| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
பகாஸனீயகம்மாதி³கதா²
Pakāsanīyakammādikathā
336. கே²ளாஸகஸ்ஸாதி எத்த² மிச்சா²ஜீவேன உப்பன்னபச்சயா அரியேஹி வந்தப்³பா³ கே²ளஸதி³ஸா, ததா²ரூபே பச்சயே அயங் அஜ்ஜோ²ஹரதீதி கத்வா கே²ளாஸகோதி ப⁴க³வதா வுத்தோ.
336.Kheḷāsakassāti ettha micchājīvena uppannapaccayā ariyehi vantabbā kheḷasadisā, tathārūpe paccaye ayaṃ ajjhoharatīti katvā kheḷāsakoti bhagavatā vutto.
340. பத்த²த்³தே⁴ன காயேனாதி பொத்த²கரூபஸதி³ஸேன நிச்சலேன காயேன.
340.Patthaddhena kāyenāti potthakarūpasadisena niccalena kāyena.
342. மயங் கோ² ப⁴ணே ராஜஞாதகா நாமாதி ராஜா அம்ஹே ஜானாதீதி ராஜஞாதகஸ்ஸ பா⁴வேன அத்தானங் உக்கங்ஸந்தோ ஆஹ. பஹட்ட²கண்ணவாலோதி ப³ந்த⁴னே நிச்சலே கத்வா.
342.Mayaṃ kho bhaṇe rājañātakā nāmāti rājā amhe jānātīti rājañātakassa bhāvena attānaṃ ukkaṃsanto āha. Pahaṭṭhakaṇṇavāloti bandhane niccale katvā.
து³க்க²ஞ்ஹி குஞ்ஜர நாக³மாஸதோ³தி போ⁴ குஞ்ஜர பு³த்³த⁴னாக³ங் ஆஸாத³னங் வத⁴கசித்தேன உபக³மனங் நாம து³க்க²ங். நாக³ஹதஸ்ஸாதி பு³த்³த⁴னாக³ங் கா⁴தகஸ்ஸ.
Dukkhañhi kuñjara nāgamāsadoti bho kuñjara buddhanāgaṃ āsādanaṃ vadhakacittena upagamanaṃ nāma dukkhaṃ. Nāgahatassāti buddhanāgaṃ ghātakassa.
படிகுடியோவ ஓஸக்கீதி ததா²க³தாபி⁴முகோ²யேவ பிட்டி²மேஹி பாதே³ஹி அவஸக்கி. அலக்கி²கோதி எத்த² ந லக்கே²தீதி அலக்கி²கோ; ந ஜானாதீதி அத்தோ² , அஹங் பாபகம்மங் கரோமீதி ந ஜானாதி. ந லக்கி²தப்³போ³தி வா அலக்கி²கோ; ந பஸ்ஸிதப்³போ³தி அத்தோ².
Paṭikuṭiyova osakkīti tathāgatābhimukhoyeva piṭṭhimehi pādehi avasakki. Alakkhikoti ettha na lakkhetīti alakkhiko; na jānātīti attho , ahaṃ pāpakammaṃ karomīti na jānāti. Na lakkhitabboti vā alakkhiko; na passitabboti attho.
343. திகபோ⁴ஜனந்தி எத்த² தீஹி ஜனேஹி பு⁴ஞ்ஜிதப்³ப³போ⁴ஜனங். தங் பஞ்ஞாபெஸ்ஸாமீதி தங் அனுஜானிஸ்ஸாமி . க³ணபோ⁴ஜனே பன யதா²த⁴ம்மோ காரேதப்³போ³தி. பஞ்சவத்து²யாசனகதா² ஸங்கா⁴தி³ஸேஸவண்ணனாயங் வுத்தா. கப்பந்தி ஆயுகப்பங். ப்³ரஹ்மங் புஞ்ஞந்தி ஸெட்ட²ங் புஞ்ஞங். கப்பங் ஸக்³க³ம்ஹீதி ஆயுகப்பமேவ.
343.Tikabhojananti ettha tīhi janehi bhuñjitabbabhojanaṃ. Taṃ paññāpessāmīti taṃ anujānissāmi . Gaṇabhojane pana yathādhammo kāretabboti. Pañcavatthuyācanakathā saṅghādisesavaṇṇanāyaṃ vuttā. Kappanti āyukappaṃ. Brahmaṃ puññanti seṭṭhaṃ puññaṃ. Kappaṃ saggamhīti āyukappameva.
பகாஸனீயகம்மாதி³கதா² நிட்டி²தா.
Pakāsanīyakammādikathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
பகாஸனீயகம்மங் • Pakāsanīyakammaṃ
அபி⁴மாரபேஸனங் • Abhimārapesanaṃ
நாளாகி³ரிபேஸனங் • Nāḷāgiripesanaṃ
பஞ்சவத்து²யாசனகதா² • Pañcavatthuyācanakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
நாளாகி³ரிபேஸனகதா²வண்ணனா • Nāḷāgiripesanakathāvaṇṇanā
பஞ்சவத்து²யாசனகதா²வண்ணனா • Pañcavatthuyācanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ச²ஸக்யபப்³ப³ஜ்ஜாகதா²வண்ணனா • Chasakyapabbajjākathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ச²ஸக்யபப்³ப³ஜ்ஜாகதா²தி³வண்ணனா • Chasakyapabbajjākathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / பகாஸனீயகம்மாதி³கதா² • Pakāsanīyakammādikathā
