| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. баж̇ж̇од̇асуд̇д̇аван̣н̣анаа
6. Pajjotasuttavaṇṇanā
26. д̣̇иваарад̇д̇инд̇и на аад̣̇ижжо вияа д̣̇иваа зва, на жанд̣̇имаа вияа рад̇д̇им̣ зва, ат̇а ко д̣̇иваа жа рад̇д̇ин̃жа. д̇ад̇т̇а д̇ад̇т̇аад̇и яад̇т̇а яад̇т̇а самбаж̇ж̇алид̇о, д̇ад̇т̇а д̇ад̇т̇зва бад̣̇зсз, на аад̣̇ижжо вияа жанд̣̇имаа вияа сагалам̣ махаад̣̇исам̣ д̣̇исанд̇араал̣ан̃жа. н̃аан̣аанубхаавзна уббаннаалого н̃аан̣аалогод̇и вад̣̇анд̇и. ‘‘ид̣̇ам̣ д̣̇угкам̣ арияасажжанд̇и буб̣б̣з мз, бхигкавз, анануссуд̇зсу д̇хаммзсу жагкум̣ уд̣̇абаад̣̇и н̃аан̣ам̣ уд̣̇абаад̣̇и бан̃н̃аа уд̣̇абаад̣̇и виж̇ж̇аа уд̣̇абаад̣̇и аалого уд̣̇абаад̣̇ий’’д̇и (сам̣. ни. 5.1081; махаава. 15; бади. ма. 2.30) бана важанад̇о маг̇г̇о н̃аан̣аалого. ‘‘д̇амо вихад̇о, аалого уббанно’’д̇и (ма. ни. 1.386; баараа. 12) ваа важанад̇о виж̇ж̇ад̇д̇аяаалого н̃аан̣аалого. батамаабхисамб̣од̇хияам̣ вияа сан̃ж̇аад̇абийд̇ивибпааро, висзсад̇о рад̇анагхарз саманд̇абадтаанавижинанз сан̃ж̇аад̇абийд̇ивасзна уббаннасарийробхаасо ваа бийд̇иаалого. д̇ад̇т̇зва уббаннабасаад̣̇авасзна сан̃ж̇аад̇ааалогова басаад̣̇аалого. д̇хаммажаггабавад̇д̇анз ‘‘ан̃н̃ааси вад̇а, бхо, гон̣д̣ан̃н̃о’’д̇и уббаннабасаад̣̇аалогод̇и жа вад̣̇анд̇и. саб̣б̣ад̇т̇зва сад̇т̇у д̇хаммад̣̇зсанаа сад̇д̇аанам̣ хад̣̇аяад̇амам̣ вид̇хаманд̇ий д̇хаммагат̇аааалого. саб̣б̣оби б̣уд̣̇д̇хаанам̣ баад̇убхааваа уббанно аалогод̇и иминаа саавагаанам̣ д̣̇зсанааяа сан̃ж̇аад̇ад̇хаммаалогоби б̣уд̣̇д̇хаанубхаавод̇и д̣̇ассзд̇и.
26.Divārattinti na ādicco viya divā eva, na candimā viya rattiṃ eva, atha kho divā ca rattiñca. Tattha tatthāti yattha yattha sampajjalito, tattha tattheva padese, na ādicco viya candimā viya sakalaṃ mahādisaṃ disantarāḷañca. Ñāṇānubhāvena uppannāloko ñāṇālokoti vadanti. ‘‘Idaṃ dukkhaṃ ariyasaccanti pubbe me, bhikkhave, ananussutesu dhammesu cakkhuṃ udapādi ñāṇaṃ udapādi paññā udapādi vijjā udapādi āloko udapādī’’ti (saṃ. ni. 5.1081; mahāva. 15; paṭi. ma. 2.30) pana vacanato maggo ñāṇāloko. ‘‘Tamo vihato, āloko uppanno’’ti (ma. ni. 1.386; pārā. 12) vā vacanato vijjattayāloko ñāṇāloko. Paṭhamābhisambodhiyaṃ viya sañjātapītivipphāro, visesato ratanaghare samantapaṭṭhānavicinane sañjātapītivasena uppannasarīrobhāso vā pītiāloko. Tattheva uppannapasādavasena sañjātaālokova pasādāloko. Dhammacakkapavattane ‘‘aññāsi vata, bho, koṇḍañño’’ti uppannapasādālokoti ca vadanti. Sabbattheva satthu dhammadesanā sattānaṃ hadayatamaṃ vidhamantī dhammakathāāloko. Sabbopi buddhānaṃ pātubhāvā uppanno ālokoti iminā sāvakānaṃ desanāya sañjātadhammālokopi buddhānubhāvoti dasseti.
баж̇ж̇од̇асуд̇д̇аван̣н̣анаа нидтид̇аа.
Pajjotasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. баж̇ж̇од̇асуд̇д̇ам̣ • 6. Pajjotasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. баж̇ж̇од̇асуд̇д̇аван̣н̣анаа • 6. Pajjotasuttavaṇṇanā
