથન્તિ કેન કારણેન હોતીતિ યોજના. તત્થાતિ ભિક્ખુનુપસ્સયં. તસ્સેવાતિ સમ્મતસ્સેવ ભિક્ખુનો. અઞ્ઞેન ધમ્મેનાતિ ગરુધમ્મેહિ અઞ્ઞેન ધમ્મેન. દિવા પનાતિ સૂરિયુગ્ગમનતો તસ્સ અનત્થઙ્ગતેયેવાતિ.
Etthāti imasmiṃ sikkhāpade. Idaṃ pakiṇṇakaṃ vuttanti sambandho. Tīṇi pācittiyānīti bhikkhuno asammatattā ekaṃ pācittiyaṃ, sūriyassa atthaṅgatattā ekaṃ, bhikkhunupassayaṃ upasaṅkamitattā ekanti tīṇi pācittiyāni. Kathanti kena kāraṇena hotīti yojanā. Tatthāti bhikkhunupassayaṃ. Tassevāti sammatasseva bhikkhuno. Aññena dhammenāti garudhammehi aññena dhammena. Divā panāti sūriyuggamanato tassa anatthaṅgateyevāti.
